ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⴰⴷ ⵜⴽⴻⵎⵎⴻⵍ ⵉⴱⴻⴷⴷⵉ-ⵉⵏⴻⵙ ⵖⴻⴼ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵡⵉⵜ ⴷⵉ ⵎⴰⵍⵉ ⴰⴽⴽ ⴷ ⵙⴰⵃⴻⵍ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⵍⴻⵣⵣⴰⵢⴻⵔ ⴰⴷ ⵜⴽⴻⵎⵎⴻⵍ ⵉⴱⴻⴷⴷⵉ-ⵉⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵡⵉⵜ, ⵍⴰⵎⴰⵏ, ⴰⴽⴽ ⴷ ⵡⴻⵔⴽⴰⴷ ⴷⵉ ⵎⴰⵍⵉ ⴰⴽⴽ ⴷ ⵜⴻⵎⵏⴰⴹⵜ ⵏ ⵙⴰⵃⴻⵍ ⵙ ⵓⵎⴰⵜⴰ, ⵉⴷ-ⵉⵡⴻⴽⴽⴻⴷ ⴰⵙⵙ ⵏ ⵍⴰⵕⴻⴱⵄⴰ ⴷⵉ ⵍⴻⵣⵣⴰⵢⴻⵔ, ⵓⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴰⴽⴽ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ.
"ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ ⴰⴽⴽ ⴷ ⵓⵙⴻⵍⵡⴰⵢ-ⵉⵏⴻⵙ, ⴽⴽⵙⴻⵜ ⴰⵖⴱⴻⵍ ⴱⴻⵍⵍⵉ ⴰⴷ ⵏⴽⴻⵎⵎⴻⵍ ⵢⵉⴷⵡⴻⵏ ⴰⴽⴽⴻⵏ ⵉⵡⴰⵜⴰ ⵍⵃⴰⵍ ⵉⴱⴻⴷⴷⵉ-ⵏⵏⴻⵖ ⴷⴻⴳ ⵡⴰⵢⴻⵏ ⴰⴽⴽ ⵢⴻⵔⵣⴰⵏ ⴰⵙⴻⴵⵀⴻⴷ ⵏ ⵜⴰⵍⵡⵉⵜ, ⵍⴰⵎⴰⵏ ⴰⴽⴽ ⴷ ⵡⴻⵔⴽⴰⴷ ⴷⵉ ⵎⴰⵍⵉ ⴰⴽⴽ ⴷ ⵜⴻⵎⵏⴰⴹⵜ ⵙ ⵓⵎⴰⵜⴰ", ⵉⴷ-ⵢⴻⵏⵏⴰ ⵎⴰⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵏ ⵓⵎⴻⵙⵍⴰⵢ ⵍⴰⵡⴰⵏ ⵏ ⵡⴻⵕⵥⴰⵎ ⵏ ⵜⴻⵎⵍⵉⵍⵉⵜ ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ (ⵓⴰ) ⵖⴻⴼ ⵡⴰⵢⴻⵏ ⴰⴽⴽ ⴷ-ⵢⴻⵜⵜⵡⴰⵙⵓⵎⵎⵔⴻⵏ ⴷⴻⴳ ⵓⵙⵓⵔⵔⵉⴼ ⵓⵏⴻⴳⵎⵓ ⴷⵉ ⵙⴰⵃⴻⵍ ⴰⴽⴽ ⴷ ⵓⵟⴻⴱⴱⴰⵇ ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⵉ ⵎⴰⵍⵉ ⴷ-ⵢⵓⴷⴷⴰⵎⴻⵏ ⵙⴻⴳ ⵍⴻⵛⵖⴰⵍ ⵏ ⵍⴻⵣⵣⴰⵢⴻⵔ.
ⵢⴻⵔⵏⴰ ⵢⴻⵏⵏⴰ ⴱⴻⵍⵍⵉ ⴷ "ⴰⵣⴰⵍ ⴰⵎⵓⵇⵇⵕⴰⵏ" ⵓ ⴷⴰⵢⴻⵏ ⵉⵄⴻⵊⵍⴻⵏ ⵉ ⵡⵉⴷ ⵉⴷ-ⵢⴻⵍⵀⴰⵏ ⵙ ⵢⵉⵖⴻⴱⵍⴰⵏ ⵉⴷⴰⵎⵙⴰⵏⴻⵏ ⴷⵉ ⵜⴻⵎⵏⴰⴹⵜ ⵓⴳⴰⴼⴰ ⵏ ⵎⴰⵍⵉ "ⵙ ⵜⵉⵎⵎⴰⴷ-ⵉⵙ ⴷ ⴰⵣⴻⵍⵍⵓⵎ ⴰⴳⴻⵊⴷⴰⵏ ⵏ ⵜⴻⵖⵥⴻⵏⵜ ⴰⴽⴽ ⴷ ⵡⵉⵏ ⵏ ⵜⵓⴼⴼⵖⴰ ⵙⴻⴳ ⵜⴰⵍⵓⴼⵜ ⴷ ⵓⵕⴻⵚⵚⵉ ⵏ ⵜⴰⵍⵡⵉⵜ".
ⴰⵎⴹⴻⴱⴱⴻⵕ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ ⵢⴻⵏⵏⴰ ⴱⴻⵍⵍⵉ ⵜⴰⵎⵏⴰⴹⵜ ⵏ ⵙⴰⵃⴻⵍ ⵎⴰⵣⴰⵍ ⵜⴻⵞⵞⵓⵕ ⴷ ⵓⴳⵓⵔⴻⵏ ⵢⴻⵔⵣⴰⵏ ⵢⴰⵍⴽⴽ ⵉⵃⵔⵉⵛⴻⵏ ⵍⴰⴷⵖⴰ ⵍⵉⵃⴰⵍⴰ ⵏ ⵜⴻⴳⵍⴻⵍⵜ.
