ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⵛ ⵡⴻⵀⵕⴰⵏ ⵜⴻⵏⴹⴻⵔⵔ ⵙⴻⴳ ⵡⵉⴷ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⵟⴻⵍ ⵓⵙⵍⴻⵖⵎⴰⵢ ⴰⴼⵕⴻⵏⵙⵉⵙ ⵊⴻⴰⵏ-ⵎⵉⵛⵀⴻⵍ ⵛⴰⵠⴰⵍⵍⵉ ⵍⴻⵄⵇⴻⴷ-ⵏⵏⴻⵙ ⵙ ⵜⵉⵏ ⵏ ⵓⵎⵙⴻⴼⵀⴰⵎ ⴷ ⵎⵛ ⵡⴻⵀⵕⴰⵏ, ⵢⴻⵔⵏⴰ ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⵜⴰⵖⵍⴰⵎⵜ-ⴰ ⵏ ⵜⴻⵎⵖⵓⵏⵜ 1ⵓⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴻⵏⴹⴻⵔⵔ ⵙⴻⴳ ⵢⵉⵎⴷⴰⵏⴻⵏ « ⵏ ⴷⵉⵔⵉ » ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵚⴻⵃ « ⴰⴷ ⵜⵜⵡⴰⴱⴻⴷⴷⵍⴻⵏⵜ ⵍⵄⴻⵇⵍⴻⵢⵢⴰⵜ » ⴰⴽⴽⴻⵏ ⴰⴷ ⵜⵓⵖⴰⵍ ⵜⴻⵖⵍⴰⵎⵜ-ⴰ ⴰⴷ ⵜⵔⴻⴱⴱⴻⵃ.
« ⵜⴰⵖⵍⴰⵎⵜ ⵏ ⵎⵛ ⵡⴻⵀⵕⴰⵏ ⴷ ⵜⴰⵖⵍⴰⵎⵜ ⵜⴰⵎⴻⵇⵔⴰⵏⵜ, ⵎⴰⵛⴰ ⵏⴻⵙⵃⵉⵙⵙⵉⴼ ⵉⵎⵉ ⴰⵙⵙⴻⴼⵔⴻⴽ-ⵏⵏⴻⵙ (ⵜⴰⵙⵢⵉⵔ) ⴷⵉⵔⵉ-ⵜ ⵖⴻⴼ ⵍⴵⴰⵍ ⵏ ⵔⴻⴽⴽⵓ ⵏ ⵡⵉⴷ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ. ⵢⴻⵙⵙⴻⴼⴽ ⴰⴷ ⴱⴻⴷⴷⵍⴻⵏⵜ ⵍⵄⴻⵇⵍⴻⵢⵢⴰⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵙⵉⵔⴻⵎ ⴰⴷ ⵜⵓⵖⴰⵍ ⵜⴻⵖⵍⴰⵎⵜ-ⴰ ⵖⴻⵔ ⵔⵔⴱⴻⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵛⴰⵠⴰⵍⵍⵉ ⴷⴻⴳ ⵓⵙⵎⴻⵍ ⵏ « ⵎⵧⵓⵍⵧⵓⴷⵉⴰ.ⵛⵧⵎ » ⴰⵢ ⵉⵇⴻⵔⴱⴻⵏ ⵖⴻⵔ ⵜⴻⵖⵍⴰⵎⵜ-ⴰ ⵜⴰⵡⴻⵀⵕⴰⵏⵉⵜ ⵢⵉⵡⴻⵏ ⴽⴰⵏ ⵡⴰⵙⵙ ⴷⴻⴼⴼⵉⵔ ⵎⴰ ⵢⴻⴱⵟⴻⵍ ⵍⴻⵄⵇⴻⴷ-ⵏⵏⴻⵙ.
