ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
4700 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉ ⵢⵉⵎⵙⵉⴳⴳⴻⵏ ⵏ ⵢⵉⵖⴻⵔⴱⴰⵣⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵔⵥⴻⵎ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ 4700 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉ ⵢⵉⵎⵙⵉⴳⴳⴻⵏ (ⵎⵓⵛⵔⵉⴼⵉⵏ) ⵏ ⵢⵉⵖⴻⵔⴱⴰⵣⴻⵏ ⵉ ⵍⴼⴰⵢⴷⴰ ⵏ ⵡⵉⴷ ⴰⵢ ⵢⴻⵙⵄⴰⵏ ⵉⴳⴻⵔⴷⴰⵙⴻⵏ (ⵛⴰⵀⴰⴷⴰⵜ) ⵜⵉⵙⴷⴰⵡⴰⵏⵉⵏ ⵏⴻⵖ ⵉⵎⴻⵙⵜⴻⴽⵏⵉⵢⴻⵏ ⵓⵏⵏⵉⴳⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ.
ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ (ⵡⴰⵔ ⴰⵄⴻⵢⵢⴻⵏ) ⵖⴻⴼ ⵡⴰⵎⵎⴰⵙ ⵏ ⵓⵎⵙⵉⵣⵡⴻⵔ ⵉ ⵓⵙⵙⵉⴷⴻⴼ ⵏ ⵢⵉⵎⵙⵉⴳⴳⴻⵏ ⵏ ⵓⵙⵙⴻⴳⵎⵉ ⴷⴻⴳ ⵓⵖⴻⵔⴱⴰⵣ ⴰⵍⴻⵎⵎⴰⵙ ⵏ ⴰⵉⵙⵙⴰⵜ ⵉⴷⵉⵔ (1ⵓ ⵏ ⵎⴰⵢⵓ, ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷ ⴰⴽⴽⴻⵏ ⴰⵙⵙⵉⴷⴻⴼ ⵏ 4700 ⵏ ⵢⵉⵎⵙⵉⴳⴳⴻⵏ ⵉⵎⴰⵢⵏⵓⵜⴻⵏ ⴷ ⴰⵢⴻⵏ ⴰⴷ ⵉⴹⴻⵎⵏⴻⵏ ⴰⵇⴰⴷⴻⵔ ⵏ ⵍⴻⵇⵡⴰⵏⵉⵏ ⴷ ⵜⵓⴳⵔⵉⵏⵜ (ⵉⵏⴹⵉⴱⴰⵟ) ⴷⴻⴳ ⵢⵉⵖⴻⵔⴱⴰⵣⴻⵏ.
ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ « ⵜⵜⵡⴰⴹⴹⴼⴻⵏ-ⴷ 13.500 ⵏ ⵢⵉⵙⵙⵓⵜⵔⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵙⴻⴳ ⵡⵉⴷ ⵢⴻⴱⵖⴰⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵎⵙⵉⵣⵡⴻⵔ-ⴰ », ⵢⴻⵔⵏⴰ ⵜⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵎⵙⵉⵣⵡⴻⵔ-ⴰ ⵢⴻⵔⵥⴻⵎ ⵙⴻⴳ 2008.
ⵜⴻⵙⵎⴻⴽⵜⵉ-ⴷ ⴷⴰⵖ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⴰⵟⴰⵙ ⵏ ⵢⵉⵎⵙⵉⵣⴻⵡⵔⴻⵏ ⵏ ⵓⵙⵙⴻⴳⵎⵉ ⴰⴷ ⴷ-ⵢⵉⵍⵉⵏ ⴷⴻⴳ ⵡⴰⵢⵢⵓⵔ-ⴰ ⵏ ⴷⵓⵊⴻⵎⴱⴻⵕ.
ⵛⵛⵖⴻⵍ ⵏ ⵓⵎⵙⵉⴳⴳ ⵏ ⵓⵙⵙⴻⴳⵎⵉ ⴷ ⴰⵙⵙⴻⴼⵇⴻⴷ ⵏ ⵢⵉⵍⵓⴳⴰⵏ ⵏ ⵓⵅⴻⴷⴷⵉⵎ ⴷⴻⴳ ⵓⵙⵙⴻⴳⵎⵉ ⴷ ⵓⵇⴰⴷⴻⵔ ⵏ ⵜⵓⴳⵔⵉⵏⵜ ⴷⴻⴳ ⵢⵉⵖⴻⵔⴱⴰⵣⴻⵏ, ⴰⴹⴼⴰⵔ, ⴰⵡⴻⵀⵀⵉ ⴷ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵏ ⵍⴻⵛⵖⴰⵍ ⵏ ⵢⵉⵅⴻⴷⴷⴰⵎⴻⵏ ⵢⴻⵜⵜⵄⴰⵡⴰⵏⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ.
ⴰⵎⵙⵉⴳⴳ ⵢⴻⵜⵜⴹⴰⴼⴰⵔ ⴷⴰⵖ ⵜⵉⵣⵎⴰⵎⵉⵏ ⵏ ⵓⵎⵢⴰⵔⵓ ⵙ ⵓⵎⵄⴰⵡⴻⵏ ⴷ ⵓⵏⴻⵚⵚⴰⵃ ⵏ ⵓⵙⵙⴻⴳⵎⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵄⴰⵙⵙⴰ ⴷⴰⵖ ⵜⵓⴼⴼⵖⵉⵡⵉⵏ ⵏ ⵢⵉⵏⴻⵍⵎⴰⴷⴻⵏ ⴱⴻⵕⵕⴰ ⵉ ⵓⵖⴻⵔⴱⴰⵣ ⴷⴻⴳ ⵡⵓⵙⵙⴰⵏ ⴰⵢⴷⴻⴳ ⴰⵢ ⵜⴻⵏ-ⵜⵜⴰⵡⵉⵏ ⵖⴻⵔ ⵜⴻⴷⵢⴰⵏⵉⵏ ⵏⴻⵖ ⵍⴻⵛⵖⴰⵍ ⵢⴻⵇⵇⵏⴻⵏ ⵖⴻⵔ ⵓⵙⵙⴻⴳⵎⵉ.
