ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴷⴰⵎⵎⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵢⴰⵎⴰⵏ ⵢⴻⴱⵖⴰ ⴰⴷ ⵢⴻⵙⵙⴻⵄⵊⴻⵍ ⵍⴻⵎⵛⴰⵡⵕⴰⵜ
ⵄⴰⴷⴻⵏ – ⵢⴻⴷⴷⴰ ⵓⴱⴷⴰⵎⵎⴰⵙ (ⵡⴰⵙⵉⵟ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵙⵎⴰⵉⵍ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ, ⴰⵙⵙ ⵏ ⵙⵙⴻⴱⵜ ⵖⴻⵔ ⵄⴰⴷⴻⵏ (ⴷⴻⴳ ⵢⴰⵎⴰⵏ) ⴰⴽⴽⴻⵏ ⴰⴷ ⵢⴻⵄⵔⴻⴹ ⴰⴷ ⵢⴻⵙⵙⴻⵄⵊⴻⵍ ⴰⵀⴻⵢⵢⵉ ⵉ ⵍⴻⵎⵛⴰⵡⵕⴰⵜ ⴰⴷ ⴷ-ⵢⵉⵍⵉⵏ ⴰⵙⵙ ⵏ 12 ⴷⵓⵊⴻⵎⴱⴻⵕ ⴷⴻⴳ ⴳⴻⵏⴻⵠⴻ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ.
« ⵎⴰⵙⵙ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ ⵍⴰ ⵢⴻⵜⵜⵏⴰⴷⵉ ⴰⴷ ⵢⴻⵙⵙⴻⵇⵏⴻⵄ ⴰⵙⴻⵍⵡⴰⵢ ⵀⴰⴷⵉ ⴰⴽⴽⴻⵏ ⴰⴷ ⵢⴻⵃⴷⴻⵕ ⴷⴻⴳ ⵍⴻⵎⵛⴰⵡⵕⴰⵜ ⵏ 12 ⴷⵓⵊⴻⵎⴱⴻⵕ ⵏ ⴳⴻⵏⴻⵠⴻ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵓⵏⵏⵉⴳ ⴰⵢ ⵉⵇⴻⵔⴱⴻⵏ ⵖⴻⵔ ⵓⵙⴻⵍⵡⴰⵢ ⴰⵢⴰⵎⴰⵏⵉ.
« ⴷ ⴰⵛⵓ ⴽⴰⵏ, ⵛⵛⵖⴻⵍ-ⴰ ⵢⴻⵍⴼⴰ-ⴷ ⵢⴻⵡⵄⴻⵕ ⵖⴻⴼ ⵍⴵⴰⵍ ⵏ ⵓⵎⵙⴻⵡⵡⴰⵇ ⴷ ⵡⴰⴷⴷⵓⴷ ⵏ ⵡⵉⴷ ⴰⵢ ⵉⴳⴰⵏ ⵜⵓⵜⵜⵢⴰ ⵏ ⵓⵡⴰⵏⴰⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵜⴻⵔⵣⵉ-ⵏⵏⴻⵙ, ⴰⵎⴰⵣⵓⵏ-ⴰ (ⵎⴰⴱⵄⵓⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⵎⵍⵉⵍ ⴷ ⵓⵙⴻⵍⵡⴰⵢ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ ⴷⴻⴳ ⵄⴰⴷⴻⵏ (ⵜⴰⵎⴰⵏⴻⵖⵜ ⵜⵓⵄⴹⵉⵍⵜ ⵏ ⵢⴰⵎⴰⵏ) ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵢⴰⵎⴰⵏ ⵢⴻⵙⵙⴻⴷⵔⴻⵎ-ⵉⵜⵜ ⵟⵟⵔⴰⴷ ⵢⴻⵍⵍⴰⵏ ⴳⴰⵔ ⵢⵉⵖⴰⵍⵍⴻⵏ ⵏ ⵓⵙⴻⵍⵡⴰⵢ ⴰⵢ ⵍⴰ ⵜⴻⵜⵜⵄⴰⵡⴰⵏ ⵜⴻⵎⵙⵉⵙⵉⵜ (ⵜⴰⵃⴰⵍⵓⴼ) ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴽⴽⴻⴷ ⵢⵉⵅⵚⵉⵎⴻⵏ-ⵏⵙⴻⵏ ⵉⵃⵓⵜⵉⵢⴻⵏ ⴰⵢ ⵢⴻⴹⴹⴼⴻⵏ ⵜⵉⵎⵏⴰⴹⵉⵏ ⴷ ⵜⵉⵎⴻⵇⵔⴰⵏⵉⵏ ⵙⴻⴳ ⵜⵎⵓⵔⵜ ⵏ ⵢⴰⵎⴰⵏ.
