Asebter amenzawi

Talwit la tettḍafar « abrid yelhan » deg Mali

LEZZAYER TAMANEɣT – Assefɛel n Umtawa (ittifaq) n talwit d umsuɣal deg Mali, ay d-yefrurin seg lemcawṛat n Lezzayer Tamaneɣt, atan la yetteddu « deg ubrid yelhan » ɣef wakken ay d-iwekked ass n ttlata deg Lezzayer Tamaneɣt unmahal (safir) n Mali deg Lezzayer, Nainy Toure.

« Nessaweḍ ɣer usurif d asneknay (mutir li-ihtimam) deg wayen yerzan assefɛel n Umtawa n talwit deg Mali, yerna amtawa-a la yesseḥbibir fell-as Useqqamu n Uḍfar aydeg d Lezzayer ay d taselwayt », ɣef wakken ay d-yenna Mass Toure deg yiwet n tseɣrut (taṣriḥ) ay d-iga i Tnegga n Yisalan n Lezzayer.

Mass Toure yenna-d aya deg yijifeṛ n beddu n yiwen n ussileɣ (takwin) ɣef « Uslaḍ (taḥlil) n wumel amehlan » ay d-iga Wammas Afriqi n Tezrawin d Unadi ɣef Rrebrab (CAERT) i lfayda n 30 n yifesyanen unnigen seg yimeẓla n wumel (muxabarat) n 11 n tmura n temnaḍt n Ssaḥel d Uneẓruf Ameqran.

« Aql-aɣ la nessefɛal ahilen yezwaren ayɣef nemcawaṛ deg Umtawa-nni n talwit. Aya yerza ladɣa assefɛel n yisenfaren n uɛawen n yimezdaɣen n ugafa (camal) n tmurt », ɣef wakken ay d-yenna udiplumati-a amali.

Dɣa yebder-d, deg temsalt-a, iḥezziben ay yessefken ad ttwaddmen deg wayen yerzan aɛawen n wid yimezdaɣen yenḍerren d uḍman n yimeẓla (xadamat) n llsas.

Deg wayen yerzan tixazzabiyin tineggura ay d-yellan deg Bamako, tamaneɣt n Mali, yenna-d Mass Toure d akken tummɣiwin-a tirebrabin ur sɛint ara assaɣ d umtawa n talwit d umsuɣal deg Mali.