ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ: ⵜⴻⵔⴱⴻⵃ-ⴷ ⵍⴻⵣⵣⴰⵢⴻⵔ 6 ⵏ ⵜⵣⴰⵍⵖⵉⵡⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵔⴱⴻⵃ-ⴷ ⵍⴻⵣⵣⴰⵢⴻⵔ 6 ⵏ ⵜⵣⴰⵍⵖⵉⵡⵉⵏ (ⵎⵉⴷⴰⵍⵉⵢⵢⴰⵜ) ⴳⴰⵔ-ⴰⵙⴻⵏⵜ ⵙⵏⴰⵜ ⵏ ⵡⵓⵔⴻⵖ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⴰⵢ ⴷ-ⵢⴻⵍⵍⴰⵏ ⴳⴰⵔ 28 ⵏⵡⴻⵎⴱⴻⵕ ⴷ 7 ⴷⵓⵊⴻⵎⴱⴻⵕ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ).

ⴷⴻⴳ ⵓⵇⴻⵔⵔⴻⵙ ⴰⵜⴻⵔⵔⴰⵙⴰⵏ (ⴼⴰⵔⴷⵉ), ⵢⴻⵔⴱⴻⵃ-ⴷ ⵛⵀⴰⴼⵉⴽ ⴱⵧⵓⴰⵧⵓⴷ ⵜⴰⵣⴰⵍⵖⵉ ⵏ ⵡⵓⵔⴻⵖ ⴷⴻⴳ ⵓⵎⵙⵉⵣⵡⴻⵔ ⵏ ⵓⵇⴻⵔⵔⴻⵙ ⵏ 10 ⵏ ⵍⵎⵉⵜⵔⴰⵜ ⵙ ⵓⴱⴻⵛⴽⵉⴹ ⵏ ⵓⵣⵡⵓ ⵢⴻⵜⵜⵡⴰⵃⴻⵕⵙⴻⵏ (597 ⵏ ⵜⴻⵏⵇⵉⴹⵉⵏ) ⵢⴻⵔⵏⴰ ⴷ ⴰⵢⴰ ⴰⵢ ⵜ-ⵢⴻⴵⴵⴰⵏ ⴰⴷ ⵉⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016.

ⴷⴻⴳ ⵓⵇⴻⵔⵔⴻⵙ ⵏ ⵢⵉⴱⵍⴰⵟⵓⵜⴻⵏ, ⴷ ⴰⴱⵉⴷ ⴼⵧⵓⴰⴷ ⴰⵢ ⵢⵓⵖⴰⵍⴻⵏ ⴷ ⴰⵍⵖⵓⵖ ⵏ ⵜⴻⴼⵔⵉⵇⵜ, ⵎⴰⵛⴰ ⵢⴻⵣⴳⴻⵍ ⵙ ⵛⵛⴻⵃ ⴽⴰⵏ ⴰⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ. ⴰⴱⵉⴷ ⵢⴻⵔⴱⴻⵃ-ⴷ ⴽⴰⵏ 111 ⵏ ⵜⴻⵏⵇⵉⴹⵉⵏ, ⵢⵉⵍⵉ ⴰⴳⵎⵓⴹ ⴰⴷⴷⴰⵢ ⵉ ⵓⵄⴻⴷⴷⵉ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ 112 ⵏ ⵜⴻⵏⵇⵉⴹⵉⵏ.

ⵜⴻⵛⵛⴻⵜⴽⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⵉ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵇⴻⵔⵔⴻⵙ ⴰⵏⴰⴷⴷⴰⵍ ⴰⴽⴽⴻⵏ ⴰⴷ ⵢⴻⵣⵎⴻⵔ ⴰⴱⵉⴷ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⴰⴷ ⴷ-ⵢⵉⵍⵉⵏ ⴷⴻⴳ ⵎⴻⵖⵔⴻⵙ ⵏ 2016 ⴷⴻⴳ ⵇⵓⴱⵔⵓⵙ ⴰⴽⴽⴻⵏ ⴰⴷ ⵢⴻⵄⵔⴻⴹ ⴰⴷ ⵉⵄⴻⴷⴷⵉ ⵖⴻⵔ ⵔⵉⵧ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ, ⵎⵧⵀⴰⵎⴻⴷ ⵎⵉⵍⵧⵓⴷⵉ.

