ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ: ⵍⴻⵣⵣⴰⵢⴻⵔ ⴷ ⵏⵉⵊⵉⵔⵢⴰ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ

ⵎⴱⵧⵓⵔ (ⵙⵉⵏⵉⴳⴰⵍ) – ⵜⵄⴻⴷⴷⴰ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⵏ ⴷⴷⴰⵡ ⵏ 23 ⵏ ⵢⵉⵙⴻⴳⴳⴰⵙⴻⵏ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2015 ⵏ ⵜⵛⵉⵔⵜ ⵏ ⵓⴹⴰⵔ ⵖⴻⵔ ⵢⵉⴷⵉⵙ ⵏ ⵜⴻⵖⵍⴰⵎⵜ ⵏ ⵏⵉⵊⵉⵔⵢⴰ ⴷⴻⴼⴼⵉⵔ ⵎⴰ ⴼⵓⴽⴻⵏⵜ ⵙ ⵜⴳⴰⴷⴷⴰ (ⵜⵄⴰⴷⴰⵓⵍ) ⵏ 0 ⵖⴻⵔ 0 ⴷⴻⴳ ⵜⴻⵎⵍⵉⵍⵉⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵎⴱⵧⵓⵔ. ⵉⵎⵉ ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴻⵙⵙⴰⴷⴻⴼ ⴰⵟⴰⵙ ⵏ ⵢⵉⵙⵡⴰⵏ ⵢⴻⵔⵏⴰ ⵜⵓⵙⴰ-ⴷ ⴷⴻⴳ ⵓⵎⴽⴰⵏ ⴰⵎⴻⵣⵡⴰⵔⵓ ⵏ ⵜⴻⴳⵔⴰⵡⵜ-ⵏⵏⴻⵙ ⵙ 5 ⵏ ⵜⴻⵏⵇⵉⴹⵉⵏ, ⵜⴻⵙⵙⴰⵡⴻⴹ ⴰⴷ ⵜⵄⴻⴷⴷⵉ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵖⴻⵔ ⵢⵉⴷⵉⵙ ⵏ ⵏⵉⵊⵉⵔⵢⴰ ⴰⵢ ⵢⴻⵙⵄⴰⵏ, ⵓⵍⴰ ⴷ ⵏⴻⵜⵜⴰⵜ, 5 ⵏ ⵜⴻⵏⵇⵉⴹⵉⵏ. ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ, ⴰⴷ ⵜⴻⵎⵇⴰⴱⴰⵍ ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵎⴰ ⴷ ⵏⵉⵊⵉⵔⵢⴰ ⴰⴷ ⵜⴻⵎⵇⴰⴱⴰⵍ ⴷ ⵙⵉⵏⵉⴳⴰⵍ.

ⴷⴻⴳ ⵜⴻⵎⵍⵉⵍⵉⵜ ⵏ ⵡⴰⵙⵙ ⵏ ⵙⵙⴻⴱⵜ, ⴷ ⵉⴷⵣⴰⵢⵔⵉⵢⴻⵏ ⴰⵢ ⴷ ⵉⵎⴻⵣⵡⵓⵔⴰ ⴰⵢ ⵢⴻⵎⵎⵖⴻⵏ ⵖⴻⴼ ⵏⵉⵊⵉⵔⵢⴰ ⴷⴻⴳ ⵜⴻⴷⵇⵉⵇⵜ ⵜⵉⵙ 5, ⵎⵉ ⵢⴻⵄⵔⴻⴹ ⴷⴻⵔⴼⴰⵍⵧⵓ ⴰⴷ ⵢⴻⵙⵙⵉⴷⴻⴼ ⵉⵙⵡⵉ, ⵎⴰⵛⴰ ⵢⴻⵃⴱⴻⵙ-ⵉⵜ-ⵉⴷ ⵓⵄⴻⵙⵙⴰⵙ ⴰⵏⵉⵊⵉⵔⵢⴰⵏ ⴻⵎⵎⴰⵏⵓⴻⵍ ⵙⵀⵉⵏⴽⵓⵜ ⴷⴰⵏⵉⴻⵍ.

