ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵎⴻⵕⵕⵓⴽ ⵜⴻⴱⵖⴰ ⴰⴷ ⴰⵖ-ⵜⴻⵔⵔ ⵖⴻⵔ ⵜⴻⴳⵏⵉⵜ ⵏ ⵟⵟⵔⴰⴷ

ⵛⵀⴰⵀⵉⴷ ⴻⵍ ⵀⴰⴼⴻⴷⵀ (ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵎⵧⵀⴰⵎⴻⴷ ⴰⵎⵉⵏⴻ ⴱⵧⵓⵀⴰⵍⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷ ⴰⴽⴽⴻⵏ ⵎⴻⵕⵕⵓⴽ « ⵜⴻⵙⵙⴻⵔⵙ-ⴰⵖ ⴷⴻⴳ ⵜⴻⴳⵏⵉⵜ ⵏ ⵟⵟⵔⴰⴷ » ⵉⵎⵉ ⴰⵢ ⵜⵓⴳⵉ ⴰⴷ ⵜⴻⴼⵔⵓ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵜⴰⵍⵡⵉⵜ.

« ⴷⴻⴼⴼⵉⵔ 25 ⵏ ⵢⵉⵙⴻⴳⴳⴰⵙⴻⵏ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ (1991), ⵜⴰⵍⵓⴼⵜ ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⵜⵓⵖⴰⵍ-ⴷ ⵖⴻⵔ ⵜⴻⵏⵇⵉⴹⵜ ⴰⵢⵙⴻⴳ ⵜⴻⴱⴷⴰ, ⵖⴻⵔ ⵜⴻⴳⵏⵉⵜ ⴰⵢ ⴷ-ⵢⴻⵙⵏⴻⴽⵔⴻⵏ ⵟⵟⵔⴰⴷ (ⴳⴰⵔ 1975 ⴷ 1991) ⵉⵎⵉ ⴰⵢ ⵜⵓⴳⵉ ⵎⴻⵕⵕⵓⴽ ⴰⴷ ⵜⴻⵙⵜⴻⵄⵕⴻⴼ ⵙ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵓⵣⵔⴻⴼ-ⵏⵏⴻⵙ ⵉ ⵜⵏⴰⵢⴰ (ⵙⵉⵢⴰⴷⴰ) ⴷⴻⴳ ⵡⴰⴽⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵀⴰⵍⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵙ ⵜⵉⴽⵍⵉ ⴰⵎ ⵜⴰ, ⵎⴻⵕⵕⵓⴽ « ⵜⴻⵣⵣⵓⵖⴻⵔ ⴼⴻⵔⵔⵓ ⵙ ⵜⴰⵍⵡⵉⵜ ⵖⴻⵔ ⵓⴱⵔⵉⴷ ⵉⵔⴻⴳⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⴻⵎⵃⴰⴷⴷⵉⵜ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵎⴰⵣⵓⵏ (ⵎⴰⴱⵄⵓⵜ) ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⵖⴻⴼ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵎⵓⵅⴰⵢⵢⴰⵎ ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ.

« ⵙ ⵢⵉⵙⴻⵎ-ⵏⵏⴻⵖ ⴷ ⵉⴳⴻⵏ (ⴵⴰⵢⵛ) ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⵢⴻⵔⵏⴰ ⴷ ⴰⵔⵔⴰⵡ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⵓⵔ ⵏⵓⴳⴰⴷ ⴰⵔⴰ ⵉⵎⴻⵏⵖⵉ, ⵎⴰⵛⴰ ⵏⴻⴳⴳⴰⵔ-ⴷ ⴷⴰⵖ ⵜⵉⵖⵔⵉ ⵉ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵀⴰⵍⵉ.

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵉ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵙⵄⵓⵏ ⵏⵏⴻⵢⵢⴰ ⵢⴻⵍⵀⴰⵏ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵖⴻⵔ ⵜⵉⴼⵔⴰⵜ ⵏ ⵜⴰⵍⵡⵉⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, » ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ « ⵎⴻⵕⵕⵓⴽ ⵜⵚⴰⵃ-ⵉⵜⵜ-ⵉⴷ ⵜⴻⴳⵏⵉⵜ ⴰⴷ ⵜⴻⴼⵔⵓ ⵜⴰⵍⵓⴼⵜ-ⴰ, ⵎⴰⵛⴰ ⵓⵔ ⵜⵜ- ⵜⴼⵓⵕⴻⵙ ⴰⵔⴰ ».

ⵢⴻⵏⵏⴰ-ⴷ ⵎⴰⵙⵙ ⴱⵧⵓⵀⴰⵍⵉ ⴷ ⴰⴽⴽⴻⵏ ⴰⵙⵡⵉⵔ (ⵎⵓ’ⵜⴰⵎⴰⵔ) ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⴷ ⴷ-ⵢⵉⵍⵉⵏ ⴳⴰⵔ 16 ⴷ 20 ⴷⵓⵊⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⵢⵉⵍⵉ ⴷ ⵜⴰⴳⵏⵉⵜ « ⴰⵢⴷⴻⴳ ⴰⴷ ⴷ-ⵉⴱⴰⵏ ⵓⵣⴻⴽⴽⴰ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ ».

« ⴷⴻⴳ ⵓⵎⵢⴰⴳⴻⵔ-ⴰ, ⴰⴷ ⵢⴻⵜⵜⵡⴰⴷⴷⴻⵎ ⵡⴰⴷⴷⵓⴷ ⵉⵡⴰⵜⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴽ ⵉⴱⵔⵉⴷⴻⵏ ⴰⵢ ⵍⴰ ⵢⴻⵜⵜⵡⴰⴹⴼⴰⵔⴻⵏ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵙ ⵜⴰⵍⵡⵉⵜ, ⵍⴰⴷⵖⴰ ⵉⵎⵉ ⵉⵚⴻⵃⵔⴰⵡⵉⵢⴻⵏ ⵓⴽⵉⵏ ⵉⵎⵉⵔ-ⴰ ⴷ ⴰⴽⴽⴻⵏ ⵙⵄⴰⵏ ⵙⵉⵏ ⵏ ⵢⵉⴼⵔⴰⵏⴻⵏ: ⵢⴰ ⴰⴷ ⵎⵛⵉⵡⵕⴻⵏ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵔⵎⴰ ⵓⵔ ⵏⴻⵥⵔⵉ ⵎⴻⵍⵎⵉ, ⵢⴰ ⴰⴷ ⴳⴻⵏ ⵟⵟⵔⴰⴷ ⵎⴳⴰⵍ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.