Asebter amenzawi

Yewweḍ-d lawan i ussuffeɣ n ṣṣenɛa taqburt tadzayrit ɣer umaḍal

LEɣWAṬ - Yenna-d uneɣlaf n uheyyi n wakal d tmerrit (siyaḥa), Amar Ghoul, ass n lḥedd deg Leɣwaṭ, d akken yewweḍ-d wakud akken ad tesɛu tenḍi (ṣinaɛa taqlidiyya) tadzayrit amkan deg ssuq agraɣlan.

Yessefk, ass-a, ad teḍḍef tenḍi tadzayrit amkan yelhan deg ssuq agraɣlan s ussefɛel n yiḥezziben d wahilen, ɣef wakken ay d-yenna uneɣlaf deg yiwet n terzi n uxeddim d ussefqed n yiwen wass ɣef twilayt n Leɣwaṭ.

Adaf-a ɣer leswaq igraɣlanen ad d-yili s uɛawen n yinḍen (ḥirafiyyin), assileɣ-nsen d ussiɣer-nsen (ta’hil), am wakken ad d-yettwaxdem ḍḍabeɛ i ufaris (mantuǧ) aɣelnaw yerna yessefk ad tettwasselhu tɣara-nnes, am wakken ay yessefk ad ttwaḥerzen yizerfan n umeskar yerna ad yettwassebɣes ubdaɛ deg unrar-a, ɣef wakken ay d-iwekked.

Deg wayen yerzan aheyyi n wakal, yenna-d Mass Ghoul d akken ur ttɛeḍḍilen ara ad d-ttwaheyyin yiɣawasen (muxaṭṭaṭat) n twilayin i lmend n ussuddes (tanḍim) yelhan n wakal akken ad yettwaɣellet seg yidis adamsan yerna ad myessmaden deg-s lecɣal, yerna ad d-yili waya s tmuɣli ɣer usnerni n tmurt seg-a ɣer 2030.

Ad d-yili « uskasi » (niqac) ɣef temsalt-a deg tɣimiyin tiɣelnawin ɣef uheyyi n wakal ad d-yilin deg dduṛt ay d-yetteddun i lmend n uqeyyem n tzemmar n twilayin d uttekki deg lebni n tdamsa yettwanewwɛen yexḍan apitṛul d lgaz, ɣef wakken ay d-iwekked uneɣlaf.