ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⴻⴷⴷⵓ ⵏ ⵢⵉⵡⴻⵜ ⵏ ⵍⵍⵓⵣⵉⵏ ⵜⴰⴷⵣⴰⵢⵔⵉⵜ-ⵜⴰⵙⵒⴻⵏⵢⵓⵍⵉⵜ ⵏ ⵢⵉⴳⴰⵍⵉⵙⴻⵏ ⵏ ⵍⴻⴱⵏⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴷⴰ ⴰⵅⴻⴷⴷⵉⵎ ⴰⵙⵙ ⵏ ⵙⵙⴻⴱⵜ ⵢⵉⵡⴻⵜ ⵏ ⵍⵍⵓⵣⵉⵏ ⴷ ⵜⴰⴷⵣⴰⵢⵔⵉⵜ-ⵜⴰⵙⵒⴻⵏⵢⵓⵍⵉⵜ ⵉ ⵓⵅⴷⴰⵎ ⵏ ⵢⵉⴳⴰⵍⵉⵙⴻⵏ (ⵚⴰⴼⴰ’ⵉⵃ) ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ, ⵢⴻⵔⵏⴰ ⵜⴻⵣⵎⴻⵔ ⵍⵍⵓⵣⵉⵏ-ⴰ, ⴰⵢ ⴷ-ⵢⵓⵙⴰⵏ ⴷⴻⴳ ⵍⵃⴻⵕⵕⴰⵛ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴰⴷ ⴷ-ⵜⵅⴻⴷⴷⴻⵎ 2000 ⵏ ⵜⵢⵓⵏⵉⵏ (ⵡⴰⵃⴰⴷⴰⵜ) ⴷⴻⴳ ⵓⵙⴻⴳⴳⴰⵙ.

ⵍⵍⵓⵣⵉⵏ-ⴰ ⵜⴻⵍⵍⴰ-ⴷ ⵙⴻⴳ ⵢⵉⵡⴻⵜ ⵏ ⵜⵉⵛⵛⵓⵔⴽⴰ ⴳⴰⵔ ⵜⴻⴳⵔⴰⵡⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⵜⴰⴷⵣⴰⵢⵔⵉⵜ ⵏ ⴰⵍⵔⴻⵛⵛ ⴷ ⵜⴻⴳⵔⴰⵡⵜ ⵜⴰⵙⵒⴻⵏⵢⵓⵍⵉⵜ ⵏ ⵧⵔⵜⵉⵣ, ⵢⴻⵔⵏⴰ ⵜⴻⵜⵜⵡⴰⵙⵙⴻⴱⴷⴻⴷ-ⴷ ⵙ ⵓⵇⴰⴷⴻⵔ ⵏ ⵓⵍⵓⴳⴻⵏ ⵏ ⵕⴰⵙⴻⵍⵎⴰⵍ ⵏ 51/49% ⴰⵢ ⵢⴻⵙⵙⴻⴼⴽ ⴰⴷ ⵜ-ⵉⵇⴰⴷⴻⵔ ⵓⵙⵙⴻⴼⵜⵉ ⴰⴱⴻⵕⵕⴰⵏⵉ ⴷⴻⴳ ⵍⴻⵣⵣⴰⵢⴻⵔ.

ⵜⴰⵣⵎⴻⵔⵜ ⵏ ⵓⴼⴰⵔⴻⵙ (ⵉⵏⵜⴰⴵ) ⵏ ⵍⵍⵓⵣⵉⵏ-ⴰ ⴰⴷ ⵜⴰⵡⴻⴹ ⵖⴻⵔ 250.000 ⵏ ⵎ3 (ⵉⵎⵉⵜⵔⴻⵏ ⵉⴳⴰⵙⴰⵙⴻⵏ) ⵏ ⵢⵉⴳⴰⵍⵉⵙⴻⵏ ⵏ ⵓⴱⵉⵟⵓⵏ ⵉⵎⵙⴻⵍⵍⴻⵃ ⵢⴻⵔⵏⴰ ⵉⴳⴰⵍⵉⵙⴻⵏ-ⴰ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵍⴻⴱⵏⵉ ⵏ ⵢⵉⵣⴰⴷⴰⵖⴻⵏ (ⵄⵉⵎⴰⵔⴰⵜ) ⵏ ⵜⵏⴻⵣⴷⵓⵖⵜ.

