Asebter amenzawi

Anejmuɛ n tmura tidisanin n Libya ass n ttlata tameddit di Lezzayer gar-asen agensas amaynut n waɣlan yeddukklen Martin Kobler

LEZZAYER TAMANAɣT- Lecɣal unejmuɛ aneɣlafan wis 7 n tmura tidisanin n Libya ad bdun ass n ttlata tameddit di Lezzayer tamanaɣt s weḥḍaṛ n ugensas amaynut n umaray amatu n waɣlan yeddukklen di Libya, Martin Kobler, akken ad sqerdcen addad yellan di tmurt-agi.

Akk timura tidisanin n Libya (Lezzayern Maṣeṛ, Ssudan, Nijer, Ččad d Tunes), akk d Libya, tadukkli tafriqit, ajerrid iwunak aɛṛaben akk d tdukkli turubt ad ttekkin di temlilit-agi n uzarez ara yilin d tagnitt i yal yiwen akken ad iẓeṛr addad tettidir Libya deg temnaḍt.

Aneɣlaf n tɣawsiwin timaɣribiyin, n tdukkli tafriqit akk d ujerrid n yiwunak aɛṛaben, Abdelkader Messahel, yenna belli anejmuɛ "d tagnitt i Lezzayer akken ad d-twekked tikkelt-nniḍen afud-ines i usurrif yellan yakan ddaw laɛnaya n waɣlan yeddukklen ara yessiwḍen ɣer usbeddi n unabaḍ n tdukkli taɣelnawt ara yesseddun lecɣal di laɛḍil u ad iqabel akk iɣeblan tettmaggar Libya, ladɣa win yerzan rrebrab".

Lezzayer tezga tessaḥṛaṣ ɣef tifrat beṛṛa n cwal i taluft talibit d wa i d azal n usbeddi unabaḍ n tdukkli taɣelnawt d uqader n wakal n tmurt-agi.