Asebter amenzawi

Talɣuɣa n Tefriqt n usembuk: 3 n Yidzayriyen ay iɛeddan ɣer Rio

LEZZAYER TAMANɣT – 3 n yinaddalen idzayriyen n telweḥt n usembuk (ciraɛ) ay iɛeddan ɣer Wuraren Ulimpiyen n Rio de Janeiro n 2016 ad d-yilin deg Brizil, deffir uttekki-nsen deg telɣuɣa n Tefriqt n usembuk (Laser d RSX) ay ifuken ass n lexmis deg Uɣerbaz Aɣelnaw n Waddalen Imananen d Idumananen n Buṛj Lbeḥri (Lezzayer Tamaneɣt).

Cherif Sahraoui Imene tɛedda ɣer Wuraren Ulimpiyen s 22 n tenqiḍin mi d-tusa d tis snat deg umsizwer n Laser Radial, deffir Ttunsit Gmati Ines (27 n tenqiḍin), ma d Tamaṣrit Mansi Khouloud tusa-d d tis 3 yerna ur tɛedda ara ɣer Wuraren n Rio.

Aɛeddi n Cherif Sahraoui Imene yerna-d ɣer win n Bouras Hamza d Katia Belabbes ay irebḥen deg umsizwer n RSX.

ɣef leḥsab n yilugan imuta n tfidiṛalit tagraɣlant n waddal-a, 2 n yinaddalen imezwura deg umsizewren n « Laser Radial », « Laser Standard » d « RSX n yirgazen ad ɛeddin ɣer Wuraren Ulimpiyen, d acu kan, yessefk ad ilin sin-nni seg tmura yemgerraden. Ma ɣer tlawin, d tameṭṭut tamezwarut umsizwer n RSX (talɣuɣt n Tefriqt) ad iɛeddin ɣer Wuraren Ulimpiyen.