ⴷⴻⴳ ⵜⴻⴷⵇⵉⵇⵜ ⵜⵉⵙ 25, ⵢⴻⵙⵙⴰⴷⴻⴼ ⵀⵧⵓⴰⵔⵉ ⴼⴻⵔⵀⴰⵏⵉ ⵢⵉⵡⴻⵏ ⵏ ⵢⵉⵙⵡⵉ ⵎⵉ ⵜ-ⵉⴷ-ⵜⴻⵡⵡⴻⴹ ⵜⵛⵉⵔⵜ ⵙⵖⵓⵔ ⵣⵉⵏⴻⴷⴷⵉⵏⴻ ⴼⴻⵔⵀⴰⵜ, ⵎⴰⵛⴰ ⵢⵓⴳⵉ ⵓⵏⴻⴼⵔⴰⵢ ⴰⴷ ⵢⴻⵙⵜⴻⵄⵕⴻⴼ ⵢⴻⵙ-ⵙ.

ⵣⴻⴳⵍⴻⵏ ⴷⴰⵖ ⵢⵉⴷⵣⴰⵢⵔⵉⵢⴻⵏ ⵉⵙⵡⵉ ⵏⵉⴹⴻⵏ ⴷⴻⴳ ⵜⴻⴷⵇⵉⵇⵜ ⵜⵉⵙ 67, ⵎⵉ ⵉⵡⴻⵜ ⴼⴻⵔⵀⴰⵜ ⵜⴰⵛⵉⵔⵜ ⵎⴰⵛⴰ ⵜⵄⴻⴷⴷⴰ ⵛⵡⵉⵟ ⴽⴰⵏ ⵏⵏⵉⴳ ⵢⵉⵙⵡⵉ.

20 ⵏ ⵜⴻⴷⵇⵉⵇⵉⵏ ⵜⵉⵏⴻⴳⴳⵓⵔⴰ ⵏ ⵜⴻⵎⵍⵉⵍⵉⵜ ⴷ ⵏⵉⵜⴻⵏⵜⵉ ⴰⵢ ⵉⵡⴻⵄⵕⴻⵏ ⴰⴽⴽ ⵎⵉ ⵃⴻⵕⵙⴻⵏ ⵢⵉⵏⵉⵊⵉⵔⵢⴰⵏⴻⵏ ⵓⵔⴰⵔ ⵢⴻⵔⵏⴰ ⵎⵎⵖⴻⵏ-ⴷ ⵙ ⵍⴵⴻⵀⴷ ⵖⴻⴼ ⵓⵏⵔⴰⵔ ⴰⴷⵣⴰⵢⵔⵉ. ⴷ ⴰⵛⵓ ⴽⴰⵏ, ⵜⴰⵎⵃⴰⴷⴷⵉⵜ ⵜⴰⴷⵣⴰⵢⵔⵉⵜ ⴰⵢ ⵢⴻⴷⴷⵓⴽⴽⵍⴻⵏ ⵖⴻⵔ ⵢⵉⴷⵉⵙ ⵏ ⵓⵇⴻⴱⵟⴰⵏ ⵔⵉⵢⴰⴷ ⵏⴻⵏⵉⵛⵀⴻ ⵜⴻⵙⵙⴰⵡⴻⴹ ⴰⴷ ⵜⴻⵔⵔ ⴰⴽⴽ ⵜⵓⵎⵎⵖⵉⵡⵉⵏ-ⵏⵙⴻⵏ.

ⵜⵓⵎⵎⵖⴰ ⵜⴰⵡⴻⵄⵕⴰⵏⵜ ⴰⴽⴽ ⴷ ⵜⵉⵏ ⵏ ⴻⵜⴻⴱⵧ ⵏ ⵏⵉⵊⵉⵔⵢⴰ ⴰⵢ ⵉⵡⵜⴻⵏ ⵜⴰⵛⵉⵔⵜ ⴷⴻⴳ ⵜⴻⴷⵇⵉⵇⵜ ⵜⵉⵙ 80, ⵎⴰⵛⴰ ⵢⴻⵔⵔⴰ-ⵜⵜ-ⵉⴷ ⵓⵄⴻⵙⵙⴰⵙ ⵙⴰⵍⵀⵉ ⴰⵢ ⵉⵃⵓⴷⴷⴻⵏ ⴰⵛⴻⴱⴱⴰⴽ ⴰⴷⵣⴰⵢⵔⵉ. 3 ⵏ ⵜⵎⵓⵔⴰ ⵜⵉⵎⴻⵣⵡⵓⵔⴰ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ ⴰⴷ ⵄⴻⴷⴷⵉⵏⵜ ⵙⵔⵉⴷ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ⵏ ⵔⵉⵧ ⴷⴻ ⵊⴰⵏⴻⵉⵔⵧ (ⴱⵔⵉⵣⵉⵍ).