« ⴽⴽⵉⵖ 15 ⵏ ⵡⴰⵢⵢⵓⵔⴻⵏ ⴷⴻⴳ ⵎⵛ ⵡⴻⵀⵕⴰⵏ, ⵢⴻⵔⵏⴰ ⵜⵜⵡⴰⵍⵉⵖ ⵜⴰⵍⵍⵉⵜ-ⴰ ⵜⴻⵙⵄⴰ ⴰⵣⴰⵍ ⵍⴰⴷⵖⴰ ⵉⵎⵉ ⵜⴰⵖⵍⴰⵎⵜ-ⴰ ⵖⴻⵔ-ⵙ ⴰⵟⴰⵙ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⵜⴻⵔⴽⵉⴷ ⴰⵔⴰ. ⵏⴻⴽⴽ ⵓⵎⴰⵔⴻⵖ (ⴼⴻⵕⵃⴻⵖ) ⴰⵟⴰⵙ ⵙ ⵜⵜⴻⵊⵕⵉⴱⴰ-ⴰ, ⵍⴰⴷⵖⴰ ⴷⴻⴼⴼⵉⵔ ⵎⴰ ⵜⵜⴻⴽⴽⴰⵖ ⴷⴻⴳ ⵓⵅⴻⴷⴷⵉⵎ ⴰⴽⴽⴻⵏ ⴰⴷ ⴷ-ⵜⴰⵙ ⵜⴻⵖⵍⴰⵎⵜ-ⴰ ⴷ ⵜⵉⵙ 3 ⴷⴻⴳ ⵜⴻⵍⵖⵓⵖⴰ ⵏ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵢⴻⵣⵔⵉⵏ, ⵢⴻⵔⵏⴰ ⴷ ⴰⵢⴰ ⴰⵢ ⴷ-ⵢⴻⵔⵔⴰⵏ ⵜⴰⵖⵍⴰⵎⵜ-ⴰ ⵖⴻⵔ ⵓⵏⵔⴰⵔ ⵏ ⵜⴻⵖⵍⴰⵎⵉⵏ ⵜⵓⵥⵡⵉⵔⵉⵏ ⴷⴻⴳ ⵜⴻⴼⵔⵉⵇⵜ ⴷⴻⴼⴼⵉⵔ ⵎⴰ ⵜⵖⴰⴱ ⵙⴻⴳ-ⵙ 11 ⵏ ⵢⵉⵙⴻⴳⴳⴰⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵛⴰⵠⴰⵍⵍⵉ ⴰⵢ ⵉⵅⴻⴷⵎⴻⵏ ⴷ ⴰⵙⵍⴻⵖⵎⴰⵢ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⴷⴻⴳ 2007.
ⵛⴰⵠⴰⵍⵍⵉ ⵢⴻⵙⵍⴻⵖⵎⴰ ⵢⴰⴳⵉ ⵜⴰⵖⵍⴰⵎⵜ ⵏ ⵏîⵎⴻⵙ ⵧⵍⵢⵎⵒⵉⵇⵓⴻ (ⵜⴰⵎⵖⵓⵏⵜ ⵜⵉⵙ 2, ⴼⵕⴰⵏⵙⴰ), ⵙⴰⴽⴽⵉⵏ ⵢⴻⴱⴷⴰ ⴰⵅⴻⴷⴷⵉⵎ ⴷ ⵎⵛ ⵡⴻⵀⵕⴰⵏ ⴷⴻⴳ ⵜⵓⴱⴻⵕ ⵏ 2014, ⵎⵉ ⵜⴻⵍⵍⴰ ⵜⴻⵖⵍⴰⵎⵜ-ⴰ ⴳⴰⵔ ⵜⵏⴻⴳⴳⵓⵔⴰ ⴷⴻⴳ ⵓⵙⴻⵜⵜⴻⴼ ⵏ ⵓⵙⴻⴳⴳⴰⵙ-ⵏⵏⵉ. ⵢⴻⵙⵙⴰⵡⴻⴹ ⵛⴰⵠⴰⵍⵍⵉ ⴰⴷ ⴷ-ⵢⴻⵙⵙⴰⵍⵉ ⴰⵙⵡⵉⵔ ⵏ ⵜⴻⵖⵍⴰⵎⵜ-ⴰ ⵖⴻⵔ ⵓⵎⴽⴰⵏ ⵡⵉⵙ 3 ⴷⴻⴳ ⵜⴳⴰⵔⴰ ⵏ ⵜⴻⵍⵖⵓⵖⴰ ⵢⴻⵣⵔⵉⵏ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵎⵛ ⵡⴻⵀⵕⴰⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴹⴰⵔ ⴰⵢ ⴷ-ⵢⴻⵜⵜⴻⴷⴷⵓⵏ.
