ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵡⵉⵜ ⵍⴰ ⵜⴻⵜⵜⴹⴰⴼⴰⵔ « ⴰⴱⵔⵉⴷ ⵢⴻⵍⵀⴰⵏ » ⴷⴻⴳ ⵎⴰⵍⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵜⴰⵏ ⵍⴰ ⵢⴻⵜⵜⴻⴷⴷⵓ « ⴷⴻⴳ ⵓⴱⵔⵉⴷ ⵢⴻⵍⵀⴰⵏ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⵎⴰⵀⴰⵍ (ⵙⴰⴼⵉⵔ) ⵏ ⵎⴰⵍⵉ ⴷⴻⴳ ⵍⴻⵣⵣⴰⵢⴻⵔ, ⵏⴰⵉⵏⵢ ⵜⵧⵓⵔⴻ.
« ⵏⴻⵙⵙⴰⵡⴻⴹ ⵖⴻⵔ ⵓⵙⵓⵔⵉⴼ ⴷ ⴰⵙⵏⴻⴽⵏⴰⵢ (ⵎⵓⵜⵉⵔ ⵍⵉ-ⵉⵀⵜⵉⵎⴰⵎ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ, ⵢⴻⵔⵏⴰ ⴰⵎⵜⴰⵡⴰ-ⴰ ⵍⴰ ⵢⴻⵙⵙⴻⵃⴱⵉⴱⵉⵔ ⴼⴻⵍⵍ-ⴰⵙ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴰⵢⴷⴻⴳ ⴷ ⵍⴻⵣⵣⴰⵢⴻⵔ ⴰⵢ ⴷ ⵜⴰⵙⴻⵍⵡⴰⵢⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⵧⵓⵔⴻ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵎⴰⵙⵙ ⵜⵧⵓⵔⴻ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵊⵉⴼⴻⵕ ⵏ ⴱⴻⴷⴷⵓ ⵏ ⵢⵉⵡⴻⵏ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵖⴻⴼ « ⵓⵙⵍⴰⴹ (ⵜⴰⵃⵍⵉⵍ) ⵏ ⵡⵓⵎⴻⵍ ⴰⵎⴻⵀⵍⴰⵏ » ⴰⵢ ⴷ-ⵉⴳⴰ ⵡⴰⵎⵎⴰⵙ ⴰⴼⵔⵉⵇⵉ ⵏ ⵜⴻⵣⵔⴰⵡⵉⵏ ⴷ ⵓⵏⴰⴷⵉ ⵖⴻⴼ ⵔⵔⴻⴱⵔⴰⴱ (ⵛⴰⴻⵔⵜ) ⵉ ⵍⴼⴰⵢⴷⴰ ⵏ 30 ⵏ ⵢⵉⴼⴻⵙⵢⴰⵏⴻⵏ ⵓⵏⵏⵉⴳⴻⵏ ⵙⴻⴳ ⵢⵉⵎⴻⵥⵍⴰ ⵏ ⵡⵓⵎⴻⵍ (ⵎⵓⵅⴰⴱⴰⵔⴰⵜ) ⵏ 11 ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷ ⵓⵏⴻⵥⵔⵓⴼ ⴰⵎⴻⵇⵔⴰⵏ.
« ⴰⵇⵍ-ⴰⵖ ⵍⴰ ⵏⴻⵙⵙⴻⴼⵄⴰⵍ ⴰⵀⵉⵍⴻⵏ ⵢⴻⵣⵡⴰⵔⴻⵏ ⴰⵢⵖⴻⴼ ⵏⴻⵎⵛⴰⵡⴰⵕ ⴷⴻⴳ ⵓⵎⵜⴰⵡⴰ-ⵏⵏⵉ ⵏ ⵜⴰⵍⵡⵉⵜ. ⴰⵢⴰ ⵢⴻⵔⵣⴰ ⵍⴰⴷⵖⴰ ⴰⵙⵙⴻⴼⵄⴻⵍ ⵏ ⵢⵉⵙⴻⵏⴼⴰⵔⴻⵏ ⵏ ⵓⵄⴰⵡⴻⵏ ⵏ ⵢⵉⵎⴻⵣⴷⴰⵖⴻⵏ ⵏ ⵓⴳⴰⴼⴰ (ⵛⴰⵎⴰⵍ) ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵉⵒⵍⵓⵎⴰⵜⵉ-ⴰ ⴰⵎⴰⵍⵉ.
ⴷⵖⴰ ⵢⴻⴱⴷⴻⵔ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⵉⵃⴻⵣⵣⵉⴱⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵜⵡⴰⴷⴷⵎⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴰⵡⴻⵏ ⵏ ⵡⵉⴷ ⵢⵉⵎⴻⵣⴷⴰⵖⴻⵏ ⵢⴻⵏⴹⴻⵔⵔⴻⵏ ⴷ ⵓⴹⵎⴰⵏ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵍⵍⵙⴰⵙ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵅⴰⵣⵣⴰⴱⵉⵢⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⴱⴰⵎⴰⴽⵧ, ⵜⴰⵎⴰⵏⴻⵖⵜ ⵏ ⵎⴰⵍⵉ, ⵢⴻⵏⵏⴰ-ⴷ ⵎⴰⵙⵙ ⵜⵧⵓⵔⴻ ⴷ ⴰⴽⴽⴻⵏ ⵜⵓⵎⵎⵖⵉⵡⵉⵏ-ⴰ ⵜⵉⵔⴻⴱⵔⴰⴱⵉⵏ ⵓⵔ ⵙⵄⵉⵏⵜ ⴰⵔⴰ ⴰⵙⵙⴰⵖ ⴷ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ.
