Asebter amenzawi

Abrid Amazzal Agafa-Anẓul: yebda lebni n 520 n yikilumitren

ƐENNABA – Abrid amazzal Agafa-Anẓul (camal-ǧanub) ad yeqqnen Leblida ɣer Lemniɛa (Taɣerdayt) d win ad yesɛun 520 n yikilumitren gar tɣiwant n Ceffa d temdint n Tɣerdayt, yerna yebda s lebni, ɣef wakken ay d-iwekked ass n lḥedd deg Ɛennaba uneɣlaf n yimahilen inagduden, Abdelkader Ouali.

Aḥric ay d-yeqqimen seg usenfar-a, 300 n yikilumitren gar Tɣerdayt d Lemniɛa, ad d-yebdu lebni-nnes seg-a ɣer sdat, ɣef wakken ay d-yerna uneɣlaf, am wakken ay d-iwekked d akken imahilen n lebni la d-ttilin s uqader n yilugan igraɣlanen.

Ixebber-d daɣ Mass Ouali, deg yiwen n umyager d tɣemsa, d akken ahil n usnefli (tanmiya) n lbenyanat n llsas deg tmurt ttekkant deg-s 3400 n tkebbaniyin. Lbenyanat-a n llsas yeqqnen ɣer yibriden sɛan lfayda ɣef tmetti, yerna ttekkayen mliḥ deg usseǧhed n tdamsa taɣelnawt, ɣef wakken ay d-tenna.

Yenna-d uneɣlaf d akken tettwassebded-d yiwet n tegrawt n umahil i uḍfar d ussefqed n yisenfaren, ladɣa wid yerzan lebni n yibriden inekcamen, am wakken ay d-yesmekti d akken ad d-yili ubeddel deg usseddu n yisenfaren akken ur d-ttilin deg-sen wuguren.

Iwekked-d daɣ Mass Ouali ɣef « wazal ameqran » n ureqqeɛ n uẓeḍḍa aɣelnaw n yibriden, am wakken ay d-yenna d akken areqqeɛ-nsen ur d-yettili ara seg-a ɣer da kan, wanag ad yuɣal waya yettili-d dima.