Asebter amenzawi

Taqbuct n Tefriqt n ddaw n 23 n yiseggasen: Lezzayer d Maṣer fukent s 1 ɣer 1

DAKAR – Terna Nijirya taxṣimt-nnes Mali s 3 ɣer 2, deg wakud aydeg Maṣer d Lezzayer fukent timlilit-nsent s tgadda (taɛadul) s 1 ɣer 1 ass n lḥedd deg Mbour (80 n yikilumitren ɣef Dakar) deg wass amezwaru n wurar n tkemmuct B n Teqbuct n Tefriqt n Yiɣlanen n ddaw 23 n yiseggasen, ay la d-yettilin deg Sinigal.

Iswan n Nijirya ssadfen-ten Olufawemi (tidqiqin tis 16 d 45) d Usman (tadqiqt tis 45), ma d wid n Mali ssadfen-ten Adama Niane (s tyita n temqasit deg tedqiqt tis 55) d Souleymane Sissokho (tadqiqt tis 66).

Deg temlilit gar Lezzayer d Maṣer, iswi amaṣri yessadef-it Kahrabac deg tedqiqit tis 54, sakkin, d Adzayri Ferhat ay yessadfen iswi n tgadda deg tedqiqt tis 68.

Ass n ssebt, Sinigal (takemmuct tamezwarut) terna Tafriqt n Unẓul s 3 ɣer 0, ma d Tunes terna Zambya s 2 ɣer 1.

Sinigal, Tafriqt n Unẓul, Tunes d Zambya ttekkant deg tkemmuct A. Ma d takemmuct B (ay la yetturaren deg temdint n Mbour) ttekkant deg-s teɣlamin n Lezzayer, Maṣer, Mali d Nijirya.

Tiɣlamin ad d-yasen d timezwura deg telɣuɣa ad ttekkint s yisem n Tefriqt deg telɣuɣa n yirgazen n Wuraren Ulimpiyen n Rio deg 2016.