ⵉⵣⴰⴷⴰⵖⴻⵏ ⴰⵢ ⵢⴻⵜⵜⵡⴰⴱⵏⴰⵢⴻⵏ ⵙ ⵢⵉⴳⴰⵍⵉⵙⴻⵏ ⵜⵜⴰⵍⵉⵏ ⵙ ⵜⵖⴰⵡⵍⴰ, ⵢⴻⵔⵏⴰ ⵉⴳⴰⵍⵉⵙⴻⵏ-ⴰ ⵜⵜⵡⴰⵅⴻⴷⵎⴻⵏ ⴰⴽⴽⴻⵏ ⴰⴷ ⵄⴻⵣⵍⴻⵏ ⴰⵥⵖⴰⵍ ⴷ ⵍⵃⴻⵙⵙ, ⴰⵎ ⵡⴰⴽⴽⴻⵏ ⴰⵢ ⵜⵜⴰⵔⵔⴰⵏ ⵉⵣⴰⴷⴰⵖⴻⵏ ⵣⴻⵎⵔⴻⵏ ⵉ ⵜⵣⴻⵏⵣⵍⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵙⴼⴻⵀⵎⴻⵏ.

ⴰⵖⵍⵉⴼ ⵏ ⵜⵏⴻⵣⴷⵓⵖⵜ ⵉⵄⴻⵡⵡⴻⵍ ⴰⴷ ⵢⴻⵙⵙⴻⵇⴷⴻⵛ ⵚⵚⴻⵏⴼ-ⴰ ⵏ ⵍⴻⴱⵏⵉ ⴰⴽⴽⴻⵏ ⴰⴷ ⵢⴻⵙⵙⴻⵄⵊⴻⵍ ⴰⵀⵉⵍⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⴷ ⵜⵜⴰⵡⵉⵍⴰⵜ ⵉⵏⴰⴳⴷⵓⴷⴻⵏ (ⵉⵖⴻⵔⴱⴰⵣⴻⵏ, ⴰⵎⵎⴰⵙⴻⵏ ⵏ ⵓⴷⴰⵡⵉ, ⵜⵉⵖⵙⴰⵔ ⵏ ⵜⴻⵎⵙⵓⵍⵜⴰ, ⴰⵜⴳ.).

ⴷⵖⴰ ⵖⴻⴼ ⵡⴰⵢⴰ ⴰⵢ ⵍⴰ ⵢⴻⵙⵙⴻⴼⵔⴰⵢ ⵓⵖⵍⵉⴼ ⵏ ⵜⵏⴻⵣⴷⵓⵖⵜ ⴰⴷ ⵉⵡⴻⴽⴽⴻⵍ ⵍⵍⵓⵣⵉⵏ-ⴰ ⵏ ⵍⵃⴻⵕⵕⴰⵛ ⴰⴽⴽⴻⵏ ⴰⴷ ⴰⵙ-ⴷ-ⵜⴻⴳ ⵜⵜⴰⵡⵉⵍⴰⵜ ⴰⵢ ⵃⵡⴰⴵⴻⵏ ⴷⴻⴳ ⵡⴰⵀⵉⵍ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ ⵏ ⴰⴰⴷⵍ.

ⵍⵍⵓⵣⵉⵏ ⵏ ⴰⵍⵔⴻⵛⵛ-ⵧⵔⵜⵉⵣ ⴰⴷ ⵜⴻⴱⴷⵓ ⴰⵅⴷⴰⵎ ⵏ ⵢⵉⴳⴰⵍⵉⵙⴻⵏ ⵉ ⵍⴻⴱⵏⵉ ⵏ ⵢⵉⵡⴻⵜ ⵏ ⵜⴻⵙⵏⴰⵡⵉⵜ (ⵜⴰⵏⴰⵡⵉⵢⵢⴰ) ⴰⴷ ⴷ-ⵉⵡⴻⵊⴷⴻⵏ ⴷⴻⴳ 8 ⵏ ⵡⴰⵢⵢⵓⵔⴻⵏ, ⵢⴻⵔⵏⴰ ⵜⵜⴻⵊⵕⵉⴱⴰ-ⴰ ⴰⴷ ⵜⵜ-ⵉⵇⴻⵢⵢⴻⵎ ⵓⵖⵍⵉⴼ.

ⵜⴰⴽⴻⴱⴱⴰⵏⵉⵜ-ⴰ ⵜⴻⵙⵄⴰ ⵕⴰⵙⴻⵍⵎⴰⵍ ⵏ 117,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⴰⵊⴻⵎⵎⴰⵍ ⵏ ⵢⵉⴷⵔⵉⵎⴻⵏ ⴰⵢ ⵢⴻⵜⵜⵡⴰⵙⵙⴻⴼⵜⴰⵏ ⴷⴻⴳ ⵍⴻⴱⵏⵉ ⵏ ⵍⵍⵓⵣⵉⵏ-ⴰ ⵢⴻⵡⵡⴻⴹ ⵖⴻⵔ 650 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.