Asebter amenzawi

MC Wehṛan: asleɣmay Bouali ad yebdu axeddim ass n letniyen

LEZZAYER TAMANEɣT – Tenna-aɣ-d tmehla n teɣlamt n MC Wehṛan ass n ssebt d akken asleɣmay (mudarrib) Fouad Bouali, ay yestenyan leɛqed n useggas d uzgen d teɣlamt-a, ad yebdu axeddim-nnes ass n letniyen.

Bouali ad d-yuɣal deg umkan n usleɣmay afṛensis Jean-Michel Cavalli umi yettwafsex leɛqed ass n laṛebɛa ɣef lǧal n « yigmaḍ n diri ».

Asleɣmay amaynu n MC Wehṛan yeqqim war taɣlamt seg wasmi ay ifuk leɛqed-nnes d teɣlamt tasaɛudit n Najran deg tlemmast n tsemhuyt (mawsim) yezrin. Taɣlamt tadzayrit taneggarut ay yesleɣma d MC Lezzayer ay yessaweḍ armi ay d-tewwi Taqbuct n Lezzayer deg 2014.

D Bouali ad ifernen ixeddamen itekniyen ad t-iɛawnen, gar-asen amalal abeṛṛani, ɣef wakken ay aɣ-d-tenna teɣlamt n MC Wehṛan.

Taɣlamt mechuṛen n utaram (ɣarb) n tmurt ad tettekki deg Teqbuct n Tkunfidiṛalit n Tefriqt n tsemhuyt-a, maca attan imir-a d tis 11 deg usettef aɣelnaw s 15 n tenqiḍin deffir 13 n wussan n wurar deg telɣuɣa tadzayrit. MC Wehṛan terbeḥ ala 3 n tikkal, deg wakud aydeg teffeɣ 6 n tikkal s tgadda (taɛadul) yerna texṣer 4 n tikkal. Taɣlamt-a tuɣ-itent deg temḥaddit-nnes yerna tečča 21 n yiswan, yerna ala d taɣlamt n RC Laṛebɛa ay tt-yugaren deg wanect-a s 23 n yiswan.

12 n teɣlamin n Temɣunt 1ut ay ibeddlen isleɣmayen-nsent seg wasmi ay tebda tsemhuyt-a n 2015-2016.