ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⴻⴳⴳⵉⵎⵜ: ⵉⵄⴻⴷⴷⴰ ⴰⴱⴱⴰⴷⵉ ⵉⵍⵢⴰⵙ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵄⴻⴷⴷⴰ ⵓⵍⴻⴳⴳⴰⵎ ⴰⴷⵣⴰⵢⵔⵉ ⵉⵍⵢⴰⵙ ⴰⴱⴱⴰⴷⵉ (75 ⵏ ⵢⵉⴽⵉⵍⵓⴳⵕⴰⵎⴻⵏ) ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016 ⵖⴻⴼ ⵍⴵⴰⵍ ⵓⵎⴽⴰⵏ-ⵏⵏⴻⵙ ⵢⴻⵍⵀⴰⵏ ⴷⴻⴳ ⵓⵙⴻⵜⵜⴻⴼ ⵏ ⵡⵙⴱ (ⵡⵧⵔⵍⴷ ⵙⴻⵔⵉⴻⵙ ⵧⴼ ⴱⵧⵅⵉⵏⴳ) ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵍⴻⴳⴳⵉⵎⵜ.

ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⴻⵜⵜⵡⴰⵣⵏⴻⵏ ⵖⴻⵔ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ, ⵜⵅⴻⴱⴱⴻⵔ-ⴷ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵏ ⵜⵍⴻⴳⴳⵉⵎⵜ (ⴰⵉⴱⴰ) ⴷ ⴰⴽⴽⴻⵏ ⴰⴱⴱⴰⴷⵉ ⵢⴻⵜⵜⵡⴰⵇⴱⴻⵍ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2015 ⵖⴻⴼ ⵍⴵⴰⵍ ⵓⵙⴻⵜⵜⴻⴼ-ⵏⵏⴻⵙ ⵢⴻⵍⵀⴰⵏ ⴷⴻⴳ ⵡⵙⴱ (ⵜⴰⵙⴻⵎⵀⵓⵢⵜ [ⵎⴰⵡⵙⵉⵎ] ⵜⵉⵙ 5).

ⵙ ⵡⴰⵢⴰ, ⴰⴱⴱⴰⴷⵉ ⴷ ⴰⵍⴻⴳⴳⴰⵎ ⴰⴷⵣⴰⵢⵔⵉ ⵡⵉⵙ ⵙⵉⵏ ⴰⴷ ⵉⵄⴻⴷⴷⵉⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ, ⴷⴻⴼⴼⵉⵔ ⵛⵀⴰⴷⵉ ⴰⴱⴷⴻⵍⴽⴰⴷⴻⵔ (64 ⵏ ⵢⵉⴽⵉⵍⵓⴳⵕⴰⵎⴻⵏ).

ⴰⴱⴱⴰⴷⵉ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵉ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⵖⴻⴼ ⵓⵙⵔⴻⴼ ⴷⴻⴼⴼⵉⵔ ⵎⴰ ⵢⴻⵜⵜⴻⴽⴽⴰ ⵢⴰⴳⵉ ⴷⴻⴳ ⵡⵉⴷ ⵏ 2012 ⴷⴻⴳ ⵍⵧⵏⴷⵧⵏ ⴰⵏⴷⴰ ⴰⵢ ⵢⴻⵍⵍⴰ ⴷⴻⴳ ⵜⴰⴳⴳⴰⵢⵜ (ⴼⵉ’ⴰ) ⵏ 69 ⵏ ⵢⵉⴽⵉⵍⵓⴳⵕⴰⵎⴻⵏ. ⵎⴰ ⴷ ⵛⵀⴰⴷⵉ, ⴰⵍⵖⵓⵖ ⵏ ⵜⴻⴼⵔⵉⵇⵜ ⵏ 2015 ⴷⴻⴳ ⵓⵅⵅⴰⵎ ⴰⵎⴻⵍⵍⴰⵍ (ⵎⴻⵕⵕⵓⴽ) ⵢⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵡⵓⵔⴻⵖ ⵏ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ ⴱⵔⴰⵣⵣⴰⵠⵉⵍⵍⴻ (ⴽⵓⵏⴳⵓ) ⴷⴻⴳ 2015, ⵢⴻⵔⵏⴰ ⴷ ⵜⵉⴽⴽⴻⵍⵜ ⵜⵉⵙ 3 ⴰⵢⴷⴻⴳ ⴰⴷ ⵢⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴷⴻⴼⴼⵉⵔ ⵡⵉⴷ ⵏ ⵍⵧⵏⴷⵧⵏ ⴷⴻⴳ 2012 ⴷ ⵡⵉⴷ ⵏ ⵒⵉⴽⵉⵏ ⵏ 2008. ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴰⴷ ⵜⴻⵙⵄⵓ ⵍⴻⵣⵣⴰⵢⴻⵔ ⵉⵍⴻⴳⴳⴰⵎⴻⵏ ⴰⴷ ⵢⴻⵜⵜⴻⴽⴽⵉⵏ ⵓⴳⴰⵔ ⵏ ⵢⵉⵡⴻⵜ ⵏ ⵜⵉⴽⴽⴻⵍⵜ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ.

ⵉⵍⴻⴳⴳⴰⵎⴻⵏ ⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⵡⴻⵔⵄⴰⴷ ⵓⵔ ⵥⵔⵉⵏ ⴰⵔⴰ ⵎⴰ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵢⴻⵔⵏⴰ ⵖⴻⴼ ⵡⴰⵢⴰ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ ⵜⴰⴼⵔⵉⵇⵉⵜ ⵏ ⵓⵄⴻⴷⴷⵉ ⵉ ⵡⵓⵔⴰⵔⴻⵏ ⵏ 2016 ⴰⴷ ⴷ-ⵢⵉⵍⵉⵏ ⴷⴻⴳ ⵎⴻⵖⵔⴻⵙ ⴷⴻⴳ ⴽⴰⵎⵔⵓⵏ.