Asebter amenzawi

Anejmuɛ n yemḍebbṛen n temsultiyin tifriqiyin ussan n 13 d 14 duǧember di Lezzayer

LEZZAYER TAMANAɣT- Imḍebbṛen n temsultiyin tifriqiyin ad mgerwint ussan n 13 d 14 duǧamber deg nella di Lezzayer akken ad mwafaqen ɣef weḍṛiṣ aqanuni yerzan beddu n wemɛiwen amsultayan afriqi (Afripol), yettwaṛjan i 2016, id-twekked ass n ttlata tnemhalt tamatut n temsulta taɣelnawt (DGSN).

"Akken ad ssalin lecɣal i beddu n Afripol, d utebbet n beddu-ines iwatan, yella-d ṛṛay n usuddes n usarag n yemḍebbṛen n temsultiyin tifriqiyin, ussan n 13 d 14 duǧamber 2015 di Lezzayer tamanaɣt, akken ad mwafaqen ɣef weḍṛiṣ aqanuni yerzan beddu n wemɛiwen amsultayan afriqi (Afripol), di tqacuct n yiselwayen iwunak akk d inabaḍen ifriqiyen, ara yeḍṛun di yennayer 2016", id-iwekked yiwen uneqqis n DGSN i teṭṭef tnegga isallen n Lezzayer (APS).

Afripol d "tuddsa n wemɛiwen aseltayan afriqi yemcuban ɣer tuddsiwin-nniḍen yellan yakan am Europol, Aseanapol d Améripol".

Anemhal amatu n temsulta taɣelnawt, ajiniṛal amatu, Abdelghani Hamel, iwekked-d, ɣef laḥsab n teɣbalut-agi, belli "timsultiwin tifriqiyin qenɛent belli Afripol ad yili d afud i wemɛawen aseltayan n anemḍayan d waglaɣlayan".