Asebter amenzawi

Lufeq gar Lezzayer d Yiwanaken Yeddukklen ɣef tmacinin n ubiṭun

WASHINGTON – Testenya tkebbanit tadzayrit n Kotbia d tkebbanit tamarikanit n Cemen Tech ass n letniyen deg Washington yiwen n umtawa (lufeq) akken ad d-xeddmen tiɣsar (maḥaṭṭat) n uxdam n ubiṭun ay izemren ad tteddunt seg umkan ɣer wayeḍ.

Yettwastenya umtawa-a deg yijifeṛ n usarag wis sin n « Doing Business » (ttjaṛa) deg Lezzayer ay la d-yettilin ussan-a deg Yiwanaken Yeddukklen n Marikan, yerna ḥedṛen deg-s uneɣlaf n temguri (ṣinaɛa) d lminat, Abdesselam Bouchouareb, d uselway n Unmager n Yiɣfawen n Tkebbaniyin, Ali Haddad.

Amtawa-a yerza axdam n teɣsar n ubiṭun deg Lezzayer yerna atig n unnummed (nisbat al-indimaǧ) ad yaweḍ ɣer 40%, ɣef wakken ay aɣ-d-yenna unemhal amatu n Kotbia, Mohamed Choukri Tchouar.

Takebbanit-a txeddem-d ttawilat n lebni, yerna testenya amtawa niḍen d tkebbanit tamarikanit n Wall Ties Forms (WTF) akken ad d-txeddem deg Lezzayer iqulab ifessasen n ubiṭun s waluminyum, yerna iqulab am wi ttwasseqdamen deg lebni n tnezduɣt.

Werɛad ur d-ssefran ara anect ad d-yesqam ussefti deg sin-a n yisenfaren, maca yenna-d Mass Tchouar d akken yezmer lḥal ad ssutren ticcurka seg kra n tkebbanit n uwanak (dawla).

Kotbia la tessefray ad d-txeddem ttawilat s ssumat rxisen yerna tessaram ad tessaǧaw sselɛa ɣer tmura niḍen n Tefriqt.