ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ ⵙ « ⵍⴵⴻⵀⴷ » ⴷⴻⴳ ⵜⵅⴰⵣⵣⴰⴱⵉⵢⵉⵏ ⵏ ⵞⴰⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵡⴻⵜ-ⴷ ⵍⴻⵣⵣⴰⵢⴻⵔ ⵙ « ⵍⴵⴻⵀⴷ » ⴷⴻⴳ 3-ⵏⵏⵉ ⵏ ⵜⵅⴰⵣⵣⴰⴱⵉⵢⵉⵏ ⵜⵉⵏⴻⵖⵎⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⴷⴻⴳ ⵙⵙⵓⵇ ⵏ ⵍⵧⵓⵍⵧⵓ ⴼⵧⵓ, ⴷⴻⴳ ⵢⵉⵡⴻⵜ ⵏ ⵜⴻⴳⵣⵉⵔⵜ ⵏ ⵓⴳⴻⵍⵎⵉⵎ ⵏ ⵞⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
« ⵏⴻⴽⴽⴰⵜ-ⴷ ⵙ ⵜⴻⵇⵙⴻⵃ ⴷⴻⴳ ⴽⵔⴰⴹⵜ-ⴰ (3) ⵏ ⵜⵅⴰⵣⵣⴰⴱⵉⵢⵉⵏ ⵜⵉⵏⴻⵖⵎⴰⵏⵉⵏ ⴰⵢ ⵉⵃⵓⴽⵕⴻⵏ ⴰⵙⵙ-ⴰ (ⵙⵙⴻⴱⵜ) ⵙⵙⵓⵇ ⵏ ⵍⵧⵓⵍⵧⵓ ⴼⵧⵓ, ⴷⴻⴳ ⵢⵉⵡⴻⵜ ⵏ ⵜⴻⴳⵣⵉⵔⵜ ⵏ ⵓⴳⴻⵍⵎⵉⵎ ⵏ ⵞⴰⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⵏⴻⵜⵜⵄⴻⵣⵣⵉ ⵙⴻⴳ ⵡⵓⵍ ⵜⵉⵡⴰⵛⵓⵍⵉⵏ ⵏ ⵜⴻⵖⵜⴰⵙ (ⴹⴰⵃⴰⵢⴰ) ⵏ ⵜⴻⵊⵔⵉⵎⵜ-ⴰ ⵜⵓⵛⵎⵉⵜⵜ. ⵏⴻⵙⵙⴻⵏⴼⴰⵍⴰⵢ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵖ (ⵜⴰⴹⴰⵎⵓⵏ) ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵞⴰⴷⵉ ⴰⴳⵎⴰⵜ ⵢⴻⵔⵏⴰ ⵏⴻⵜⵜⵄⴰⵡⴰⴷ ⵏⴻⵜⵜⵡⴻⴽⴽⵉⴷ-ⴷ ⴰⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⴰⵞⴰⴷⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵏⴻⵜⵜⴰⵔⵔⴰ ⴷⴰⵖ ⵜⴰⵊⵎⵉⵍⵜ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵍⴰ ⵜⵜⴳⴻⵏⵜ ⵜⵎⵓⵔⴰ ⵏ ⵜⴻⵎⵏⴰⴹⵜ ⵍⴰⴷⵖⴰ ⴷⴻⴳ ⵜⵙⵓⴷⴷⴻⵙⵜ-ⵏⵙⴻⵏⵜ (ⵉⵙⵜⵔⴰⵜⵉⴵⵉⵢⵢⴰ) ⵜⵓⵛⵔⵉⴽⵜ ⵏ ⵓⵙⵙⴻⵏⴳⴻⵔ ⵏ ⵔⵔⴻⴱⵔⴰⴱ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵡⴰⵖ ⵜⴰⵎⵏⴰⴹⵜ-ⵏⵙⴻⵏ ⴰⴽⴽⴻⵏ ⴰⵢ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵜⴰⴼⵔⵉⵇⵜ-ⵏⵏⴻⵙ ⵙ ⵍⴻⴽⵎⴰⵍ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵏⴻⵟⵟⴰⵇ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
ⵜⴰⵅⴰⵣⵣⴰⴱⵉⵜ ⵜⴰⵏⴻⵖⵎⴰⵏⵜ (ⵉⵏⵜⵉⵃⴰⵔⵉⵢⵢⴰ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⵙⵓⵇ ⵏ ⵍⵧⵓⵍⵧⵓ ⴼⵧⵓ (ⴷ ⵜⵉⴳⵣⵉⵔⵜ ⴷⴻⴳ ⵓⴳⴻⵍⵎⵉⵎ ⵏ ⵞⴰⴷ) ⵜⴻⵏⵖⴰ 27 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵜⴻⵊⵔⴻⵃ 80 ⵏ ⵡⵉⵢⴰⴹ ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⵏⴻⴳⴳⵉⵡⵉⵏ ⵏ ⵜⵖⴻⵎⵙⴰ.
