ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⴷⴷⴰⵡ ⵏ 23 ⵏ ⵢⵉⵙⴻⴳⴳⴰⵙⴻⵏ: ⵍⴻⵣⵣⴰⵢⴻⵔ ⴷ ⵎⴰⵚⴻⵔ ⴼⵓⴽⴻⵏⵜ ⵙ 1 ⵖⴻⵔ 1

ⴷⴰⴽⴰⵔ – ⵜⴻⵔⵏⴰ ⵏⵉⵊⵉⵔⵢⴰ ⵜⴰⵅⵚⵉⵎⵜ-ⵏⵏⴻⵙ ⵎⴰⵍⵉ ⵙ 3 ⵖⴻⵔ 2, ⴷⴻⴳ ⵡⴰⴽⵓⴷ ⴰⵢⴷⴻⴳ ⵎⴰⵚⴻⵔ ⴷ ⵍⴻⵣⵣⴰⵢⴻⵔ ⴼⵓⴽⴻⵏⵜ ⵜⵉⵎⵍⵉⵍⵉⵜ-ⵏⵙⴻⵏⵜ ⵙ ⵜⴳⴰⴷⴷⴰ (ⵜⴰⵄⴰⴷⵓⵍ) ⵙ 1 ⵖⴻⵔ 1 ⴰⵙⵙ ⵏ ⵍⵃⴻⴷⴷ ⴷⴻⴳ ⵎⴱⵧⵓⵔ (80 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⴷⴰⴽⴰⵔ) ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵡⵓⵔⴰⵔ ⵏ ⵜⴽⴻⵎⵎⵓⵛⵜ ⴱ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ, ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵙⵉⵏⵉⴳⴰⵍ.

ⵉⵙⵡⴰⵏ ⵏ ⵏⵉⵊⵉⵔⵢⴰ ⵙⵙⴰⴷⴼⴻⵏ-ⵜⴻⵏ ⵧⵍⵓⴼⴰⵡⴻⵎⵉ (ⵜⵉⴷⵇⵉⵇⵉⵏ ⵜⵉⵙ 16 ⴷ 45) ⴷ ⵓⵙⵎⴰⵏ (ⵜⴰⴷⵇⵉⵇⵜ ⵜⵉⵙ 45), ⵎⴰ ⴷ ⵡⵉⴷ ⵏ ⵎⴰⵍⵉ ⵙⵙⴰⴷⴼⴻⵏ-ⵜⴻⵏ ⴰⴷⴰⵎⴰ ⵏⵉⴰⵏⴻ (ⵙ ⵜⵢⵉⵜⴰ ⵏ ⵜⴻⵎⵇⴰⵙⵉⵜ ⴷⴻⴳ ⵜⴻⴷⵇⵉⵇⵜ ⵜⵉⵙ 55) ⴷ ⵙⵧⵓⵍⴻⵢⵎⴰⵏⴻ ⵙⵉⵙⵙⵧⴽⵀⵧ (ⵜⴰⴷⵇⵉⵇⵜ ⵜⵉⵙ 66).

ⴷⴻⴳ ⵜⴻⵎⵍⵉⵍⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵚⴻⵔ, ⵉⵙⵡⵉ ⴰⵎⴰⵚⵔⵉ ⵢⴻⵙⵙⴰⴷⴻⴼ-ⵉⵜ ⴽⴰⵀⵔⴰⴱⴰⵛ ⴷⴻⴳ ⵜⴻⴷⵇⵉⵇⵉⵜ ⵜⵉⵙ 54, ⵙⴰⴽⴽⵉⵏ, ⴷ ⴰⴷⵣⴰⵢⵔⵉ ⴼⴻⵔⵀⴰⵜ ⴰⵢ ⵢⴻⵙⵙⴰⴷⴼⴻⵏ ⵉⵙⵡⵉ ⵏ ⵜⴳⴰⴷⴷⴰ ⴷⴻⴳ ⵜⴻⴷⵇⵉⵇⵜ ⵜⵉⵙ 68.

ⴰⵙⵙ ⵏ ⵙⵙⴻⴱⵜ, ⵙⵉⵏⵉⴳⴰⵍ (ⵜⴰⴽⴻⵎⵎⵓⵛⵜ ⵜⴰⵎⴻⵣⵡⴰⵔⵓⵜ) ⵜⴻⵔⵏⴰ ⵜⴰⴼⵔⵉⵇⵜ ⵏ ⵓⵏⵥⵓⵍ ⵙ 3 ⵖⴻⵔ 0, ⵎⴰ ⴷ ⵜⵓⵏⴻⵙ ⵜⴻⵔⵏⴰ ⵣⴰⵎⴱⵢⴰ ⵙ 2 ⵖⴻⵔ 1.

ⵙⵉⵏⵉⴳⴰⵍ, ⵜⴰⴼⵔⵉⵇⵜ ⵏ ⵓⵏⵥⵓⵍ, ⵜⵓⵏⴻⵙ ⴷ ⵣⴰⵎⴱⵢⴰ ⵜⵜⴻⴽⴽⴰⵏⵜ ⴷⴻⴳ ⵜⴽⴻⵎⵎⵓⵛⵜ ⴰ. ⵎⴰ ⴷ ⵜⴰⴽⴻⵎⵎⵓⵛⵜ ⴱ (ⴰⵢ ⵍⴰ ⵢⴻⵜⵜⵓⵔⴰⵔⴻⵏ ⴷⴻⴳ ⵜⴻⵎⴷⵉⵏⵜ ⵏ ⵎⴱⵧⵓⵔ) ⵜⵜⴻⴽⴽⴰⵏⵜ ⴷⴻⴳ-ⵙ ⵜⴻⵖⵍⴰⵎⵉⵏ ⵏ ⵍⴻⵣⵣⴰⵢⴻⵔ, ⵎⴰⵚⴻⵔ, ⵎⴰⵍⵉ ⴷ ⵏⵉⵊⵉⵔⵢⴰ.

ⵜⵉⵖⵍⴰⵎⵉⵏ ⴰⴷ ⴷ-ⵢⴰⵙⴻⵏ ⴷ ⵜⵉⵎⴻⵣⵡⵓⵔⴰ ⴷⴻⴳ ⵜⴻⵍⵖⵓⵖⴰ ⴰⴷ ⵜⵜⴻⴽⴽⵉⵏⵜ ⵙ ⵢⵉⵙⴻⵎ ⵏ ⵜⴻⴼⵔⵉⵇⵜ ⴷⴻⴳ ⵜⴻⵍⵖⵓⵖⴰ ⵏ ⵢⵉⵔⴳⴰⵣⴻⵏ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⴷⴻⴳ 2016.