Asebter amenzawi

Seg Tasanayt s tmaziɣt imunen
Tasiwelt n wass 13:34, 6 Dujamber 2015 sɣur Imedyazen (Mmeslay | tikkin)

Neggez ar: ẓer isebtar, anadi

Lezzayer twet-d s « lǧehd » deg txazzabiyin n Čad

LEZZAYER TAMANEɣT – Twet-d Lezzayer s « lǧehd » deg 3-nni n txazzabiyin tineɣmanin ay d-yellan ass n lḥedd deg ssuq n Loulou Fou, deg yiwet n tegzirt n ugelmim n Čad, ɣef wakken ay d-yenna uneṭṭaq n uɣlif n tɣawsiwin n uzɣar, Abdelaziz Benali Cherif.

« Nekkat-d s teqseḥ deg kraḍt-a (3) n txazzabiyin tineɣmanin ay iḥukṛen ass-a (ssebt) ssuq n Loulou Fou, deg yiwet n tegzirt n ugelmim n Čad », ɣef wakken ay d-yenna Benali Cherif deg yiwet n tseɣrut i Tnegga n Yisalan n Lezzayer.

« Nettɛezzi seg wul tiwaculin n teɣtas (ḍaḥaya) n tejrimt-a tucmitt. Nessenfalay-d tamsetlelt-nneɣ (taḍamun) ɣer yidis n uɣref ačadi agmat yerna nettɛawad nettwekkid-d abdad-nneɣ ɣer yidis n unabaḍ ačadi deg yimenɣi-nnes mgal rrebrab », ɣef wakken ay d-yenna.

« Nettarra daɣ tajmilt i wussisen (maǧhudat) ay la ttgent tmura n temnaḍt ladɣa deg tsuddest-nsent (istratiǧiyya) tucrikt n ussenger n rrebrab ay izemren ad yeswaɣ tamnaḍt-nsen akken ay yezmer ad yeswaɣ Tafriqt-nnes s lekmal-nnes », ɣef wakken ay tt-id-yextem uneṭṭaq n tɣawsiwin n uzɣar.

Taxazzabit taneɣmant (intiḥariyya) ay d-yellan ass n ssebt deg ssuq n Loulou Fou (d tigzirt deg ugelmim n Čad) tenɣa 27 n yimdanen yerna tejreḥ 80 n wiyaḍ ɣef leḥsab n wakken ay d-nnant tneggiwin n tɣemsa.