ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵜⴰⴼⴻⵖⵏⴰⵎⵉⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ

ⵛⵀⴰⵀⵉⴷ ⴻⵍ ⵀⴰⴼⴻⴷ (ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⵖⴻⵏ [ⵍⴰⴵⵉ’ⵉⵏ]) – ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⴼⴻⵖⵏⴰⵎⵉⵜ ⵏ ⵜⵎⴰⵔⵉⵜ (ⴰⵎⴰⵏⴰ) ⵜⴰⵖⴻⵍⵏⴰⵡⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴷⴰⵡ ⵜⵙⴻⵍⵡⵉⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵚⴻⵃⵔⴰⵡⵉⵜ, ⵎⵧⵀⴰⵎⴻⴷ ⴰⴱⴷⴻⵍⴰⵣⵉⵣ ⵉ ⵍⵎⴻⵏⴷ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵕⴰⴱⵓⵍ ⵏ ⵜⵙⴻⵇⵇⴰⵎⵓⵜ ⴰⵢ ⵍⴰ ⴷ-ⵢⴻⵙⵙⴻⵡⵊⴰⴷⴻⵏ ⴰⵙⵡⵉⵔ (ⵎⵓ’ⵜⴰⵎⴰⵔ) ⵡⵉⵙ 14 ⵏ ⵒⵧⵍⵉⵙⴰⵔⵉⵧ ⴷ ⵍⴻⴽⵡⴰⵖⴻⴹ ⵏⵉⴹⴻⵏ ⴰⴷ ⵢⴻⵜⵜⵓⵏⴻⴼⴽⴻⵏ ⵉ ⵓⵙⵡⵉⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ (ⵙⵒⵙ).

ⴳⴰⵔ ⵍⴻⴽⵡⴰⵖⴻⴹ ⴰⵢⵖⴻⴼ ⴷ-ⵙⵙⵓⴽⴽⴻⵏ ⵜⵉⵟ ⵙ ⵓⵃⴷⴰⵕ ⵏ ⵎⴰⵙⵙ ⴰⴱⴷⴻⵍⴰⵣⵉⵣ ⵢⴻⵍⵍⴰ ⵡⴰⵀⵉⵍ ⵏ ⵜⵉⴳⴰⵡⵜ ⴰⵖⴻⵍⵏⴰⵡ, ⵍⵇⴰⵏⵓⵏ ⵏ ⴷⴰⵅⴻⵍ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵜⴰⵎⴻⵏⴹⴰⵡⵜ (ⴷⵓⵙⵜⵓⵔ) ⵏ ⵜⴻⴳⴷⵓⴷⴰ ⵜⴰⵚⴻⵃⵔⴰⵡⵉⵜ ⴷ ⵓⵙⴻⵏⴼⴰⵔ ⵏ ⵓⵕⴰⴱⵓⵍ ⴰⵎⴻⵏⵣⴰⵢⴰⵏ (ⴰⵅⵍⴰⵇⵉ) ⴰⵢ ⵢⴻⵔⵣⴰⵏ ⵜⴰⵍⵍⵉⵜ ⴳⴰⵔ ⵓⵙⵡⵉⵔ ⵡⵉⵙ 13 ⴷ ⵓⵙⵡⵉⵔ ⵡⵉⵙ 14 ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴰⵔⵉⵜ ⵜⴰⵖⴻⵍⵏⴰⵡⵜ.

