ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⵎⵖⴻⵔ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ: ⴰⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ

ⵟⵟⴰⵔⴻⴼ – ⴰⵙⵙⴻⵎⵖⴻⵔ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ ⴰⴷ ⴷ-ⵢⵉⵍⵉ ⵙ ⵓⵙⵙⴻⴵⵀⴻⴷ ⴷ ⵓⵇⴻⵢⵢⴻⵎ ⵏ ⵜⵣⴻⵎⵎⴰⵔ ⵢⴻⵍⵍⴰⵏ ⵢⴰⴳⵉ ⴷ ⵓⵙⵏⴻⴼⵍⵉ (ⵜⴰⵟⵡⵉⵔ) ⵏ ⵜⵎⵉⵡⴰ ⵜⵉⵎⴰⵢⵏⵓⵜⵉⵏ ⵙ ⵜⵜⴰⵡⵉⵍⴰⵜ ⵏ ⵓⵙⵙⵡⴰⵢ ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵟⵟⴰⵔⴻⴼ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵙⵉⴷ-ⴰⵀⵎⴻⴷ ⴼⴻⵔⵔⵧⵓⴽⵀⵉ.

ⵛⵛⵖⴻⵍ-ⴰ ⵢⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵎⵖⴻⵔ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ ⴰⵔⵎⴰ ⵢⴻⵡⵡⴻⴹ ⵖⴻⵔ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⵙⴻⴳ-ⴰ ⵖⴻⵔ 2019, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵢⵉⵡⴻⵏ ⵏ ⵓⵎⵙⴻⴳⵔⴰⵡ ⴰⵎⵏⴰⴹⴰⵏ ⵉ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⵏ ⵓⵙⵙⴻⵎⵖⴻⵔ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ ⴰⵢⴷⴻⴳ ⵜⵜⴻⴽⴽⴰⵏⵜ 25 ⵏ ⵜⵡⵉⵍⴰⵢⵉⵏ ⵏ ⵓⴳⵎⵓⴹ (ⵛⴰⵔⵇ) ⴷ ⵓⵏⵥⵓⵍ-ⴰⴳⵎⵓⴹⴰⵏ ⵏ ⵜⵎⵓⵔⵜ.

ⵉⵙⵡⵉ ⵏ ⵡⴰⵀⵉⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵏⴻⵜⵜⴰ ⴷ ⴰⴹⵎⴰⵏ ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵢⴻⵍⵀⴰⵏ ⵓⴳⴰⵔ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴰⴷ ⵢⴻⵜⵜⵡⴰⵙⵇⴷⴻⵛⴻⵏ ⵉ ⵜⴼⴻⵍⵍⴰⵃⵜ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷ « ⵛⵛⴻⵔⴹ ⵏ ⵍⵍⵙⴰⵙ » ⵉ ⵓⵃⵔⴰⵣ ⵏ ⵍⵖⴻⵍⵍⴰ ⵜⴰⵖⴻⵍⵏⴰⵡⵜ ⵏ ⵜⴼⴻⵍⵍⴰⵃⵜ.

ⵉⵡⴻⴽⴽⴻⴷ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷ ⴰⴽⴽⴻⵏ ⵍⴰ ⴷ-ⵢⴻⵜⵜⵉⵍⵉ ⵡⵓⵙⵙⵉⵙ (ⵎⴰⴵⵀⵓⴷ) ⵉ ⵓⵃⵔⴰⵣ ⵏ ⵢⵉⴽⴰⵍⴻⵏ ⵢⴻⵜⵜⵡⴰⵙⵙⵡⴻⵏ ⵙ ⵓⴹⴼⴰⵔ ⵏ ⵢⵉⵡⴻⵏ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⵎⵄⴰⵡⴻⵏ ⴳⴰⵔ ⵢⵉⵖⵍⵉⴼⴻⵏ ⵏ ⵜⴼⴻⵍⵍⴰⵃⵜ ⴷ ⵜⴻⵖⴱⵓⵍⴰ ⵏ ⵡⴰⵎⴰⵏ. ⵎⴰ ⴷⴻⴳ ⵜⵡⵉⵍⴰⵢⵜ ⵏ ⵟⵟⴰⵔⴻⴼ, ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷ ⴰⴽⴽⴻⵏ ⵍⵍⴰⵏ 12.500 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴻⵏ ⴰⴽⴰⵍ-ⴰ ⴰⴷ ⵢⴻⵜⵜⵡⴰⵙⵙⴻⵎⵖⴻⵔ ⵖⴻⵔ 20.000 ⵏ ⵢⵉⵇⴻⵟⵟⴰⵔⴻⵏ ⵙⴻⴳ-ⴰ ⵖⴻⵔ 2019.