ⵛⵀⴰⴰⴱⵉ ⵀⵧⵓⴷⴰ ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵓⵎⵙⵉⵣⵡⴻⵔ ⵏ 10 ⵏ ⵍⵎⵉⵜⵔⴰⵜ ⵙ ⵓⴱⴻⵛⴽⵉⴹ ⵏ ⵓⵣⵡⵓ ⵢⴻⵜⵜⵡⴰⵃⴻⵕⵙⴻⵏ, ⵢⴻⵔⵏⴰ ⵜⴻⵔⴱⴻⵃ-ⴷ 401 ⵏ ⵜⴻⵏⵇⵉⴹⵉⵏ.

ⴷⴻⴳ ⵓⵎⵙⵉⵣⵡⴻⵔ ⵙ ⵜⴻⵖⵍⴰⵎⵉⵏ, ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵍⴰⵡⵉⵏ ⴰⵢⴷⴻⴳ ⵍⵍⴰⵏⵜ ⵙⵧⵓⴰⴷ ⵢⴰⵀⵉⴰⵧⵓⵉ, ⵀⵧⵓⴷⴰ ⵛⵀⴰⴰⴱⵉ ⴷ ⵔⴰⵏⵉⴰ ⵜⴻⴽⴽⴻⵔⵧⵓⵛⵀⵉⵏⴻ, ⵜⴻⵔⴱⴻⵃ-ⴷ ⵜⴰⵣⴰⵍⵖⵉ ⵏ ⵓⵥⵔⴻⴼ (ⴼⵉⴹⴹⴰ) ⴷⴻⴳ ⵓⵇⴻⵔⵔⴻⵙ ⵏ 10 ⵏ ⵍⵎⵉⵜⵔⴰⵜ ⵙ ⵓⴱⴻⵛⴽⵉⴹ ⵏ ⵓⵣⵡⵓ ⵢⴻⵜⵜⵡⴰⵃⴻⵕⵙⴻⵏ.

ⵎⴰ ⴷ ⵜⴰⵖⵍⴰⵎⵜ ⵏ ⵢⵉⵔⴳⴰⵣⴻⵏ ⴰⵢⴷⴻⴳ ⵍⵍⴰⵏ ⴼⵧⵓⴰⴷ ⴰⴱⵉⴷ, ⴼⵧⵓⴰⴷ ⵛⵀⴰⴱⴰⵏⴻ ⴷ ⴰⵍⵉ ⴱⴻⵏ ⴰⵍⵉ ⵎⵧⴽⵀⵜⴰⵔ ⵜⴻⵔⴱⴻⵃ-ⴷ ⴷⴰⵖ ⵜⴰⵣⴰⵍⵖⵉ ⵏ ⵓⵥⵔⴻⴼ ⴷⴻⴳ ⵓⵎⵙⵉⵣⵡⴻⵔ ⵏ ⵓⵇⴻⵔⵔⴻⵙ ⵏ ⵢⵉⴱⵍⴰⵟⵓⵜⴻⵏ.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴻⵇⵛⵉⵛⵉⵏ ⴰⵢⴷⴻⴳ ⵍⵍⴰⵏⵜ ⵢⴰⵎⵉⵏⴰ ⵍⴰⵍⵧⵓⴻⵜ, ⵎⴻⴷⵊⵉⴰⵀ ⵀⴰⵍⴰ ⴷ ⴱⴻⵏⴼⴰⵍⴰⵎⵉ ⵔⴰⵛⵀⵉⴷⴰ ⵜⴻⵔⴱⴻⵃ-ⴷ ⴷⴰⵖ ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵓⵎⵙⵉⵣⵡⴻⵔ ⵏ ⵓⵇⴻⵔⵔⴻⵙ ⵏ 10 ⵏ ⵍⵎⵉⵜⵔⴰⵜ ⵙ ⵜⵎⴻⵥⵢⴰⵏⵜ ⵏ ⵓⵣⵡⵓ ⵢⴻⵜⵜⵡⴰⵃⴻⵕⵙⴻⵏ.