ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⴱⵏⵉ ⵏ ⵢⵉⴱⵔⵉⴷⴻⵏ: ⵉⴼⵓⴽ ⵓⵡⴻⴽⴽⴻⵍ ⵏ ⵍⴻⵙⵡⴰⵇ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ, ⵙⴻⴳ-ⴰ ⴷ ⴰⵙⴰⵡⴻⵏ, ⴰⴷ ⵉⴼⴰⴽ ⵓⵡⴻⴽⴽⴻⵍ ⵏ ⵍⴻⵙⵡⴰⵇ ⵏ ⵢⵉⵙⴻⵏⴼⴰⵔⴻⵏ ⵉⵏⴰⴳⴷⵓⴷⴻⵏ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵎ ⵡⴰⴽⴽⴻⵏ ⴰⴷ ⵉⴼⴰⴽ ⵓⵡⴻⴽⴽⴻⵍ ⵏ ⵍⴻⵙⵡⴰⵇ ⵙ « ⵓⵎⵙⴻⴼⵀⴰⵎ ».
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⴳⴳⴰ ⵏ ⵓⵙⵙⴻⴼⵔⴻⴽ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ, ⵢⴻⵏⵏⴰ-ⴷ ⵎⴰⵙⵙ ⵧⵓⴰⵍⵉ ⴷ ⴰⴽⴽⴻⵏ « ⴰⴽⴽ ⵉⵙⴻⵏⴼⴰⵔⴻⵏ ⵏ ⵓⵃⵔⵉⵛ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴰⴷ ⵜⵜⵡⴰⵡⴻⴽⴽⵍⴻⵏ, ⵙⴻⴳ-ⴰ ⴷ ⴰⵙⴰⵡⴻⵏ, ⵉ ⵜⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⵉ ⵍⵎⴻⵏⴷ ⵏ ⵓⵙⵙⴻⴱⵖⴻⵙ ⵏ ⵓⵙⵙⴻⴼⵜⵉ ⴷⴰⵅⴻⵍ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ».
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⴷ ⵜⴻⵃⴱⴻⵙ ⵜⵓⴽⵛⵉ ⵏ ⵍⴻⵙⵡⴰⵇ ⵉⵏⴰⴳⴷⵓⴷⴻⵏ ⵙ « ⵓⵎⵙⴻⴼⵀⴰⵎ » ⵉ ⵜⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵉ ⵓⵙⵙⴻⴱⵖⴻⵙ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⵜⵓⵥⵡⵉⵔⵉⵏ ⴰⴽⴽⴻⵏ ⴰⴷ ⴷ-ⵙⵙⵓⵎⵓⵔⴻⵏⵜ ⵉⵎⴻⵥⵍⴰ-ⵏⵙⴻⵏⵜ (ⵅⴰⴷⴰⵎⴰⵜ) ⵙ ⵙⵙⵓⵎⴰⵜ ⵔⵅⵉⵙⴻⵏ.
« ⴰⴷ ⴷ-ⵏⵖⴻⵔ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⴰⵍⴰ ⵎⵉ ⴰⴷ ⵜⴻⵔⵔ ⵜⵎⴰⵔⴰ, ⴷⴻⴳ ⵜⴻⴳⵏⴰⵜⵉⵏ ⴰⵢⴷⴻⴳ ⵏⴻⵃⵡⴰⴵ ⵜⵜⴻⵊⵕⵉⴱⴰ ⴷ ⵜⵜⴰⵡⵉⵍⴰⵜ ⵓⵔ ⵢⴻⵍⵍⵉⵏ ⴷⴻⴳ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⴰⵍⵉ.
ⵉⵃⴻⵣⵣⵉⴱⴻⵏ ⵏ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵏ 2016 ⵙⵙⴻⴱⵖⴰⵙⴻⵏ (ⵢⵓⵛⴰⴵⴵⵉⵄⵓⵏ) ⵜⵉⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⴰⴽⴽⴻⵏ ⴰⴷ ⴷ-ⴳⴻⵏⵜ ⵉⵙⴻⵏⴼⴰⵔⴻⵏ ⵢⴻⵔⵏⴰ ⵜⴻⵙⵙⵉⴼⵙⵓⵙ ⴰⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵙ ⵜⵜⴰⵡⵉⵍⴰⵜ ⵉⴷⵣⴰⵢⵔⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵕⵕⴰⵢ-ⴰ ⵢⴻⵍⵍⴰ-ⴷ ⴷⴻⴼⴼⵉⵔ ⵎⴰ ⵉⵡⴻⵚⵚⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵙⴻⴳ ⵎⴻⵍⵎⵉ ⴽⴰⵏ, ⵉⵏⴻⵖⵍⴰⴼⴻⵏ ⴷ ⵢⵉⵡⴰⵍⵉⵢⴻⵏ ⴰⴽⴽⴻⵏ ⴰⴷ ⵙⵎⴻⵏⵢⵉⴼⴻⵏ ⵜⵉⴽⴻⴱⴱⴰⵏⵉⵢⵉⵏ ⵜⵉⵖⴻⵍⵏⴰⵡⵉⵏ ⴷⴻⴳ ⵜⵓⴽⵛⵉ ⵏ ⵍⴻⵙⵡⴰⵇ ⵉⵏⴰⴳⴷⵓⴷⴻⵏ ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵢⵉⵎⵏⴻⴽⵏⵉⵢⴻⵏ (ⵜⴰⵡⴰⵣⵓⵏⴰⵜ) ⵏ ⵜⴻⴷⵔⵉⵎⵜ ⵏ ⵜⵎⵓⵔⵜ.
