Asebter amenzawi

4700 n yimukan n uxeddim i yimsiggen n yiɣerbazen

LEZZAYER TAMANEɣT – Yerẓem uɣlif n ussegmi aɣelnaw 4700 n yimukan n uxeddim i yimsiggen (mucrifin) n yiɣerbazen i lfayda n wid ay yesɛan igerdasen (cahadat) tisdawanin neɣ imestekniyen unnigen ɣef wakken ay d-tenna tneɣlaft n ussegmi Nouria Benghebrit.

Deg yiwet n terzi (war aɛeyyen) ɣef wammas n umsizwer i ussidef n yimsiggen n ussegmi deg uɣerbaz alemmas n Aissat Idir (1u n Mayu, Lezzayer Tamaneɣt), tenna-d Massa Benghebrit d akken assidef n 4700 n yimsiggen imaynuten d ayen ad iḍemnen aqader n leqwanin d tugrint (inḍibaṭ) deg yiɣerbazen.

Tenna-d daɣ d akken « ttwaḍḍfen-d 13.500 n yissutren deg wakk timnaḍin n tmurt seg wid yebɣan ad ttekkin deg umsizwer-a », yerna tesmekti-d d akken amsizwer-a yerẓem seg 2008.

Tesmekti-d daɣ tneɣlaft d akken aṭas n yimsizewren n ussegmi ad d-yilin deg wayyur-a n Dujembeṛ.

Ccɣel n umsigg n ussegmi d assefqed n yilugan n uxeddim deg ussegmi d uqader n tugrint deg yiɣerbazen, aḍfar, awehhi d ussemyuddes (tansiq) n lecɣal n yixeddamen yettɛawanen deg yiɣerbazen.

Amsigg yettḍafar daɣ tizmamin n umyaru s umɛawen d uneṣṣaḥ n ussegmi, am wakken ay yettɛassa daɣ tuffɣiwin n yinelmaden beṛṛa i uɣerbaz deg wussan aydeg ay ten-ttawin ɣer tedyanin neɣ lecɣal yeqqnen ɣer ussegmi.