Asebter amenzawi

Assenṭeḍ n tmenṭaḍin i sselɛa d-yekkan seg Uneẓruf Utrim deg Tdukli Tuṛufit

BRUXELLES – Iger-d uneɣlaf aṣeḥrawi anesmigal (mandub) i Tuṛuft, Mohamed Sidati, tiɣri ass n lḥedd i Tdukli Tuṛufit « akken ad d-yili wugar n umɛawen » deg wayen yerzan assenṭeḍ n tmenṭaḍin ad d-yesbanen sselɛa ay d-yekkan seg Uneẓruf Utrim yettwaḍḍfen deg 28-nni n tmura yettekkan deg Tdukli-a, imi sselɛa-a ur telli d « tameṛṛukit ».

« Tadukli Tuṛufit tebded ɣer yidis n wussisen (maǧhudat) n Yiɣlanen Yeddukklen i ferru n taluft n Uneẓruf Utrim yettwaḍḍfen s talwit d teɣdemt s ugguccelman (taqrir maṣir) n uɣref aṣeḥrawi, dɣa ɣef aya, yessefk ad d-yili umɛawen gar tmura-nnes (deg wanect-a) », ɣef wakken ay d-yenna Mass Sidati i Tnegga n Yisalan n Lezzayer.

Deg wayen yerzan lqanun agraɣlan, yenna-d udiplumati-a aṣeḥrawi d akken « aɣellet n teɣbula tigamanin (tarawat ṭabiɛiyya) (n Uneẓruf Utrim) d azref n wid kan yettalasen deg tnaya (siyada) n tmurt-a, yerna wid d aɣref aṣeḥrawi (ay la yettnaɣen ɣef uzref-nnes n ugguccelman) ».

Iɣlanen Yeddukklen mazal ttwalin Aneẓruf Utrim d akal ur yesɛin tafulmant (ḥukm dati) yerna akala-nnes n tukksa n ussehres (istiɛmar) werɛad ur ifuk ara, dɣa ɣef waya, yenna-d Mass Sidati d akken « ur yezmir ara ad d-yili usteɛṛef s tnaya tameṛṛukit ɣef Uneẓruf Utrim ».

Lqanun agraɣlan « yettwekkid-d mliḥ d akken yessefk ad yettwaciweṛ yerna ad yeqbel uɣref aṣeḥrawi ɣef s kra n ccɣel yerzan aɣellet n teɣbula tigamanin (ṭabiɛiyya) yerna yessefk daɣ ad d-yili waya i lfayda n Yiṣeḥrawiyen », ɣef wakken ay d-yessefhem.