ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵡⵡⴻⴹ-ⴷ ⵍⴰⵡⴰⵏ ⵉ ⵓⵙⵙⵓⴼⴼⴻⵖ ⵏ ⵚⵚⴻⵏⵄⴰ ⵜⴰⵇⴱⵓⵔⵜ ⵜⴰⴷⵣⴰⵢⵔⵉⵜ ⵖⴻⵔ ⵓⵎⴰⴹⴰⵍ
ⵍⴻⵖⵡⴰⵟ - ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ (ⵙⵉⵢⴰⵃⴰ), ⴰⵎⴰⵔ ⴳⵀⵧⵓⵍ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵖⵡⴰⵟ, ⴷ ⴰⴽⴽⴻⵏ ⵢⴻⵡⵡⴻⴹ-ⴷ ⵡⴰⴽⵓⴷ ⴰⴽⴽⴻⵏ ⴰⴷ ⵜⴻⵙⵄⵓ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ) ⵜⴰⴷⵣⴰⵢⵔⵉⵜ ⴰⵎⴽⴰⵏ ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ.
ⵢⴻⵙⵙⴻⴼⴽ, ⴰⵙⵙ-ⴰ, ⴰⴷ ⵜⴻⴹⴹⴻⴼ ⵜⴻⵏⴹⵉ ⵜⴰⴷⵣⴰⵢⵔⵉⵜ ⴰⵎⴽⴰⵏ ⵢⴻⵍⵀⴰⵏ ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ ⵙ ⵓⵙⵙⴻⴼⵄⴻⵍ ⵏ ⵢⵉⵃⴻⵣⵣⵉⴱⴻⵏ ⴷ ⵡⴰⵀⵉⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴷ ⵓⵙⵙⴻⴼⵇⴻⴷ ⵏ ⵢⵉⵡⴻⵏ ⵡⴰⵙⵙ ⵖⴻⴼ ⵜⵡⵉⵍⴰⵢⵜ ⵏ ⵍⴻⵖⵡⴰⵟ.
ⴰⴷⴰⴼ-ⴰ ⵖⴻⵔ ⵍⴻⵙⵡⴰⵇ ⵉⴳⵔⴰⵖⵍⴰⵏⴻⵏ ⴰⴷ ⴷ-ⵢⵉⵍⵉ ⵙ ⵓⵄⴰⵡⴻⵏ ⵏ ⵢⵉⵏⴹⴻⵏ (ⵃⵉⵔⴰⴼⵉⵢⵢⵉⵏ), ⴰⵙⵙⵉⵍⴻⵖ-ⵏⵙⴻⵏ ⴷ ⵓⵙⵙⵉⵖⴻⵔ-ⵏⵙⴻⵏ (ⵜⴰ’ⵀⵉⵍ), ⴰⵎ ⵡⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵅⴷⴻⵎ ⴹⴹⴰⴱⴻⵄ ⵉ ⵓⴼⴰⵔⵉⵙ (ⵎⴰⵏⵜⵓⴵ) ⴰⵖⴻⵍⵏⴰⵡ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⴻⵍⵀⵓ ⵜⵖⴰⵔⴰ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⵜⵡⴰⵃⴻⵔⵣⴻⵏ ⵢⵉⵣⴻⵔⴼⴰⵏ ⵏ ⵓⵎⴻⵙⴽⴰⵔ ⵢⴻⵔⵏⴰ ⴰⴷ ⵢⴻⵜⵜⵡⴰⵙⵙⴻⴱⵖⴻⵙ ⵓⴱⴷⴰⵄ ⴷⴻⴳ ⵓⵏⵔⴰⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⴻⵢⵢⵉ ⵏ ⵡⴰⴽⴰⵍ, ⵢⴻⵏⵏⴰ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⵜⵜⵡⴰⵀⴻⵢⵢⵉⵏ ⵢⵉⵖⴰⵡⴰⵙⴻⵏ (ⵎⵓⵅⴰⵟⵟⴰⵟⴰⵜ) ⵏ ⵜⵡⵉⵍⴰⵢⵉⵏ ⵉ ⵍⵎⴻⵏⴷ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵢⴻⵍⵀⴰⵏ ⵏ ⵡⴰⴽⴰⵍ ⴰⴽⴽⴻⵏ ⴰⴷ ⵢⴻⵜⵜⵡⴰⵖⴻⵍⵍⴻⵜ ⵙⴻⴳ ⵢⵉⴷⵉⵙ ⴰⴷⴰⵎⵙⴰⵏ ⵢⴻⵔⵏⴰ ⴰⴷ ⵎⵢⴻⵙⵙⵎⴰⴷⴻⵏ ⴷⴻⴳ-ⵙ ⵍⴻⵛⵖⴰⵍ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵜⵎⵓⵖⵍⵉ ⵖⴻⵔ ⵓⵙⵏⴻⵔⵏⵉ ⵏ ⵜⵎⵓⵔⵜ ⵙⴻⴳ-ⴰ ⵖⴻⵔ 2030.
ⴰⴷ ⴷ-ⵢⵉⵍⵉ « ⵓⵙⴽⴰⵙⵉ » (ⵏⵉⵇⴰⵛ) ⵖⴻⴼ ⵜⴻⵎⵙⴰⵍⵜ-ⴰ ⴷⴻⴳ ⵜⵖⵉⵎⵉⵢⵉⵏ ⵜⵉⵖⴻⵍⵏⴰⵡⵉⵏ ⵖⴻⴼ ⵓⵀⴻⵢⵢⵉ ⵏ ⵡⴰⴽⴰⵍ ⴰⴷ ⴷ-ⵢⵉⵍⵉⵏ ⴷⴻⴳ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵉ ⵍⵎⴻⵏⴷ ⵏ ⵓⵇⴻⵢⵢⴻⵎ ⵏ ⵜⵣⴻⵎⵎⴰⵔ ⵏ ⵜⵡⵉⵍⴰⵢⵉⵏ ⴷ ⵓⵜⵜⴻⴽⴽⵉ ⴷⴻⴳ ⵍⴻⴱⵏⵉ ⵏ ⵜⴷⴰⵎⵙⴰ ⵢⴻⵜⵜⵡⴰⵏⴻⵡⵡⵄⴻⵏ ⵢⴻⵅⴹⴰⵏ ⴰⵒⵉⵜⵕⵓⵍ ⴷ ⵍⴳⴰⵣ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ.
