ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵜⴰⵍⵉⴱⵉⵜ : ⵜⵉⵎⵓⵔⴰ ⵜⵉⴷⵉⵙⴰⵏⵉⵏ ⵟⵟⴼⴻⵏⵜ ⴷⵉ ⵕⵕⴰⵢ ⴰⵙⴻⵔⵜⴰⵏ ⵉⴷ-ⵙⵙⵓⵎⵔⴻⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⵜⵉⴷⵉⵙⴰⵏⵉⵏ ⵏ ⵍⵉⴱⵢⴰ ⵓⵍⵙⴻⵏ-ⴷ ⴰⵡⴻⴽⴽⴻⴷ, ⴰⵙⵙ ⵏ ⵜⵜⵍⴰⵜⴰ ⴷⵉ ⵍⴻⵣⵣⴰⵢⴻⵔ, ⴱⴻⵍⵍⵉ ⵓⵍⴰⵛ ⵎⴻⵏⵖⵉⵕ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⴰⵎ ⵡⴰⴽⴽⴻⵏ ⵜⵜ-ⵉⴷ-ⵙⵙⵓⵎⵔⴻⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ, ⴷ ⵜⴰⴳⵏⵉⵜⵜ ⵉⵡⴰⵜⴰⵏ ⵉ ⵜⵉⴼⵔⴰⵜ ⵜⴰⵍⴻⴱⴷⴰⵏⵜ ⵏ ⵜⴰⵍⵓⴼⵜ ⵜⴰⵍⵉⴱⵉⵜ.
ⴰⵔ ⵜⴰⴳⴳⴰⵔⴰ ⵏ ⵜⴻⴷⵡⵉⵍⵜ ⵜⵉⵙ ⵚⴰ (7) ⵓⵏⴻⵊⵎⵓⵄ ⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⵜⵉⴷⵉⵙⴰⵏⵉⵏ ⵏ ⵍⵉⴱⵢⴰ ⴱⴻⴳⴳⵏⴻⵏ-ⴷ ⵍⴻⴱⵖⵉ-ⵏⵙⴻⵏ ⵢⴻⵔⵣⴰⵏ "ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⴰⵎ ⵡⴰⴽⴽⴻⵏ ⵜⵜ-ⵉⴷ-ⵙⵙⵓⵎⵎⵔⴻⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ, ⴷ ⵜⴰⴳⵏⵉⵜⵜ ⵉⵡⴰⵜⴰⵏ ⵉ ⵜⵉⴼⵔⴰⵜ ⵜⴰⵍⴻⴱⴷⴰⵏⵜ ⵏ ⵜⴰⵍⵓⴼⵜ ⵜⴰⵍⵉⴱⵉⵜ ⴷ ⵓⵃⴰⴷⴻⵔ ⵖⴻⴼ ⵜⵉⵎⵎⵓⵏⴻⵏⵜ-ⵉⵏⴻⵙ, ⴰⴽⴰⵍ-ⵉⵙ, ⴰⴽⴽ ⴷ ⵜⴷⵓⴽⴽⵍⵉ ⵏ ⵡⴻⴳⴷⵓⴷ", ⵉⴷ-ⵢⴻⵜⵜⵡⴰⵏⵏⴰ ⴷⴻⴳ ⵡⵓⵍⵖⵓ ⵏ ⵜⴰⴳⴳⴰⵔⴰ.
ⵓⴳⴰⵔ ⵉⵏⴻⵖⵍⴰⴼⴻⵏ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⵏ ⵎⴰⵚⴻⵕ, ⵏ ⵜⵓⵏⴻⵙ, ⵏ ⵞⵞⴰⴷ, ⵏ ⵏⵉⵊⴻⵔ, ⵏ ⵍⵉⴱⵢⴰ, ⵏ ⵙⵙⵓⴷⴰⵏ, ⴰⴽⴽ ⴷ ⵉⴳⴻⵏⵙⴰⵙⴻⵏ ⵏ ⵓⵊⴻⵔⵔⵉⴷ ⵏ ⵉⵡⵓⵏⴰⴽ ⴰⵄⵕⴰⴱⴻⵏ, ⵏ ⵜⴷⵓⴽⴽⵍⵉ ⵜⴰⴼⵕⵉⵇⵉⵜ, ⵜⴰⴷⵓⴽⴽⵍⵉ ⵏ ⵜⵓⵔⵓⴱⵜ ⵜⵜⴻⴽⴽⴰⵏ ⴷⵉ ⵜⴻⵎⵍⵉⵍⵉⵜ-ⴰⴳⵉ ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⵏ ⵉⵡⵓⵏⴰⴽ ⴰⵄⵕⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.
ⵙⵏⴻⵎⵎⵔⴻⵏ ⵍⴰⴷⵖⴰ, ⴰⵜⴻⴽⴽⵉ ⵓⴳⴻⵏⵙⴰⵙ ⴰⵎⴰⵢⵏⵓⵜ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⴰⴳⴻⵏⵙⴰⵙ ⴱⴻⴷⴷⴻⵎⵎⴰ ⴷⵉ ⵍⵉⴱⵢⴰ, ⵎⴰⵔⵜⵉⵏ ⴽⵧⴱⵍⴻⵔ, ⵓⵎⵉ ⴷ-ⴱⴻⴳⴳⵏⴻⵏ ⵉⴱⴻⴷⴷⵉ-ⵏⵙⴻⵏ ⵖⴻⵔ ⵢⵉⴷⵉⵙ-ⵉⵙ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵍⵉⴱⵉⵜ", ⵉⴷ-ⵢⴻⵏⵏⴰ ⵡⵓⵍⵖⵓ.
