Asebter amenzawi

Sug ahras : Tamafit n tɣawsiwin timeẓẓyanin tiɣbirin d yinilen deg-s iɣsan d ibnadmen (DGSN)

SUG AHRAS - Ufin tɣawsiwin timeẓẓyanin tiɣbirin d yinilen, deg-s iɣsan n yebnadmen. Yellan twellan ɣer yimer Aṛumani. Way jar n ktuber d umber inegguran, ɣef leḥsab n ssrabes n (DGSN) iḍeffren twilayt n Sug ahras.

Ma yella d tɣawsiwin-a n yiciren ufin-hen-t deg i tɣiwant n Tifac, u nhentin d taɣerraft d 5 n yiḥentas n uṣurday d tqedɛit n tɣawsiwiw n lfexxar d "aqermuḍ yeknef".

Aren i ufin deg i tama iḍeffren tɣiwant, Ddriɛa sen n yinilen, deg-sen iɣsan n yebnadmen ttwellan ɣer yimer Aṛumani. Ma yella deg i tɣiwant n Xmisa ufin ixef n tmeṭṭut, yettwaxdem seg i rrxam.

U deg yict n usentel ssrabes n (DGSN) zizan sen n isebdaden, wict n tmeṭṭut u wict n wergaz. Mani llan ttusejjan i userwel ɣer, Tunes ɣef tɣiwant n Lakwif (Tbessa). Aren i zizan ssrabes n (DGSN) sen n igestar d usebdad seg i nnḥas deg i tɣiwant n Lamrij, u sseḥbsen id-s 3 n yudan. Yellan awwin hen ɣer uxxam n ccreɛ.