ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵏⴻⵙⵛⵧ ⵜⴻⵙⵜⴻⵄⵕⴻⴼ ⵙ 8 ⵏ ⵢⵉⴼⴻⵔⴳⴻⵏ ⵉⵖⴻⵍⵏⴰⵡⴻⵏ ⵉⴷⵣⴰⵢⵔⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 8 ⵏ ⵢⵉⴼⴻⵔⴳⴰⵏ ⵉⵖⴻⵍⵏⴰⵡⴻⵏ (ⵙ ⵓⵊⴻⵎⵎⴰⵍ ⵏ 138,33 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ) ⴰⵢⵢⴻⵙ ⵜⴻⵙⵜⴻⵄⵕⴻⴼ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵓⵙⵙⵏⴰ ⴷ ⵢⵉⴷⵍⴻⵙ (ⵓⵏⴻⵙⵛⵧ) ⵢⴻⵔⵏⴰ ⵜⴻⵃⵙⴻⴱ-ⵉⵜⴻⵏ ⴷ ⵜⵉⵃⴰⵔⴰⵣⵉⵏ ⵏ ⵜⵎⴻⴷⴷⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵜⴰⵎⴰⵜⵓⵜ ⵏ ⵜⵥⴻⴳⵡⴰ.

ⵡⵉ ⴷ ⵉⴼⴻⵔⴳⴰⵏ ⵏ ⵍⵇⴰⵍⴰ, ⵛⵛⵔⵉⵄⴰ, ⴵⴻⵕⴵⴻⵕ, ⴱⴻⵍⵍⴻⵣⵎⴰ, ⵜⴰⵣⴰ, ⴳⵓⵔⴰⵢⴰ, ⵜⵍⴻⵎⵙⴰⵏ (ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵓⵖⵍⵉⴼ ⵏ ⵜⴼⴻⵍⵍⴰⵃⵜ) ⴷ ⵓⴼⵔⴰⴳ ⴰⴷⴻⵍⵙⴰⵏ ⵏ ⵜⴰⵙⵉⵍⵉ, ⵖⴻⴼ ⵡⴰⴽⴽⵉⵏ ⴰⵢ ⴷ-ⵢⴻⵏⵏⴰ ⵀⴰⵍⵉⵎ ⵀⴰⴼⵉⵔ ⴰⵢ ⵉⵅⴻⴷⴷⵎⴻⵏ ⴷ ⴰⵎⴰⵙⵡⴰⴹ (ⵎⵓⴼⴰⵜⵜⵉⵛ) ⵏ ⵢⵉⴼⴻⵔⴳⴰⵏ ⵉⵖⴻⵍⵏⴰⵡⴻⵏ ⴷⴻⴳ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵥⴻⴳⵡⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵏ ⵓⵙⵙⴻⴷⴷⵓ ⵏ ⵜⵃⴰⵔⴰⵣⵉⵏ ⵏ ⵜⵎⴻⴷⴷⵓⵔⵜ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ.

ⴰⵊⴻⵎⵎⴰⵍ ⵏ ⵜⵊⵓⵎⵎⴰ (ⵎⵉⵙⴰⵃⴰ) ⵏ ⵢⵉⴼⴻⵔⴳⴰⵏ-ⴰ ⵢⴻⵡⵡⴻⴹ ⵖⴻⵔ 138.335.572 ⵏ ⵢⵉⵇⴻⵟⵟⴰⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⴳⵍⴰ ⵜⴰⵎⴰⵜⵓⵜ ⵏ ⵜⵥⴻⴳⵡⴰ, ⵢⴻⵔⵏⴰ ⵜⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵄⴰ 8 ⵏ ⵢⵉⴼⴻⵔⴳⴰⵏ ⴰⵢ ⵢⴻⵇⵇⵏⴻⵏ ⵖⴻⵔ ⵓⵖⵍⵉⴼ ⵏ ⵜⴼⴻⵍⵍⴰⵃⵜ ⴷ 5 ⵏ ⵢⵉⴼⴻⵔⴳⴰⵏ ⴰⵢ ⵢⴻⵇⵇⵏⴻⵏ ⵖⴻⵔ ⵓⵖⵍⵉⴼ ⵏ ⵢⵉⴷⵍⴻⵙ.

ⴷⴻⴳ ⵢⴻⵏⵏⴰⵢⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⵢⴻⵔⵏⵓ ⴰⴷ ⵜⴻⵔⵏⵓ ⴰⴷ ⵜⴻⴼⵔⴻⵏ ⵓⵏⴻⵙⵛⵧ ⴰⴼⵔⴰⴳ ⴰⵖⴻⵍⵏⴰⵡ ⵏ ⵜⵏⴻⵢⵢⴻⵜ ⵍⵃⴻⴷⴷ (ⴷⴻⴳ ⵜⵉⵙⴻⵎⵙⵉⵍⵜ) ⴰⴽⴽⴻⵏ ⴰⴷ ⵢⴻⵜⵜⵡⴰⵃⵙⴻⴱ, ⵓⵍⴰ ⴷ ⵏⴻⵜⵜⴰ, ⴷ ⵜⴰⵃⴰⵔⴰⵣⵜ ⵏ ⵜⵎⴻⴷⴷⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⴼⵉⵔ.

