ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⴷⴰⵏ ⵏ ⵓⵏⵥⵓⵍ: ⵓⴳⴰⵔ ⵏ 4000 ⵏ ⵢⵉⵎⴷⴰⵏⴻⵏ ⴰⵢ ⵉⵔⴻⵡⵍⴻⵏ ⵖⴻⵔ ⵜⴻⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ

ⵏⵢⵓ ⵢⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵉⵎⴻⵏⵖⵉ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ ⵢⴻⵙⵙⴰⵡⴻⴹ 4000 ⵏ ⵢⵉⵎⴷⴰⵏⴻⵏ ⴰⴷ ⵔⴻⵡⵍⴻⵏ ⵖⴻⵔ ⵜⴻⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ, ⵖⴻⴼ ⵍⴻⵃⵙⴰⴱ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ).

ⵉⵎⴻⵏⵖⵉⵢⴻⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴳⴰⵔ ⵢⵉⴳⴻⵏ (ⴵⴰⵢⵛ) ⵏ ⵙⵓⴷⴰⵏ ⵏ ⵓⵏⵥⵓⵍ ⴷ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵏ ⵜⴻⵎⵏⴰⴹⵜ ⵏ ⴻⵇⵓⴰⵜⵧⵔⵉⴰ ⵏ ⵜⵎⵓⵔⵜ-ⴰ ⵃⴻⵜⵜⵎⴻⵏ 4000 ⵏ ⵢⵉⵎⴷⴰⵏⴻⵏ ⴰⴷ ⵔⴻⵡⵍⴻⵏ ⵖⴻⵔ ⵢⵉⵡⴻⵜ ⵏ ⵜⴻⵎⵏⴰⴹⵜ ⵜⵓⵄⵣⵉⵍⵜ ⵏ ⵜⴻⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ.

ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ, ⵢⴻⵏⵏⴰ-ⴷ ⵓⵏⴻⵟⵟⴰⵇ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ, ⴰⴷⵔⵉⴰⵏ ⴻⴷⵡⴰⵔⴷⵙ, ⴷ ⴰⴽⴽⴻⵏ ⵙⵏⴰⵜ ⵏ ⵜⴻⵖⵍⴰⵎⵉⵏ ⵏ ⵓⵙⴻⵇⵇⴰⵎⵓ-ⴰ ⵃⴻⵙⴱⴻⵏⵜ-ⴷ 3464 ⵏ ⵢⵉⵎⴷⴰⵏⴻⵏ ⴰⵢ ⴷ-ⵢⴻⵡⵡⴹⴻⵏ ⵖⴻⵔ ⵜⴻⵎⵏⴰⴹⵜ ⵏ ⴷⵓⵏⴳⵓ ⴷⴻⴳ ⴽⵓⵏⴳⵓ ⵜⴰⵎⴻⴳⴷⴰⵢⵜ, ⴷ ⵜⴰⵎⵏⴰⴹⵜ ⵢⴻⵍⵍⴰⵏ ⵖⴻⴼ ⵜⵍⵉⵙⴰ ⵏ ⵙⵓⴷⴰⵏ ⵏ ⵓⵏⵥⵓⵍ.

ⵖⴻⴼ ⵍⴻⵃⵙⴰⴱ ⵏ ⵜⵍⵉⵙⴰ-ⴰ, 1206 ⵏ ⵢⵉⵣⵔⴰⵣⴰⵖⴻⵏ ⵉⴽⵓⵏⴳⵓⵍⵉⵢⴻⵏ ⴰⵢ ⵢⴻⵍⵍⴰⵏ, ⵏⴰⵇⴰⵍ, ⴷⴷⵔⴻⵏ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ, ⵔⴻⵡⵍⴻⵏ ⵓⵍⴰ ⴷ ⵏⵉⵜⵏⵉ ⵖⴻⵔ ⵜⴻⵎⵏⴰⴹⵜ-ⴰ ⵎⵉ ⵢⴻⵏⴽⴻⵔ ⵢⵉⵎⴻⵏⵖⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⴰ.

ⴰⵎⴰⵣⵉⵔ (ⵎⵓⵅⴰⵢⵢⴰⵎ) ⵏ ⴻⵣⵧ, ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ, ⴰⵢⴷⴻⴳ ⵍⵍⴰⵏ ⵏⴰⵇⴰⵍ 3300 ⵏ ⵢⵉⵣⵔⴰⵣⴰⵖⴻⵏ ⵉⴽⵓⵏⴳⵓⵍⵉⵢⴻⵏ, ⴰⵜⴰⵏ ⵉⵎⵉⵔ-ⴰ ⴷ ⵉⵍⴻⵎ, ⵢⴻⵔⵏⴰ ⵜⵉⵡⴰⵛⵓⵍⵉⵏ ⵜⵉⵏⴻⴳⴳⵓⵔⴰ ⵏ ⵢⵉⵣⵔⴰⵣⴰⵖⴻⵏ ⴰⵢ ⵢⴻⵍⵍⴰⵏ ⴷⵉⵏ ⵔⴻⵡⵍⴻⵏⵜ ⵖⴻⵔ ⵢⵉⴳⵔⴰⵏ ⴰⵢ ⴷ-ⵢⴻⵣⵣⵉⵏ ⵖⴻⴼ ⵓⵎⴰⵣⵉⵔ-ⴰ.

ⴰⵎⵎⴻⵕⴽⵉ ⵏ ⵢⵉⵣⵔⴰⵣⴰⵖⴻⵏ ⴷⴻⴳ ⵜⴻⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ ⵎⴰⵣⴰⵍ-ⵉⵜ ⵍⴰ ⵢⴻⵜⵜⴽⴻⵎⵎⵉⵍ ⴷⴻⴳ ⵜⴻⵎⵏⴰⴹⵉⵏ ⴰⵢ ⵉⵇⴻⵔⴱⴻⵏ ⵖⴻⵔ ⵜⵍⵉⵙⴰ ⴷ ⵙⵓⴷⴰⵏ ⵏ ⵓⵏⵥⵓⵍ ⵢⴻⵔⵏⴰ ⵎⴰⵣⴰⵍ ⵍⴰ ⴷ-ⵜⵜⴰⵡⴹⴻⵏ ⵢⵉⵣⵔⴰⵣⴰⵖⴻⵏ ⵉⵎⴰⵢⵏⵓⵜⴻⵏ. ⵜⴰⵏⴰⵔⵉⵜ (ⵎⴰⴽⵜⴰⴱ) ⴰⵢ ⵉⵇⴻⵔⴱⴻⵏ ⴰⴽⴽ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⵔⴰⵣⴰⵖⴻⵏ ⵢⴻⴱⵄⴻⴱ ⵙ 400 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⴻⵎⵏⴰⴹⵜ-ⴰ, ⴷⴻⴳ ⴱⵓⵏⵉⴰ, ⵢⴻⵔⵏⴰ ⵉⵅⴻⴷⴷⴰⵎⴻⵏ ⵏ ⵜⵏⴰⵔⵉⵜ-ⴰ ⵡⵜⴻⵏ ⴰⵛⵃⴰⵍ ⵏ ⵡⵓⵙⵙⴰⵏ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵜⴻⵎⴷⵉⵏⵉⵏ ⴰⵢⴷⴻⴳ ⵍⵍⴰⵏ ⵢⵉⵣⵔⴰⵣⴰⵖⴻⵏ-ⴰ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵟⵟⴰⵇ-ⴰ.