Asebter amenzawi

Tamzizzla yerzan asexdem iselmaden ad d-tili d tirawit (Benghebrit)

LEZZAYER TAMANAɣT- Taneɣlaft usegmi aɣelnaw, Nouria Benghebrit, twekked-d ass n laṛbɛa belli tamzizzla yerzan asexdem iselmaden i useggas 2016-2017 ad d-tili d tirawit.

"Tamzizzla yerzan asexdem ad d-tettwaheggi i fuṛaṛ neɣ d maɣṛes 2016",id-tenna Massa Benghebrit deg yiwen udiwenni d tnegga isallen n Lezzayer (APS) s usefhem belli amaynut aseggas-agi d akken ad d-tili d tirawit".

Igmaḍ n ukayad s tirawit ad yili "d lsas" deg usexdem, id-twekked tneɣlaft d-yesfahmen belli zik d iseggasen uxeddim i yellan d lsas i usezmel n yemttekkiyen di temzizzla yerzan asexdem n yiselmaden, am wakken yella di lqanun n uxeddim azayez.

Deg wayen yerzan imeḍqan d-yettwaheggan i useggas d-iteddun, Massa Benghebrit tenna-d belli "mazal ur iban ara ɛad", maca amḍan ad t-nefru almend n temliliyin timnaḍanin yerzan asegmi.

D tagnitt deg ad nwali ayen yellan yakan di yal tawilayt akk d wid ara yeffɣen lanetrit. Ayen ḥwaǧǧen daɣen yiɣerbazen deg weḥric usegmi ad d-iban almend n temliliyin-agi ara d-yeḍṛun di yennayer neɣ di fuṛar 2016, id aɣ-d-tenna a.

Ugar n 28.000 ixeddamen ijdiden d-ikecmen di 2015, gar-asen 19.000 d iselmaden,id-tenna tneɣlaft.