ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴰⴷⵍ 2: ⴰⵅⴻⵍⵍⴻⵚ ⵏ ⵓⵃⵔⵉⵛ ⵡⵉⵙ ⵙⵉⵏ ⴷⴻⴳ ⵢⴻⵏⵏⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⵃⵔⵉⵛ ⵡⵉⵙ ⵙⵉⵏ ⵏ ⵓⵅⴻⵍⵍⴻⵚ ⵏ ⵜⵏⴻⵣⴷⵓⵖⵉⵏ ⵏ ⵡⴰⵀⵉⵍ ⵏ ⴰⴰⴷⵍ 2 ⴰⴷ ⴷ-ⵢⵉⵍⵉ ⴷⴻⴳ ⵢⴻⵏⵏⴰⵢⴻⵔ, ⵢⴻⵔⵏⴰ ⵡⵉⴷ ⴰⴷ ⵉⵅⴻⵍⵍⵚⴻⵏ ⴰⴷ ⴷ-ⴹⴹⴼⴻⵏ ⴰⵖⵜⴰⵙ ⵏ ⵓⵙⴼⴰⵢⴷⵉ ⵙⴻⴳ ⵜⵏⴻⵣⴷⵓⵖⵜ ⴷⴻⴳ ⵎⴰⵢⵓ ⵏ 2016.

ⵎⴰⵙⵙ ⵜⴻⴱⴱⵧⵓⵏⴻ ⴰⵢ ⴷ-ⵢⴻⵜⵜⵡⴰⵄⴻⵔⴹⴻⵏ ⵖⴻⵔ ⵓⵏⵎⴰⴳⴻⵔ ⵏ ⵓⵖⵎⵉⵙ ⵏ ⴻⵛⵀⴰⴰⴱ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵡⵉⴷ ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ ⵏ ⴰⴰⴷⵍ 2013 ⴰⴷ ⵅⴻⵍⵍⵚⴻⵏ ⴰⵃⵔⵉⵛ ⵡⵉⵙ ⵙⵉⵏ, 5% ⵙⴻⴳ ⵡⴰⵣⴰⵍ ⵏ ⵜⵏⴻⵣⴷⵓⵖⵜ-ⵏⵙⴻⵏ, ⵎⴰ ⴰⵟⴰⵙ, ⴷⴻⴳ ⵢⴻⵏⵏⴰⵢⴻⵔ ⵏ 2016 ⵢⴻⵔⵏⴰ ⴰⴷ ⴷ-ⴹⴹⴼⴻⵏ ⴰⵖⵜⴰⵙ (ⵇⴰⵔⴰⵔ) ⵏ ⵓⵙⴼⴰⵢⴷⵉ-ⵏⵙⴻⵏ ⵙⴻⴳ ⵜⵏⴻⵣⴷⵓⵖⵜ ⴷⴻⴳ ⵎⴰⵢⵓ ⵏ ⵓⵙⴻⴳⴳⴰⵙ-ⵏⵏⵉ ».

ⵉⵡⴻⴽⴽⴻⴷ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵜⵓⴽⵛⵉ ⵏ ⵢⵉⵖⵜⴰⵙⴻⵏ ⵏ ⵓⵙⴼⴰⵢⴷⵉ ⵙⴻⴳ ⵜⵏⴻⵣⴷⵓⵖⵜ ⵉ ⵡⵉⴷ ⵢⴻⵎⵎⴻⵕⴽⴰⵏ ⴷⴻⴳ 2001 ⴷ 2002 ⴰⴷ ⴷ-ⵢⵉⵍⵉ ⵙⴻⴳ 8 ⴼⵓⵕⴰⵕ ⵏ 2016 ⴷ ⴰⵙⴰⵡⴻⵏ.

ⵎⴰⵙⵙ ⵜⴻⴱⴱⵧⵓⵏⴻ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵍⴰ ⵢⴻⵜⵜⴹⴰⴼⴰⵔ ⵙⴻⴳ 1999 ⵜⴰⵙⴻⵔⵜⵉⵜ-ⵏⵏⴻⵙ ⴰⴽⴽⴻⵏ ⴰⴷ ⵉⴼⴰⴽ ⵜⴰⵍⵓⴼⵜ ⵏ ⵜⵏⴻⵣⴷⵓⵖⵜ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⴳⴰⵔ ⵢⵉⵙⴻⴳⴳⴰⵙⴻⵏ ⵏ 80 ⴷ ⵓⵙⴻⴳⴳⴰⵙ ⵏ 2000, ⵉⴱⴰⵏ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵅⵓⵚⵚⴻⵏⵜ-ⵜ 3 ⵏ ⵢⵉⵎⴻⵍⵢⵓⵏⴻⵏ ⵏ ⵜⵏⴻⵣⴷⵓⵖⵉⵏ ⵖⴻⴼ ⵍⴵⴰⵍ ⵏ ⵜⴻⴳⵏⵉⵜ ⵜⴰⴷⴰⵎⵙⴰⵏⵜ ⴷ ⵜⵖⴻⵍⵍⵉⵙⴰⵏⵜ (ⴰⵎⵏⵉⵢⵢⴰ) ⵜⴰⵡⴻⵄⵕⴰⵏⵜ ⴰⵢⵖⴻⴼ ⵜⴻⴽⴽⴰ ⵜⵎⵓⵔⵜ.

