Asebter amenzawi
Taqbuct n Tefriqt n ddaw 23 n yiseggasen: Lezzayer terna Tafriqt n Unẓul s 2 ɣer 0
DAKAR – Terna teɣlamt tadzayrit n ddaw n 23 n yiseggasen taxṣimt-nnes n Tefriqt n Unẓul s 2 ɣer uziṛu deg uzgen n tneggarut n Teqbuct n Tefriqt n Yiɣlanen n 2015 deg Dakar (Sinigal), yerna tɛedda s waya ɣer Wuraren Ulimpiyen n 2016 n Rio de Janeiro.
D Oussama Darfalou ay yessadfen iswi amezwaru deg tedqiqt tis 8. Ma d iswi wis sin yessadef-it Mohamed Benkhemassa deg uzgen wis sin deg tedqiqt tis 49.
S waya, Lezzayer ad tuɣal s tcirt n uḍar ɣer Wuraren Ulimpiyen i tikkelt tamezwarut deg 36 n yiseggasen. Tikkelt taneggarut aydeg ay tettekka tettekka teɣlamt n tcirt n uḍar deg Wuraren Ulimpiyen tella-d deg wid n Musku n 1980.
Idzayriyen ɛeddan daɣ ɣer tneggarut n Teqbuct n Tefriqt n Yiɣlanen n ddaw n 23 n yiseggasen yerna ad d-tili tneggarut-a ass n ssebt anda Lezzayer ad turar mgal Nijirya.
Mqabalent yagi Lezzayer d Nijirya deg tuzzya tamezwarut n telɣuɣa-a aydeg ffɣent s uziṛu ɣer uziṛu.
Uqbel ma tella-d tneggarut, ad d-tili temlilit n usettef gar Sinigal d Tefriqt n Unẓul ɣef 5s00 n tmeddit.
3 n tmura timezwura deg telɣuɣa-a ad ttekkint s yisem n Tefriqt deg Wuraren Ulimpiyen n 2016 n Rio.
