Asebter amenzawi

Assefɛel n lufeq n talwit n Mali ad yeḍmen rrbeḥ n leṛyuy n Tdukli Tafriqit

LEZZAYER TAMANEɣT – Ttwasqenɛent tmura n Ssaḥel d akken assefɛel n Umtawa n Talwit deg Mali ay d-yekkan seg lemcawṛat n Lezzayer, ad yeḍmen rrbeḥ n leṛyuy n Tdukli Tafriqit, am wakken ay d-wekkden d akken yessefk ad d-yili umɛawen deg wussisen (maǧhudat) i usnerni n uṣeggem n tmura n temnaḍt, ladɣa deg Mali.

Rrbeḥ n usnefli (tanmiya) n Tdukli Tafriqit yeqqen, war ccek, ɣer ussefɛel n umtawa n talwit n Mali, yerna assefɛel-a d ḍḍmana i umɛawen gar tmura n temnaḍt.

Takti-a ayyes ttwasqenɛent tmura n Ssaḥel yebder-itt-id ugensas (mumattil) unnig n Tuɣdaḍt n Tdukli Tafriqit i Mali d Ssaḥel (MISAHEL), Pierre Buyoya, mi yebda, deg Lezzayer Tamaneɣt, usarag n Tdukli Tafriqit ɣef usnefli deg temnaḍt.

Lezzayer, aydeg ay d-tella tedyant-a, tɛawed twekked-d aɛewwel-nnes, ɣer yidis n Tdukli Tafriqit, akken ad tettekki s « tidet » deg leṛyuy i lmend n talwit, taɣellist (amn) d urkad n Mali d temnaḍt n Ssaḥel s umata, ɣef wakken ay d-yenna uneɣlaf adzayri n tɣawsiwin n uzɣar, Ramtane Lamamra deg usarag-nni.

« Aɛewwel n Lezzayer deg temnaḍt-a yekka-d seg lwaǧeb n temsetlelt (taḍamun) d uḍman n tɣellist tucrikt s umata s uttekki deg usnefli », ɣef wakken ay d-yenna Mass Lamamra.