ⵎⴰⵛⴰ ⵜⴰⵖⵍⴰⵎⵜ-ⴰ ⵜⵓⵥⵡⵉⵔⵜ ⵏ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⵎⵓⵔⵜ ⵉⵄⴰⵡⴻⴷ ⵢⴻⵖⵍⵉ ⵓⵙⵡⵉⵔ-ⵏⵏⴻⵙ ⴷⴻⴳ ⵜⵙⴻⵎⵀⵓⵢⵜ-ⴰ ⴷⴻⴼⴼⵉⵔ ⵎⴰ ⵜⴻⵡⵡⵉ-ⴷ ⴰⵟⴰⵙ ⵏ ⵍⴻⵅⵚⴰⵔⴰⵜ ⴷⴻⴳ 13 ⵏ ⵡⵓⵙⵙⴰⵏ ⵉⵎⴻⵣⵡⵔⴰ ⵏ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ. ⴰⵙⵙ-ⴰ, ⵎⵛ ⵡⴻⵀⵕⴰⵏ ⴰⵜⵜⴰⵏ ⴷⴻⴳ ⵓⵎⴽⴰⵏ ⵡⵉⵙ 11 ⴷⴻⴳ ⵓⵙⴻⵜⵜⴻⴼ ⵙ 15 ⵏ ⵜⴻⵏⵇⵉⴹⵉⵏ, ⵢⴻⵔⵏⴰ ⵜⴻⵔⴱⴻⵃ ⴰⵍⴰ 3 ⵏ ⵜⴻⵎⵍⵉⵍⵉⵢⵉⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴻⴼⴼⴻⵖ ⵙ ⵜⴳⴰⴷⴷⴰ (ⵜⴰⵄⴰⴷⵓⵍ) ⴷ 6 ⵏ ⵜⴻⵎⵍⵉⵍⵉⵢⵉⵏ ⵢⴻⵔⵏⴰ ⵜⴻⵅⵚⴻⵔ 4 ⵏ ⵜⴻⵎⵍⵉⵍⵉⵢⵉⵏ ⵏⵉⴹⴻⵏ. ⵜⴰⵖⵍⴰⵎⵜ-ⴰ ⵜⵓⵖ-ⵉⵜⴻⵏⵜ ⴷⴻⴳ ⵜⴻⵎⵃⴰⴷⴷⵉⵜ, ⵢⴻⵔⵏⴰ ⴷ ⴰⵢⴰ ⴰⵢ ⵜⵜ-ⵢⴻⴵⴵⴰⵏ ⴰⴷ ⵜⴻⵞⵞ 21 ⵏ ⵢⵉⵙⵡⴰⵏ. ⵙ ⵡⴰⵢⴰ, ⵜⴰⵖⵍⴰⵎⵜ-ⴰ ⵜⴻⵙⵄⴰ ⵜⴰⵎⵃⴰⴷⴷⵉⵜ ⵜⵉⵙ ⵙⵏⴰⵜ ⵏ ⴷⵉⵔⵉ ⴰⴽⴽ ⴷⴻⴳ ⵜⴻⵎⵖⵓⵏⵜ ⵜⴰⵎⴻⵣⵡⴰⵔⵓⵜ ⴷⴻⴼⴼⵉⵔ ⵜⴻⵎⵃⴰⴷⴷⵉⵜ ⵏ ⵔⵛ ⵍⴰⵕⴻⴱⵄⴰ ⴰⵢ ⵢⴻⵞⵞⴰⵏ 23 ⵏ ⵢⵉⵙⵡⴰⵏ.
ⵛⴰⵠⴰⵍⵍⵉ ⵢⴻⴼⴼⴻⵖ ⵙⴻⴳ ⵎⵛ ⵡⴻⵀⵕⴰⵏ ⴷⴻⴼⴼⵉⵔ ⵎⴰ ⵜⴻⵔⴱⴻⵃ ⵜⴻⵖⵍⴰⵎⵜ-ⴰ ⵜⴰⵅⵚⵉⵎⵜ-ⵏⵏⴻⵙ ⵏ ⵏⴰ ⵃⵓⵙⵉⵏ ⴷⴰⵢ ⵙ 1 ⵖⴻⵔ 0 ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⵢⴻⵏⵏⴰ-ⴷ ⵓⵙⵍⴻⵖⵎⴰⵢ-ⴰ ⴷ ⴰⴽⴽⴻⵏ ⵙⴻⴳ ⵡⴰⵙⵎⵉ ⴰⵢ ⵢⴻⴱⴷⴰ ⴰⵅⴻⴷⴷⵉⵎ ⴷ ⵜⴻⵖⵍⴰⵎⵜ ⵏ ⵡⴻⵀⵕⴰⵏ, ⵡⴻⵔⴵⵉⵏ ⵜⴻⵜⵜⵡⴻⵔⵏⴰ ⴷⴻⴳ ⵜⴻⵎⴷⵉⵏⵜ-ⵏⵏⴻⵙ.