ⴷ ⵍⴻⴷⵡⴰⵕ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵉⵄⴻⵔⵔⴻⴹ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵢⴻⵙⵙⴻⵡⵊⴻⴷ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ, ⵎⴰⵛⴰ ⵍⴻⵎⵛⴰⵡⵕⴰⵜ-ⴰ ⵜⵜⴰⵡⴻⵅⵅⵔⴻⵏⵜ ⴰⵛⵃⴰⵍ ⴷ ⵜⵉⴽⴽⴻⵍⵜ. ⴰⵙⵙ ⵏ ⵍⴰⵕⴻⴱⵄⴰ, ⵢⴻⵏⵏⴰ-ⴷ ⵓⵏⵎⴰⵀⴰⵍ (ⵙⴰⴼⵉⵔ) ⴰⴱⵔⵉⵟⴰⵏⵉ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵜⵜⵀⴻⵡ ⵔⵢⵛⵔⵧⴼⵜ, ⴷ ⴰⴽⴽⴻⵏ ⵍⴻⵎⵛⴰⵡⵕⴰⵜ-ⴰ ⴰⴷ ⴽⴻⵎⵎⵍⴻⵏⵜ ⴷⴻⴳ ⵜⵍⴻⵎⵎⴰⵙⵜ ⵏ ⴷⵓⵊⴻⵎⴱⴻⵕ ⴷⴻⴳ ⴳⴻⵏⴻⵠⴻ.
ⴷ ⴰⵛⵓ ⴽⴰⵏ, ⴰⵏⴰⴱⴰⴹ ⵏ ⵎⴰⵙⵙ ⵀⴰⴷⵉ ⵎⴰⵣⴰⵍ ⵓⵔ ⵍⴰ ⵢⴻⵜⵜⴻⴳ ⴰⵔⴰ ⵍⴰⵎⴰⵏ ⴷⴻⴳ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⵢⴻⵔⵏⴰ ⵢⴻⵜⵜⵀⴻⵎ-ⵉⵜⴻⵏ ⴷ ⴰⴽⴽⴻⵏ « ⵓⵔ ⴷ-ⵙⵙⴽⵉⵏⴻⵏ ⴰⵔⴰ ⴽⵔⴰ ⵏ ⵏⵏⴻⵢⵢⴰ » ⴰⴽⴽⴻⵏ ⴰⴷ ⵇⴰⴷⵔⴻⵏ ⵜⴰⵏⴻⵖⵜⵓⵙⵜ (ⵇⴰⵔⴰⵔ) 2216 ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵛⵔⴻⴹ ⴼⴻⵍⵍ-ⴰⵙⴻⵏ ⴰⴷ ⵊⴻⴱⴷⴻⵏ ⵉⵎⴰⵏ-ⵏⵙⴻⵏ ⵙⴻⴳ ⵜⴻⵎⵏⴰⴹⵉⵏ ⴰⵢ ⴹⴹⴼⴻⵏ ⵢⴻⵔⵏⴰ ⴰⴷ ⴷ-ⵔⵔⴻⵏ ⵍⴻⵙⵍⴰⵃⴰⵜ ⴰⵢ ⵡⵡⵉⵏ.