2,5 ⵏ ⵜⵏⴻⵣⴷⵓⵖⵉⵏ ⴰⵢ ⵢⴻⵜⵜⵡⴰⴼⴻⵔⵇⴻⵏ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍⴻⵏ ⵏ 5 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵍⵍⴰⵏ ⵙⴻⴳ 1999 ⴰⵔ ⴰⵙⵙ-ⴰ, ⵢⴻⵔⵏⴰ 720 000 ⵏ ⵢⵉⵙⵙⵓⵜⵔⴻⵏ ⵏ ⵜⵏⴻⵣⴷⵓⵖⵜ ⴰⵢ ⴷ-ⵎⴰⵣⴰⵍ ⴰⴷ ⴷ-ⵍⵀⵓⵏ ⵢⵉⴷ-ⵙⴻⵏⵜ ⴷⴻⴳ ⵡⴰⵀⵉⵍ ⵏ 5 ⵏ ⵢⵉⵙⴻⴳⴳⴰⵙⴻⵏ ⵏ 2015-2019.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⴽⵙⴰ ⵏ ⵜⵏⴻⵣⴷⵓⵖⵉⵏ ⵉⵅⵓⵚⵚⴻⵏ ⴷ ⵢⵉⴱⴻⵕⵕⴰⴽⴻⵏ, ⵢⴻⵏⵏⴰ-ⴷ ⵎⴰⵙⵙ ⵜⴻⴱⴱⵧⵓⵏⴻ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴰⵡⴻⴹ ⵖⴻⵔ ⵢⵉⵙⵡⵉ-ⵏⵏⴻⵙ ⴷⴻⴳ ⵡⴰⴽⵓⴷ-ⵏⵏⵉ ⴰⵢ ⴷ-ⵢⴻⵜⵜⵡⴰⵃⵓⴷⴷⴻⵏ (2017) ⵢⴻⵔⵏⴰ ⵍⴰ ⵢⴻⵙⵙⴰⵔⴰⵎ ⴰⴷ ⵢⴻⵔⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵜⴰⵎⴰⵏⴻⵖⵜ ⵏ ⵜⴻⴼⵔⵉⵇⵜ ⴷ ⵓⵎⴰⴹⴰⵍ ⴰⵄⵕⴰⴱ, ⵢⴻⵔⵏⴰ ⴰⵀⴰⵜ, ⵏ ⵢⵉⵍⴻⵍ ⴰⴳⵔⴰⴽⴰⵍ ⴰⵢⴷⴻⴳ ⵓⵔ ⵜⵜⵉⵍⵉⵏ ⴰⵔⴰ ⴰⴽⴽ ⵢⵉⴱⴻⵕⵕⴰⴽⴻⵏ ⵙⴻⴳ-ⴰ ⵖⴻⵔ 2016.

« ⵜⴰⵙⵓⴷⴷⴻⵙⵜ-ⵏⵏⴻⵖ (ⵉⵙⵜⵔⴰⵜⵉⴵⵉⵢⵢⴰ) ⵏⴻⵜⵜⴰⵜ ⴷ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵉ ⵍⴻⴱⴷⴰ ⵓⵇⴱⴻⵍ ⵎⴰ ⵉⴼⵓⴽ ⵡⴰⵀⵉⵍ ⵏ 5 ⵏ ⵢⵉⵙⴻⴳⴳⴰⵙⴻⵏ ⵏ ⵢⵉⵎⵉⵔ-ⴰ, ⵙⴰⴽⴽⵉⵏ ⴰⴷ ⴷ-ⵜⴰⵡⴻⴹ ⵜⴰⵍⵍⵉⵜ ⴰⵢⴷⴻⴳ ⵍⴻⴱⵏⵉ ⵏ ⵜⵏⴻⵣⴷⵓⵖⵜ ⴰⴷ ⴷ-ⵢⴻⵜⵜⵉⵍⵉ ⵖⴻⴼ ⵍⴻⵃⵙⴰⴱ ⵏ ⵓⵙⵙⵓⵜⴻⵔ ».

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵄⴻⵍ ⵏ ⵡⴰⵀⵉⵍ ⵏ 5 ⵏ ⵢⵉⵙⴻⴳⴳⴰⵙⴻⵏ ⵏ 2015-2019 ⵉ ⵜⴻⵎⵏⴰⴹⵉⵏ ⵏ ⵓⵏⵥⵓⵍ (ⴵⴰⵏⵓⴱ) ⴷ ⵢⵉⴳⵏⴰⵏ ⵓⵏⵏⵉⴳⴻⵏ, ⵢⴻⵏⵏⴰ-ⴷ ⵎⴰⵙⵙ ⵜⴻⴱⴱⵧⵓⵏⴻ ⴷ ⴰⴽⴽⴻⵏ ⴰⵣⴰⵍ ⵏ 400.000 ⵏ ⵜⵉⴽⴽⴰⵙ ⵏ ⵡⴰⴽⴰⵍ ⴰⵢ ⵢⴻⵜⵜⵡⴰⵎⵎⴻⵕⴽⴰⵏ ⴷⴻⴳ ⵜⵡⵉⵍⴰⵢⵉⵏ ⵏ ⵜⴻⵎⵏⴰⴹⵉⵏ-ⴰ ⵢⴻⵔⵏⴰ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵎⴻⴷⴷⴻⵏ ⵣⴻⵎⵔⴻⵏ ⴰⴷ ⴷ-ⵙⴼⴰⵢⴷⵉⵏ ⴷⴻⴳ ⵡⴰⵢⴰ ⵓⵍⴰ ⴷⴻⴳ ⵜⵡⵉⵍⴰⵢⵉⵏ ⵏ ⵓⴳⴰⴼⴰ (ⵛⴰⵎⴰⵍ), ⵍⴰⴷⵖⴰ ⴷⴻⴳ ⵜⵖⵉⵡⴰⵏⵉⵏ ⵏ ⴷⴷⴰⵡ ⵏ 5000 ⵏ ⵢⵉⵎⴻⵣⴷⴰⵖⴻⵏ.