ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵕⴻⴽⴽⴻⴱ ⵏ ⵜⴽⴻⵕⵕⵓⵙⵉⵏ: ⴰⵍⵓⴳ ⵏ ⵛⵛⵓⵔⵓⴹ ⴰⴷ ⴷ-ⵢⴻⵡⵊⴻⴷ ⴷⴻⴳ 2016
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴹⵔⵉⵙ (ⵏⴰⵚⵚ) ⵏ ⵡⴰⵍⵓⴳ (ⴷⴰⴼⵜⴰⵔ) ⵏ ⵛⵛⵓⵔⵓⴹ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⵇⴰⴷⴻⵔ ⴷⴻⴳ ⵓⵕⴻⴽⴽⴻⴱ ⵏ ⵜⴽⴻⵕⵕⵓⵙⵉⵏ ⴷⴻⴳ ⵍⴻⵣⵣⴰⵢⴻⵔ ⴰⴷ ⴷ-ⵢⴻⴼⴼⴻⵖ ⴷⴻⴳ ⵜⴳⴰⵔⴰ ⵏ ⵎⴻⵖⵔⴻⵙ ⵏ 2016 ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⴷⴻⴳ ⵓⵖⵍⵉⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵍⴳⵀⴰⵏⵉ ⵎⴻⴱⴰⵔⴻⴽ.
« ⴰⴹⵔⵉⵙ-ⴰ ⵍⴰ ⴷ-ⵜⵜⴼⴰⴽⴰⵏ ⴰⵙⵙⴻⵡⵊⴻⴷ-ⵏⵏⴻⵙ ⵙ ⵓⵎⵄⴰⵡⴻⵏ ⴳⴰⵔ ⵓⵖⵍⵉⴼ ⵏ ⵜⴻⵎⴳⵓⵔⵉ ⴷ ⵢⵉⵖⵍⵉⴼⴻⵏ ⵏⵉⴹⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ. ⴷⵖⴰ ⵏⴻⵙⵙⴰⵔⴰⵎ ⴰⴷ ⴷ-ⵢⴻⵡⵊⴻⴷ, ⵎⴰ ⴰⵟⴰⵙ, ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵓⵡⴻⴽⴽⴻⵍ ⵏ ⵍⴻⵛⵖⴰⵍ ⴷⴻⴳ ⵓⵕⴻⴽⴽⴻⴱ ⵏ ⵜⴽⴻⵕⵕⵓⵙⵉⵏ ⵜⵉⵎⴳⵓⵔⴰⵏⵉⵏ ⴰⵢ ⴷ-ⵉⴳⴰ ⵓⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ.
ⵜⵉⴽⴻⴱⴱⴰⵏⵉⵢⵉⵏ ⵜⵉⴷⴰⵎⵙⴰⵏⵉⵏ ⴰⵢ ⵉⵃⴻⴷⵕⴻⵏ ⴷⴻⴳ ⵓⵎⵢⴰⴳⴻⵔ-ⴰ ⵏⵏⴰⵏⵜ-ⴷ ⴷ ⴰⴽⴽⴻⵏ ⵙⵙⴰⵔⴰⵎⴻⵏⵜ ⴰⵍⵓⴳ-ⴰ ⴰⴷ ⵢⴻⵙⵙⵉⴼⵙⴻⵙ ⵓⴳⴰⵔ ⴰⵙⵙⴻⴼⵜⵉ ⴷⴻⴳ ⵓⵏⵔⴰⵔ ⵏ ⵜⴽⴻⵕⵕⵓⵙⵉⵏ ⴷ ⵓⵡⴻⴽⴽⴻⵍ ⵏ ⵍⴻⵛⵖⴰⵍ.
ⵖⴻⴼ ⵍⴻⵃⵙⴰⴱ-ⵏⵙⴻⵏ, ⴰⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵓⵡⴻⴽⴽⴻⵍ ⵏ ⵍⴻⵛⵖⴰⵍ ⵢⴻⵇⵇⴻⵏ ⵖⴻⵔ ⵜⵉⴼⵉⵏ ⵏ ⵡⴰⴽⴰⵍ ⴰⵢⴷⴻⴳ ⴰⴷ ⵜⵜⵡⴰⴱⵏⵓⵏⵜ ⵍⵍⵓⵣⵉⵏⴰⵜ, ⵜⵓⴽⴽⵙⴰ ⵏ ⵜⴱⵉⵔⵓⵇⵔⴰⵟⵉⵜ ⴷⴻⴳ ⵓⵏⵔⴰⵔ ⵏ ⵓⵙⵙⴻⴼⵜⵓ ⴷ ⵓⵙⵙⵉⴼⵙⴻⵙ ⵏ ⵓⵔⴻⴹⴹⴰⵍ ⵏ ⵜⴻⴷⵔⵉⵎⵜ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⵓⵎⴰⵣⵣⴰⵢ (ⵅⴰⴱⵉⵔ) ⵏ ⵜⴻⵎⴳⵓⵔⵉ ⵢⴻⵔⵏⴰ ⴷ ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵙⵏⵠⵉ, ⵎⵧⴽⵀⵜⴰⵔ ⵛⵀⴰⴱⵧⵓⴱ ⴷ ⴰⴽⴽⴻⵏ ⵢⴻⵙⵙⴻⴼⴽ ⵜⵉⴽⴻⴱⴱⴰⵏⵉⵢⵉⵏ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⴰⴷ ⵎⵛⵉⵡⵕⴻⵏ ⵖⴻⴼ ⵡⵓⴳⵓⵔⴻⵏ ⴰⵢ ⵙⵄⴰⵏⵜ ⵜⴽⴻⴱⴱⴰⵏⵉⵢⵉⵏ ⵏ ⵓⵡⴻⴽⴽⴻⵍ ⵏ ⵍⴻⵛⵖⴰⵍ ⵢⴻⵔⵏⴰ ⴰⴷ ⴷ-ⴰⴼⴻⵏ ⵜⵉⴼⵔⴰⵜⵉⵏ ⴰⴽⴽⴻⵏ ⴰⴷ ⵢⴻⵏⵏⴻⵔⵏⵉ ⵓⵃⵔⵉⵛ-ⴰ.
ⵉⵎⵉⵔ-ⴰ, ⴳⴰⵔ 500 ⴷ 600 ⵏ ⵜⴽⴻⴱⴱⴰⵏⵉⵢⵉⵏ ⵏ ⵓⵡⴻⴽⴽⴻⵍ ⵏ ⵍⴻⵛⵖⴰⵍ ⴰⵢ ⴷ-ⵢⴻⵜⵜⵡⴰⵃⴻⵙⴱⴻⵏ ⴷⴻⴳ ⵓⵃⵔⵉⵛ ⵏ ⵜⴻⵎⴳⵓⵔⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⴰⴳⴳⴰⵣⵜ (ⴱⵓⵔⵚⴰ) ⵜⴰⴷⵣⴰⵢⵔⵉⵜ ⵏ ⵓⵡⴻⴽⴽⴻⵍ ⵏ ⵍⴻⵛⵖⴰⵍ, ⴰⵣⵉⵧⵓⵣ ⵍⴰⵉⴱ.