ⵉⵎⵓⴽⴰⵏ ⴰⵢⵢⴻⵙ ⵜⴻⵙⵜⴻⵄⵕⵉⴼ ⵓⵏⴻⵙⵛⵧ ⴷ ⴰⴽⴽⴻⵏ ⴷ ⵜⵉⵃⴰⵔⴰⵣⵉⵏ ⵏ ⵜⵎⴻⴷⴷⵓⵔⵜ ⴷ ⵜⵉⵎⵏⴰⴹⵉⵏ ⴰⵢⴷⴻⴳ ⵉⵎⴻⵣⴷⴰⵖⴻⵏ ⵍⴰ ⵙⵏⴻⵔⵏⴰⵢⴻⵏ ⵜⴰⵎⴻⴷⴷⵓⵔⵜ-ⵏⵙⴻⵏ ⵙ ⵓⵇⴰⴷⴻⵔ ⵏ ⵜⵎⴻⴷⴷⵓⵔⵜ ⵏ ⵜⵡⴻⵏⵏⴰⴹⵜ ⵢⴻⵔⵏⴰ ⴰⵢⴰ ⵢⴻⵜⵜⵇⴰⴷⴰⵔ ⴰⵀⵉⵍ ⵏ ⵓⵎⴷⴰⵏ ⴷ ⵜⵎⴻⴷⴷⵓⵔⵜ (ⵎⴰⴱ).

ⵜⵉⵃⴰⵔⴰⵣⵉⵏ-ⴰ ⴷ ⵉⵏⴻⴳⵎⵉⵢⴻⵏ (ⵎⴰⵅⴰⴱⵉⵔ) ⵉⵎⴻⴷⴷⵉⵔⴻⵏ ⵉ ⵢⵉⵎⴰⵙⵙⴰⵏⴻⵏ ⵢⴻⵔⵏⴰ ⵙⵙⴽⴰⵏⴰⵢⴻⵏ-ⴷ ⴷⴰⵖ ⴷ ⴰⴽⴽⴻⵏ ⵉⵎⴷⴰⵏⴻⵏ ⵣⴻⵎⵔⴻⵏ ⴰⴷ ⵙⵇⴻⴷⵛⴻⵏ ⴰⴽⴰⵍ ⴷ ⵡⴰⵎⴰⵏ ⵙ ⵓⵇⴰⴷⴻⵔ ⵏ ⵜⵎⴻⴷⴷⵓⵔⵜ ⵢⴻⵍⵍⴰⵏ ⴷⴻⴳ ⵜⵡⴻⵏⵏⴰⴹⵜ.

ⵉⵎⵓⴽⴰⵏ-ⴰ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵃⵔⴻⵣ ⴷⴻⴳ-ⵙⴻⵏ ⵢⵉⵎⴻⵥⵔⵉ (ⵎⴰⵏⴹⴰⵔ), ⴰⴷ ⵢⴻⵜⵜⵡⴰⵃⵔⴻⵣ ⵓⵏⴰⴳⵔⴰⵡ (ⵏⵉⴹⴰⵎ) ⵏ ⵜⵡⴻⵏⵏⴰⴹⵜ ⴷ ⵍⴻⵚⵏⴰⴼ ⵉⵎⵓⴷⴷⵉⵔⴻⵏ ⵢⴻⵍⵍⴰⵏ ⴷⴻⴳ-ⵙ, ⴰⵎ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⵏⴻⴼⵍⵉ (ⵜⴰⵏⵎⵉⵢⴰ) ⴰⴷ ⵢⴻⵜⵜⵇⴰⴷⴰⵔⴻⵏ ⵉⴷⵍⴻⵙ ⴷ ⵜⵎⴻⵜⵜⵉ ⵏ ⵜⴻⵎⵏⴰⴹⵜ-ⵏⵏⵉ ⴷ ⵜⵡⴻⵏⵏⴰⴹⵜ-ⵏⵏⴻⵙ, ⴰⵙⵙⴻⴱⵖⴻⵙ ⵉ ⵓⵏⴰⴷⵉ ⵓⵙⵙⵏⴰⵏ ⴷ ⵓⵙⵙⴻⵍⵎⴻⴷ ⴷ ⵓⵎⴱⴰⴷⴷⴻⵍ ⵏ ⵜⴻⵍⵖⴰ ⵖⴻⴼ ⵜⴻⵎⵙⴰⵍ ⵢⴻⵔⵣⴰⵏ ⵜⵉⵎⵏⴰⴹⵉⵏ-ⵏⵏⵉ, ⵜⴰⵎⵓⵔⵜ ⴷ ⵓⵎⴰⴹⴰⵍ ⴷⴻ ⵡⴰⵢⴻⵏ ⵢⴻⵔⵣⴰⵏ ⴰⵃⵔⴰⵣ ⴷ ⵓⵙⵏⴻⴼⵍⵉ.