ⵢⴻⵏⵏⴰ-ⴷ ⵎⴰⵙⵙ ⴰⴱⴷⴻⵍⴰⵣⵉⵣ ⵉ ⵜⵙⴻⵇⵇⴰⵎⵓⵜ ⵏ ⵓⵙⵙⴻⵡⵊⴻⴷ ⵏ ⵓⵙⵡⵉⵔ ⵡⵉⵙ 14 ⴷ ⴰⴽⴽⴻⵏ ⵢⵓⵎⴰⵔ (ⵢⴻⴼⵕⴻⵃ) ⵙ ⵢⵉⴳⵎⴰⴹ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⵙⴻⵡⵊⴻⴷ-ⵏⵏⵉ ⵢⴻⵔⵏⴰ ⵓⵍⴰ ⵎⴰ ⵡⵜⴻⵏ-ⴷ ⵢⵉⵃⴻⵎⵎⴰⵍⴻⵏ ⴰⵢ ⵉⵃⵓⵣⴰⵏ ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⴷⴻⴳ ⵜⵓⴱⴻⵕ ⵢⴻⵣⵔⵉⵏ ⵍⴰⴷⵖⴰ ⴷⴻⴳ ⵜⵡⵉⵍⴰⵢⵜ ⵏ ⴷⴻⵅⵍⴰ (ⴰⵢ ⵢⴻⵏⴹⴻⵔⵔⴻⵏ ⵓⴳⴰⵔ), ⵎⴰⵛⴰ ⵜⵜⴻⴽⴽⴰⵏ ⴰⵟⴰⵙ ⵏ ⵎⴻⴷⴷⴻⵏ ⴷⴻⴳ ⵜⴻⵎⵍⵉⵍⵉⵢⵉⵏ-ⵏⵏⵉ ⵏ ⵓⵙⵙⴻⵡⵊⴻⴷ.

ⵜⴰⵎⴰⵔⵉⵜ ⵜⴰⵖⴻⵍⵏⴰⵡⵜ ⵜⴻⵛⴽⴻⵕ-ⴷ ⴷⴰⵖ ⴰⵣⴱⵓ (ⵎⵓⵇⴰⵡⴰⵎⴰ) ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⴷ ⵓⵏⵥⵓⵍ (ⴵⴰⵏⵓⴱ) ⵏ ⵎⴻⵕⵕⵓⴽ ⵢⴻⵔⵏⴰ ⵜⴻⵙⵙⴻⵏⴼⴰⵍⵉ-ⴷ ⵓⵔⴼⴰⵏ-ⵏⵏⴻⵙ ⵖⴻⴼ « ⵜⵎⴻⵔⵏⵉⵡⵜ ⵏ ⵓⵎⵃⴰⵇ ⴷ ⵓⵔⴽⴰⴹ ⵏ ⵢⵉⵣⴻⴼⴰⵏ » ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵜⵜⵡⴰⵄⴻⵣⵍⴻⵏ, ⵍⴰⴷⵖⴰ ⴷⴻⴼⴼⵉⵔ ⵎⴰ ⵢⴻⵔⵣⴰ-ⴷ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⵖⴻⴼ ⵜⴻⵎⴷⵉⵏⵜ ⵏ ⵍⴻⵄⵢⵓⵏ ⵢⴻⵜⵜⵡⴰⴹⴹⴼⴻⵏ, ⴷ ⵜⵉⵔⵣⵉ ⴰⵢ ⴷ-ⵢⴻⵍⵍⴰⵏ ⴷ ⴰⵏⴱⴰⵛ.

ⵜⴰⵎⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵒⵧⵍⵉⵙⴰⵔⵉⵧ ⵜⵡⴻⵜ-ⴷ ⴷⴰⵖ ⴷⴻⴳ ⵜⵓⴹⴹⴼⴰ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⴰⵎⴱⴰⵔⴻⴽ ⴻⵍ-ⴷⴰⵧⵓⴷⵉ ⴷ ⵜⵡⴰⵛⵓⵍⵜ-ⵏⵏⴻⵙ, ⴷ ⵓⵛⴰⵕⴻⵄ ⵏ ⵓⵎⴻⵃⴱⵓⵙ-ⴰ ⴰⵙⴻⵔⵜⵉ ⴷⴻⴳ ⵛⵛⵕⴻⵄ ⴰⵙⴻⵔⴷⴰⵙⴰⵏ, ⴷ ⵓⵃⴽⴰⵎ ⴰⵢ ⴰⵙ-ⵢⴻⵃⴽⴻⵎ ⵛⵛⵕⴻⵄ-ⴰ 5 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵜⵎⴰⵔⵉⵜ-ⴰ ⵉ ⵓⵙⴻⵔⵔⴻⵃ ⵏ ⵡⴰⴽⴽ ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵍⵍⴰⵏ ⴷⴻⴳ ⵍⴻⵃⵙⴰⴱ ⵉⵎⴻⵕⵕⵓⴽⵉⵢⴻⵏ.