ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵏⴻⴳⴳⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ (ⴰⵒⵙ): ⴰⵙⴻⵜⵔⴻⵔ ⴷⵉ ⵍⴼⴰⵢⴷⴰ ⵏ ⵜⵎⴻⵜⵜⵉ ⵙ ⵓⵎⴰⵜⴰ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⵜⴰⵏⴻⴳⴳⴰ ⵏ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⴰⵒⵙ ⴰⴷ ⴷ-ⵜⴻⵎⵎⴻⴽⵜⵉ ⴰⵙⵙ ⵏ ⵜⵜⵍⴰⵜⴰ ⴰⵎⵓⵍⵍⵉ ⵡⵉⵙ 54 ⵙⴻⴳⵎⵉ ⴷ-ⵜⵍⵓⵍ ⴷⵉ ⵍⴰⵡⴰⵏ ⴷⴻⴳ ⴷ-ⵢⴻⵜⵜⵉⵍⵉ ⵓⴱⴻⴷⴷⴻⵍ ⴷⵉ ⵢⴰⵍ ⵜⴰⵎⴰ ⴰⵢⴻⵏ ⴷ-ⵃⴻⵜⵜⵎⴻⵏ ⵉⵡⴻⵍⵍⵉⵀⴻⵏ ⴷ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ.
ⵙⴻⴳ ⵓⵎⴻⵏⵣⵓ ⵏ ⴷⵓⴵⴰⵎⴱⴻⵔ 1961, ⴰⵙⵙ ⴷⴻⴳ ⵉⴷ-ⵜⵍⵓⵍ ⴷⵉ ⵜⵓⵏⴻⵙ, ⵙ ⵍⴰⵄⵏⴰⵢⴰ ⵏ ⵓⵏⴰⴱⴰⴹ ⵏ ⵍⴰⵄⴹⵉⵍ ⵏ ⵜⴻⴳⵔⴰⵡⵍⴰ ⵜⴰⵣⵣⴰⵢⵔⵉⵜ (ⴳⵒⵔⴰ), ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵜⴻⴷⴷⴻⵔ ⴰⵛⵃⴰⵍ ⵏ ⵉⴱⴻⴷⴷⵉⵍⴻⵏ ⵙ ⵢⵉⵙⵡⵉ ⴰⴳⴻⵊⴷⴰⵏ ⵢⴻⵔⵣⴰⵏ ⴰⵙⵉⵡⴻⴹ ⴰⴷ ⵜⴻⵍⵃⵓ ⴰⴽⴽ ⴷ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵜⵎⵓⵖⵍⵉⵡⵉⵏ ⵢⴻⵇⵇⵏⴻⵏ ⵖⴻⵔ ⵓⴱⴻⴷⴷⴻⵍ ⴰⵙⴻⵔⵜⴰⵏ ⴷ ⵓⵏⵎⴻⵜⵜⴰⵏ ⴷⵉ ⵜⵎⵓⵔⵜ.
ⴰⵙⵓⵔⵔⵉⴼ ⵎⵓⵇⵇⵕⴻⵏ ⴰⵢ ⵜⴻⵅⴷⴻⵎ ⵜⵏⴻⴳⴳⴰ ⵙⴻⴳ ⵜⴰⵍⵍⵉⵜ ⵏ « ⵚⵟⴰⵎⴱⴰ » ⴰⴽⴽ ⴷ ⵜⵉⵍⵉⴳⵕⴰⵎ, ⴷⴻⴳ ⵡⵓⵙⵙⴰⵏ ⵉⵎⴻⵣⵣⵡⵓⵔⴰ ⵏ ⵜⵍⴰⵍⵍⵉⵜ-ⵉⵙ ⴰⴽⴽ ⴷ ⵜⴻⵎⴹⴰⵏⴰⴹⵉⵜ ⵉ ⵜⴻⴱⵖⴰ ⵜⴰⵏⴻⴳⴳⴰ ⴰⴷ ⵜⴰⵡⴻⴹ ⴷⴻⴳ ⵡⴻⴱⵔⵉⴷ ⵓⵙⴻⵜⵔⴻⵔ-ⵉⵏⴻⵙ.
ⴰⴽⴽⴻⵏ ⴰⴷ ⵜⴻⵍⵃⵓ ⴷ ⵜⵉⴽⵏⵓⵍⵓⵊⵉⵢⴰⵜ ⵜⵉⵎⴰⵢⵏⵓⵜⵉⵏ ⵍⴰ ⵜⵅⴻⴷⴷⴻⵎ ⴰⵢⴻⵏ ⵉⵡⵓⵍⵎⴻⵏ ⴰⴽⴽⴻⵏ ⴰⴷ ⵜⵉⵍⵉ ⵜⵀⴻⴳⴳⴰ ⵉ ⵜⵎⵓⵖⵍⵉ ⵜⴰⵜⵔⴰⵔⵜ ⵏ ⵜⴻⵖⵡⴰⵍⵜ ⴷ-ⵢⴻⵙⵙⴻⵔⵙⴻⵏ ⵜⵜⴰⵡⵉⵍⴰⵜ-ⵏⵏⵉⴹⴻⵏ
ⴷⴻⴳ ⵓⵙⵓⵔⵔⵉⴼ-ⴰⴳⵉ ⵏ ⵓⵙⴻⵜⵔⴻⵔ ⵏ ⵡⴰⵍⵍⴰⵍⴻⵏ-ⵉⵏⴻⵙ, ⵜⴰⵏⴻⴳⴳⴰ ⵜⴻⵜⵜⴽⴻⵎⵎⵉⵍ ⵍⴻⴱⵏⵉ ⵏ ⵡⴰⵀⵉⵍ-ⵉⵏⴻⵙ ⴰⵎⵓⵇⵕⴰⵏ ⵏ ⵡⴻⴳⵜⴻⵍⵖⵓ ⴰⵔⴰ ⵢⴻⵙⵙⵉⵡⴹⴻⵏ ⴷⴻⴳ ⵡⵓⵙⵙⴰⵏ ⴷ-ⵉⵜⴻⴷⴷⵓⵏ ⵉ ⵓⵙⴻⵔⵙⵉ ⵏ ⵜⵖⴻⵔⵖⴻⵔⵜ ⵜⴰⵎⵔⵉⵡⴰⵏⵜ-ⵏⵏⵉⴹⴻⵏ ⴰⵔⴰ ⵢⴻⴷⴷⵓⵏ ⵙ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⵏ ⵜⴻⵖⵡⴰⵍⵜ (ⴰⴹⵕⵉⵙ, ⵜⵓⴳⵏⴰ, ⵉⵎⴻⵙⵍⵉ, ⵜⴰⴱⵉⴷⵢⵓⵜⵜⵏ).