ⵓⵇⴱⴻⵍ ⴰⵢⴰ, ⵢⴻⵔⵣⴰ ⵓⵏⴻⵖⵍⴰⴼ ⵖⴻⴼ ⵜⴻⵎⴷⵉⵏⵜ ⵏ ⵍⵇⴰⵍⴰ ⴰⵏⴷⴰ ⴰⵢ ⵢⴻⵔⵥⴻⵎ ⵢⵉⵡⴻⵏ ⵏ ⵓⵙⴰⴳⴻⵏ (ⵎⵉⵏⴰ’) ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ. ⴰⵙⴰⴳⴻⵏ-ⴰ ⵢⴻⵙⵇⴰⵎ-ⴷ ⴰⵙⵙⴻⴼⵜⵉ ⵏ 6,3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ. ⵜⴰⵎⴷⴰ ⵏ ⵓⵙⴰⴳⴻⵏ-ⴰ ⵣⴻⵎⵔⴻⵏ ⴰⴷ ⵃⴻⴱⵙⴻⵏ ⴷⴻⴳ-ⵙ 142 ⵏ ⵢⵉⵖⴻⵔⵔⵓⴱⴰ, ⴳⴰⵔ-ⴰⵙⴻⵏ 53 ⵏ ⵢⵉⵖⴻⵔⵔⵓⴱⴰ ⵏ ⵚⵚⵢⴰⴷⴰ ⵏ ⵓⵙⴻⵔⴷⵉⵏ ⴷ 11 ⵏ ⵢⵉⵖⴻⵔⵔⵓⴱⴰ ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ. ⴰⵙⴰⴳⴻⵏ-ⴰ ⵢⴻⵙⵄⴰ ⵜⴰⵊⵓⵎⵎⴰ ⵏ 5,3 ⵏ ⵢⵉⵇⴻⵟⵟⴰⵔⴻⵏ, ⵢⴻⵔⵏⴰ ⵜⴰⵊⵓⵎⵎⴰ-ⵏⵏⴻⵙ ⵏ ⵡⴰⴽⴰⵍ ⵜⴻⵡⵡⴻⴹ ⵖⴻⵔ 6,1 ⵏ ⵢⵉⵇⴻⵟⵟⴰⵔⴻⵏ.

ⵢⴻⵙⵙⴻⴼⵇⴻⴷ ⴷⴰⵖ ⵎⴰⵙⵙ ⴼⴻⵔⵔⵧⵓⴽⵀⵉ ⴰⵙⴻⵏⴼⴰⵔ ⵏ ⵓⵀⴻⵢⵢⵉ ⵏ ⵓⵣⴰⵖⴰⵔ ⵏ ⵟⵟⴰⵔⴻⴼ ⴰⵢⴷⴻⴳ ⵍⵍⴰⵏ 12.500 ⵏ ⵢⵉⵇⴻⵟⵟⴰⵔⴻⵏ. ⴰⵙⴻⵏⴼⴰⵔ-ⴰ ⵢⴻⴱⴹⴰ ⵖⴻⴼ 3 ⵏ ⵢⵉⵃⵔⵉⵛⴻⵏ, ⴰⵎⴻⵣⵡⴰⵔⵓ ⵢⴻⴱⴷⴰ ⴷⴻⴳ 2008 ⵢⴻⵔⵏⴰ ⵉⴼⵓⴽ ⴷⴻⴳ 2012.