Asebter amenzawi

Apruṭukul n umɛawen gar Tfidiṛalit n Tcirt n Uḍar d Tfidiṛaliyin n waddal n tesdawit d uɣerbaz

LEZZAYER TAMANEɣT – Testenya Tfidiṛalit Tdzayrit n Tcirt n Uḍar apruṭukul n umɛawen d temtilin-nnes, Tafidiṛalit n Waddal Asdawan d Tfidiṛalit n Waddal Aɣurbiz akken ad snernint tacirt n uḍar deg tesdawiyin d yiɣerbazen, ɣef wakken ay d-tenna Tfidiṛalit n Tcirt n Uḍar.

Apruṭukul-a n umɛawen ad yeǧǧ tifidiṛaliyin « ad mbaddalent ttejṛibat-nsent deg waṭas n yinurar, gar-asen assileɣ (takwin) n yimestekniyin d tedyanin tinaddalin », ɣef wakken ay d-tenna Tfidiṛalit n Tcirt n Uḍar.

Apruṭukul-a ad yessifses daɣ asnerni n tcirt n uḍar deg tesdawit d uɣerbaz, ladɣa deg wayen yerzan attekki n yimeḍyanin, assebɣes (tacǧiɛ) n teqcicin akken ad urarent tacirt n uḍar d ussileɣ n yinefrayen imeẓyanen, ɣef wakken ay d-tessefhem Tfidiṛalit Tadzayrit n Tcirt n Uḍar.

Wid ay yestenyan apruṭukul-a d Mohamed Raouraoua, aselway n Tfidiṛalit Tadzayrit n Tcirt n Uḍar, Mokhtar Hifaya (Tafidiṛalit Tadzayrit n Waddal Asdawan) d Abdelhafid Izem (iɣef n Tfidiṛalit Tdzayrit n Waddal Aɣurbiz).