Asebter amenzawi

Talɣuɣa n Eddy Herr n utinis: Ibbou tɛedda ɣer tuzzya tis snat

FLORIDA – Ɛeddant tmarirt tadzayrit Ines Ibbou d terfiqt-nnes tamuldavit Anastacia Detiuc ɣer tuzzya taneggarut deg telɣuɣa tagraɣlant n Eddy Herr ay la d-yettilin gar 30 Nwembeṛ d 6 Dujembeṛ deg Florida (Iwanaken Yeddukklen) deffir ma rnant ass n ttlata tameddit Takulumbit Emiliana Arango d Teswidit Mirja Bjorklund deg sin n yiḥricen (6-2 d 6-2).

Deg tuzzya ay d-yetteddun, Ibbou d Detiuc ad mqabalent d Tmarikaniyin Kelli Chen d Meible Chi.

Talɣuɣt-a n Tefriqt n ddaw 18 n yiseggasen teḍḍef amkan wis 29 deg umaḍal, yerna ad tettekki daɣ deg tfelwit taḥerfit (anda ad turar i yiman-nnes) anda, ula din tɛedda ɣer tuzzya tis snat mi terna Tabiljikit Lara Salden s sin n yiḥricen (6-3, 6-3).

Deg tuzzya ay d-yetteddun n tfelwit taḥerfit, ad temqabal tlemẓit-a tadzayrit n 16 n yiseggasen d tmarirt taṛumanit Oana Gavrila yerna tin ad yernun ad tɛeddi ɣer tuzzya tis 3, d tuzzya taneggarut uqbel uzgen n tneggarut.