Asebter amenzawi

Lebni n lmerṣat: leɛqudat n ticcurka gar tkebbaniyin tidzayriyin d tcinwatin

SIDI BELƐEBBAS – Yenna-d uneɣlaf n yimahilen inagduden (acɣal ɛumumiyya) Abdelkader Ouali ass n ssebt deg Sidi Belɛebbas, d akken ur ttɛeḍḍilen ara ad ttwastenyin leɛqudat gar tkebbaniyin tidzayriyin d tcinwatin i lmend n lebni n yisugan (marafi’).

Deg terzi-nnes n umahil d ussefqed deg twilayt-a, yenna-d Mass Ouali d akken ticcurkiwin-a ur ttɛeḍḍilent ara ad d-ilint gar tkebbaniyin tidzayriyin d tcinwatin s umenzay (mabda’) n 51/49 i lmend n ussebded n tkebbaniyin i lmend n lebni n yisugan.

« La ixeddem imir-a uɣlif n yimahilen inagduden i lmend n ussetrer (ɛaṛsana) n ttawilat iɣelnawen n lebni akken ad d-telhu tmurt s yisenfaren yemgerraden deg uḥric-a war ma tessuter aya seg tkebbaniyin tibeṛṛaniyin ala deg wayen yerzan lbenyanat ay yeḥwaǧen titekniyin ur yellin ara ɣer tkebbaniyin tidzayriyin », ɣef wakken ay d-iwekked.

Ttwastenyan leɛqudat dduṛt yezrin gar tkebbaniyin tidzayriyin d tṭalyaniyin i ussebded n tkebbaniyin yemmuzzgen (mutaxaṣṣiṣa) deg lebni n tleggiyin (ǧusur) ɣef wakken ay d-yerna uneɣlaf.

Iswi n ticcurkiwin gar tkebbaniyin tidzayriyin d tbeṛṛaniyin netta d asserbeḥ n ttejṛiba i tkebbaniyin tidzayriyin, asnerni n tmussni n yikataren (iṭarat) idzayriyen d ussidrem n yisenfaren-a s yidrimen ibeṛṛaniyen, ɣef wakken ay d-yenna Mass Ouali.