ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⵓⵙⵏⴻⵔⵏⵉ ⵏ ⵜⴻⵎⴳⵓⵔⵉ ⵜⵓⵎⴹⵉⵏⵜ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵙⵔⴻⵇⵇⴻⵙⵜ (ⴱⴰⵔⵉⴷ) ⵀⵧⵓⴷⴰ ⵉⵎⴰⵏⴻ ⴼⴻⵔⴰⵧⵓⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵢⴻⵙⵙⴻⴼⵏ ⵓⵙⵏⴻⴼⵍⵉ (ⵜⴰⵟⵡⵉⵔ) ⵏ ⵜⴻⵎⴳⵓⵔⵉ ⵜⵓⵎⴹⵉⵏⵜ (ⵚⵉⵏⴰⵄⴰ ⵔⴰⵇⵎⵉⵢⵢⴰ) ⴷⴻⴳ ⵜⵎⵓⵔⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴱⴻⴷⴷⴻⵍ ⴷⴻⴳ ⵜⴷⴰⵎⵙⴰ ⴷ ⵜⵎⴻⵜⵜⵉ.

ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ (ⴽⴰⵎⵉⵍⴰ) ⴰⵢ ⴷ-ⵜⴻⵖⵔⴰ ⵙ ⵢⵉⵙⴻⵎ-ⵏⵏⴻⵙ ⵎⴰⵙⵙⴰ ⵔⴰⴷⵉⴰ ⴱⴻⵍⴱⴻⵔⴽⴰⵏⵉ ⵢⴻⵍⵍⴰⵏ ⴷ ⵜⵉⵎⴹⴻⴱⴱⴻⵔⵜ ⴷⴻⴳ ⵓⵖⵍⵉⴼ, ⵉ ⵍⵎⴻⵏⴷ ⵏ ⵓⵏⵎⴰⴳⴻⵔ (ⵎⵓⵏⵜⴰⴷⴰ) ⴰⵎⴻⵣⵡⴰⵔⵓ ⴰⴷⵣⴰⵢⵔⵉ-ⴰⴼⵕⴻⵏⵙⵉⵙ ⵖⴻⴼ ⵡⵓⵎⴹⵉⵏ, ⵜⴻⵏⵏⴰ-ⴷ ⵎⴰⵙⵙⴰ ⴼⴻⵔⴰⵧⵓⵏ ⴷ ⴰⴽⴽⴻⵏ ⴰⵙⵙⴻⴱⴷⴻⴷ ⵏ ⵜⴷⴰⵎⵙⴰ ⵜⵓⵎⴹⵉⵏⵜ ⵓⵔ ⵢⴻⵣⵎⵉ ⴰⴷ ⴷ-ⵢⵉⵍⵉ ⴰⵍⴰ ⵎⴰ ⵢⴻⵍⵍⴰ « ⵍⴻⴱⵖⵉ ⵉⴵⴻⵀⴷⴻⵏ » ⵉ ⵍⵎⴻⵏⴷ ⵏ ⵓⴱⴻⴷⴷⴻⵍ ⴰⴷⴰⵎⵙⴰⵏ ⴷ ⵓⵏⵎⴻⵜⵜⵉ (ⵉⴵⵜⵉⵎⴰⵄⵉ).

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⴰⴷⴰⵎⵙⴰ-ⴰ ⵜⵓⵎⴹⵉⵏⵜ ⴰⴷ ⵜⴻⵔⵣⵓ ⴰⴽⴽ ⵉⵃⵔⵉⵛⴻⵏ ⵖⴻⴼ ⵜⵉⴽⴽⴻⵍⵜ, ⴰⵎⴰ ⴷ ⵡⵉⴷ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⴰⵎⴰ ⴷ ⵡⵉⴷ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⴷ ⵡⴰⴽⴽ ⵉⵏⵓⵔⴰⵔ ⵏ ⵓⵅⴻⴷⴷⵉⵎ ⴰⵎ ⵜⴷⴰⵡⵙⴰ, ⵜⴰⴼⴻⵍⵍⴰⵃⵜ, ⴰⵙⵙⴻⴳⵎⵉ, ⵜⴰⵖⴻⵍⵍⵉⵙⵜ, ⵍⴻⴱⵏⵉ ⴷ ⵢⵉⴷⵍⴻⵙ.

ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⴰⵣⴰⵍ ⵉ ⵜⵍⴰⵍⵉⵜ ⵏ ⵜⴷⴰⵎⵙⴰ ⵏ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ (ⵉⵜⵜⵉⵚⴰⵍ), ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵢⴻⵜⵜⴻⴳ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵉ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵏ ⵜⵎⵓⵔⵜ ⴰⵎⴰ ⵙⴻⴳ ⵢⵉⴷⵉⵙ ⵏ ⵜⵜⴰⵡⵉⵍ, ⴰⵎⴰ ⵙⴻⴳ ⵢⵉⴷⵉⵙ ⵏ ⵢⵉⵅⴻⴷⴷⴰⵎⴻⵏ, ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⵏ ⵜⴻⵙⵏⴰⵜⵡⵉⵍⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ.

« ⴰⵃⵔⵉⵛ-ⵏⵏⴻⵖ ⵢⴻⴱⴷⴰ ⵢⴻⵜⵜⵅⴻⵎⵎⵉⵎ ⵢⴻⵔⵏⴰ ⵉⵅⴻⴷⴷⴻⵎ ⵉ ⵍⵎⴻⵏⴷ ⵏ ⵓⵙⵙⵉⴼⵙⴻⵙ ⵏ ⵍⴻⴱⵏⵉ ⵏ ⵜⵡⴻⵏⵏⴰⴹⵜ ⴰⵢ ⵉⵡⴰⵜⴰⵏ ⵉ ⵓⵙⵏⴻⴼⵍⵉ ⵏ ⵜⴻⵎⴳⵓⵔⵉ ⵏ ⵜⴻⵙⵏⴰⵜⵡⵉⵍⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ ⴷⴻⴳ ⵍⴻⵣⵣⴰⵢⴻⵔ ⴰⵎⴰ ⵙⴻⴳ ⵢⵉⴷⵉⵙ ⵏ ⵢⵉⵡⴻⵥⵍⴰ (ⴰⵄⵎⴰⵍ), ⵜⵓⴽⵛⵉ ⵏ ⵜⴻⴷⵔⵉⵎⵜ ⴷ ⵜⵉⵛⵛⵓⵔⴽⴰ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵏ ⵓⵡⴰⵏⴰⴽ ⴷ ⵜⵓⵙⵍⵉⴳⵉⵏ, ⴰⵎⴰ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ ⵉ ⵓⵙⵙⵉⴼⵙⴻⵙ ⵏ ⵢⵉⵃⴻⵣⵣⵉⴱⴻⵏ ⴷ ⵢⵉⵙⵓⵔⵉⴼⴻⵏ ⴰⴷ ⵢⴻⵜⵜⵡⴰⴹⴻⴼⵔⴻⵏ ⴷ ⵜⴻⴷⴱⴻⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ.