Asebter amenzawi

Lebni n yibriden: ifuk uwekkel n leswaq i tkebbaniyin tibeṛṛaniyin

LEZZAYER TAMANEɣT – Yenna-d uneɣlaf n yimahilen inagduden (acɣal ɛumumiyya) ass n ssebt deg Lezzayer Tamaneɣt d akken, seg-a d asawen, ad ifak uwekkel n leswaq n yisenfaren inagduden i tkebbaniyin tibeṛṛaniyin am wakken ad ifak uwekkel n leswaq s « umsefham ».

Deg yiwet n tseɣrut (taṣriḥ) ay d-iga i Tnegga n Yisalan n Lezzayer, deg yijifeṛ n yiwet n temlilit d yimḍebbren n Tnegga Taɣelnawt n Yibriden Imazzalen d yimḍebbren n Tnegga n Ussefrek n Yibriden Imazzalen, yenna-d Mass Ouali d akken « akk isenfaren n uḥric n yimahilen inagduden ad ttwawekklen, seg-a d asawen, i tkebbaniyin tiɣelnawin i lmend n ussebɣes n ussefti daxel tmurt n Lezzayer ».

Yenna-d daɣ uneɣlaf d akken ad teḥbes tukci n leswaq inagduden s « umsefham » i tkebbaniyin tiɣelnawin, yerna ad d-yili waya i ussebɣes n tkebbaniyin tiɣelnawin tuẓwirin akken ad d-ssumurent imeẓla-nsent (xadamat) s ssumat rxisen.

« Ad d-nɣer i tkebbaniyin tigraɣlanin ala mi ad terr tmara, deg tegnatin aydeg neḥwaǧ ttejṛiba d ttawilat ur yellin deg tmurt », ɣef wakken ay d-yenna Mass Ouali.

Iḥezziben n lqanun n tedrimt n 2016 ssebɣasen (yucaǧǧiɛun) tikebbaniyin tiɣelnawin akken ad d-gent isenfaren yerna tessifsus assebded n tkebbaniyin s ttawilat idzayriyen, ɣef wakken ay d-yenna uneɣlaf.

Ṛṛay-a yella-d deffir ma iweṣṣa-d uneɣlaf amenzu, Abdelmalek Sellal, seg melmi kan, ineɣlafen d yiwaliyen akken ad smenyifen tikebbaniyin tiɣelnawin deg tukci n leswaq inagduden i lmend n usseǧhed n yimnekniyen (tawazunat) n tedrimt n tmurt.