Asebter amenzawi

Tiɣṛi i wid yebɣan ad ttekkin di temzizzla n wemsal usebdad n Masinisa

LEZZAYER TAMANAɣT- Yiwet n teɣṛi i ujerred yerzan amsal s lebṛunẓ n usebdad n ugellid anumidi Massinisa yella yettwaberraḥ-d s yess sɣuṛ useqqamu unnig n timmuzɣa (HCA) i wid ixeddmen taẓuṛi n wemsal izzayriyen, id-yenna wulɣu n useqqamu Hca.

Tamzizzla-yagi terẓem i yal anaẓuṛ yettidiren di Lezzayer neɣ d tirebbuyaɛ inaẓuṛen yezdin d tiddukkla –yettwagensessen sɣuṛ yiwen uɛeggal-ines – yesɛan tansa d wexxam di Lezzayer.

Akaram utekki ilaq ad yili deg-s unuɣ meẓẓiyen n usebdad s ttawil n wemḍi akk d ttawil n lkaɣeḍ d wegzul ara t-id-iqeddmen nnig n tewṛiqt utekki ara tafem deg wadeg internet n Hca, hca-dz.org.

Ikaramen ilaq ad d-ttwaceyɛen s tansa mail ɣer dpc@hca-dz.com neɣ s ttawil n lbuṣṭa ɣer 19, abrid Mustapha El Ouali, Lezzayer ur t-ttɛaddim 45 n wussan seg wasmi ara d-teffeɣ tiɣṛi di tɣamsa.

Aseḍṛu n usebdad ugellid anumidi, ara yettwabedden deg wemyagger iberdan Pasteur akk boulevard Dr. Sâadane, di Lezzaye, d taɣiwant n Lezzayer talemmast ara yettukelfen s tedrimt ilaqen i usenfar-agi.

Imafrayen ara yextiṛen ger yemttekkiyen di temzizzla ad yili ddaw n laɛnaya n uɣerbaz unnig n tẓuṛi tacebḥant n Lezzayer tamanaɣt, id iwekked umaray amatu Useqqamu unnig n Timmuzɣa Si El Hachemi Assad.