ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵡⴰⵙⴷⴻⵔⵎⴻⵏ 16 ⵏ ⵢⵉⵎⵓⴽⴰⵏ ⵏ ⵜⵓⴼⴼⵔⴰ ⵏ ⵔⵔⴻⴱⵔⴰⴱ ⴷⴻⴳ ⵜⵉⵣⵉ ⵡⴻⵣⵣⵓ (ⵜⴰⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵓⴼⴰ-ⴷ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵏ ⵓⵃⵔⵉⵛ ⴰⵎⴻⵀⵍⴰⵏ ⵏ ⵜⵉⵣⵉ ⵡⴻⵣⵣⵓ 16 ⵏ ⵢⵉⵎⵓⴽⴰⵏ ⵏ ⵜⵓⴼⴼⵔⴰ ⵏ ⵢⵉⵔⴻⴱⵔⴰⴱⴻⵏ, 3 ⵏ ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴷ ⵜⵜⴰⵡⵉⵍⴰⵜ ⵏ ⵓⵙⵟⴻⵔⴹⴻⵇ, ⵢⴻⵔⵏⴰ ⵙⴷⴻⵔⵎⴻⵏ-ⵜⴻⵏ ⵢⵉⵙⴻⵔⴷⴰⵙⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵓⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

« ⴷⴻⴳ ⵓⴽⴰⵜⴰⵔ ⵏ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵔⵏⴰ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵀⴻⵍⵜ ⵏ ⵓⴼⴻⵜⵜⴻⵛ ⴷ ⵓⴼⵔⴰⴹ ⴷⴻⴳ ⵜⵖⵉⵡⴰⵏⵜ ⵏ ⵓⵖⵔⵉⴱ, ⴷⴻⴳ ⵓⴳⴰⴼⴰ ⵏ ⵜⴻⵎⴷⵉⵏⵜ ⵏ ⵢⵉⵄⴻⵥⵥⵓⴳⴻⵏ, ⵜⵜⵡⴻⵏⵖⴻⵏ ⵙⵉⵏ ⵏ ⵢⵉⵔⴻⴱⵔⴰⴱⴻⵏ ⵢⴻⵔⵏⴰ ⵜⵜⵡⴰⵍⴻⵇⴹⴻⵏ-ⴷ ⵙⵉⵏ ⵏ ⵢⵉⴱⴻⵛⴽⵉⴹⴻⵏ-ⵉⵎⵉⵟⵔⴰⵢⵓⵜⴻⵏ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ ⴷ ⵡⴰⵟⴰⵙ ⵏ ⵍⵄⵓⵍⴰⵜ ⵏ ⵍⴻⵙⵍⴰⵃ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵓⴼⴰ ⵢⵉⵡⴻⵜ ⵏ ⵜⵙⴻⵏⵙⴻⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵏ ⵓⵃⵔⵉⵛ ⴰⵎⴻⵀⵍⴰⵏ ⵏ ⵜⵉⵣⵉ ⵡⴻⵣⵣⵓ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ) ⴰⵙⵙ ⵏ 29 ⵏⵡⴻⵎⴱⴻⵕ 2015, 16 ⵏ ⵢⵉⵎⵓⴽⴰⵏ ⵏ ⵜⵓⴼⴼⵔⴰ ⵏ ⵢⵉⵔⴻⴱⵔⴰⴱⴻⵏ, 3 ⵏ ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ, ⵜⵜⴰⵡⵉⵍⴰⵜ ⵏ ⵓⵙⵟⴻⵔⴹⴻⵇ, ⵜⵓⵞⵞⵉⵜ, ⵉⵙⴰⴼⴰⵔⴻⵏ, ⵉⵙⴰⵡⴰⵍⴻⵏ ⵏ ⵓⴼⵓⵙ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, « ⵢⴻⵔⵏⴰ ⵙ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵢⵉⴳⴻⵏ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ, ⴼⴽⴰⵏ-ⴷ ⵙⵉⵏ ⵏ ⵢⵉⵔⴻⴱⵔⴰⴱⴻⵏ ⵉⵎⴰⵏ-ⵏⵙⴻⵏ ⴷⴻⴳ ⵓⵃⵔⵉⵛ ⴰⵎⴻⵀⵍⴰⵏ ⵏ ⵇⵙⴻⵏⵟⵉⵏⴰ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5), ⵢⴻⵔⵏⴰ ⵍⵍⴰⵏ ⵙⵄⴰⵏ 1 ⵏ ⵓⴱⴻⵛⴽⵉⴹ-ⴰⵎⵉⵟⵔⴰⵢⵓⵜ ⵏ ⵚⵚⴻⵏⴼ ⵏ ⴽⴰⵍⴰⵛⵀⵏⵉⴽⵧⵠ, 1 ⵏ ⵜⵎⴻⵥⵢⴰⵏⵜ ⵜⴰⵢⵎⴰⵏⵉⵜ ⴷ ⵡⴰⵟⴰⵙ ⵏ ⵍⵄⵓⵍⴰ ⵏ ⵍⴻⵙⵍⴰⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.

« ⴷⴻⴳ ⴱⵉⵔ ⵍⵄⴰⵜⴻⵔ, ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵎⴻⵀⵍⴰⵏ ⵏ ⵜⴱⴻⵙⵙⴰ, ⵢⴻⵜⵜⵡⴰⴹⴹⴻⴼ ⵢⵉⵡⴻⵏ ⵏ ⵢⵉⵎⵙⴻⵜⵜⵉ (ⵎⵓⵀⴰⵔⵔⵉⴱ) ⵢⴻⵔⵏⴰ ⵜⵜⵡⴰⴹⴹⴼⴻⵏⵜ ⵖⴻⵔ-ⵙ ⵙⵏⴰⵜ ⵏ ⵜⵎⴻⵥⵢⴰⵏⵉⵏ ⵜⵉⵢⵎⴰⵏⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵍⵖⵓ-ⴰ.

ⵙⴻⴳ ⵜⴰⵎⴰ ⵏⵉⴹⴻⵏ, « ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2, ⴹⴹⴼⴻⵏ ⵢⵉⵖⴰⵍⵍⴻⵏ ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⴷⴻⴳ ⵡⴻⵀⵕⴰⵏ ⴷ ⵖⵉⵍⵉⵣⴰⵏ 6 ⵏ ⵢⵉⵎⵙⴻⵜⵜⵉⵢⴻⵏ ⵏ ⵜⴻⵀⵢⵓⴼⵉⵏ ⴷ 60 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵍⴽⵉⴼ ⵢⴻⵜⵜⵡⴰⵙⴻⴽⴽⵔⴻⵏ ⴷ 4 ⵏ ⵜⴽⴻⵕⵕⵓⵙⵉⵏ ⵏ ⵜⵎⴻⵔⵔⵉⵜ ».

ⴷⴰⵖ, « ⵙⵙⴰⵡⴹⴻⵏ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⵏ ⵜⵍⴻⵎⵙⴰⵏ ⴰⴷ ⵙⵅⴻⵚⵔⴻⵏ ⵢⵉⵡⴻⵏ ⵏ ⵛⵛⵖⴻⵍ ⵏ ⵓⵙⵙⴻⵔⵡⴻⵍ ⵏ 27.515 ⵏ ⵍⵍⵉⵜⵔⴰⵜ ⵏ ⵓⵙⴻⵔⵖⵓ ⵢⴻⵔⵏⴰ ⴹⴹⴼⴻⵏ 4 ⵏ ⵜⴽⴻⵕⵕⵓⵙⵉⵏ ⵏ ⵜⵎⴻⵔⵔⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.