ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⴱⵏⵉ ⵏ ⵍⵎⴻⵔⵚⴰⵜ: ⵍⴻⵄⵇⵓⴷⴰⵜ ⵏ ⵜⵉⵛⵛⵓⵔⴽⴰ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵛⵉⵏⵡⴰⵜⵉⵏ
ⵙⵉⴷⵉ ⴱⴻⵍⵄⴻⴱⴱⴰⵙ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⴰⴱⴷⴻⵍⴽⴰⴷⴻⵔ ⵧⵓⴰⵍⵉ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⴷ ⴰⴽⴽⴻⵏ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⵜⵜⵡⴰⵙⵜⴻⵏⵢⵉⵏ ⵍⴻⵄⵇⵓⴷⴰⵜ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵛⵉⵏⵡⴰⵜⵉⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵢⵉⵙⵓⴳⴰⵏ (ⵎⴰⵔⴰⴼⵉ’).
ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵎⴰⵀⵉⵍ ⴷ ⵓⵙⵙⴻⴼⵇⴻⴷ ⴷⴻⴳ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵎⴰⵙⵙ ⵧⵓⴰⵍⵉ ⴷ ⴰⴽⴽⴻⵏ ⵜⵉⵛⵛⵓⵔⴽⵉⵡⵉⵏ-ⴰ ⵓⵔ ⵜⵜⵄⴻⴹⴹⵉⵍⴻⵏⵜ ⴰⵔⴰ ⴰⴷ ⴷ-ⵉⵍⵉⵏⵜ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵛⵉⵏⵡⴰⵜⵉⵏ ⵙ ⵓⵎⴻⵏⵣⴰⵢ (ⵎⴰⴱⴷⴰ’) ⵏ 51/49 ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵢⵉⵙⵓⴳⴰⵏ.
« ⵍⴰ ⵉⵅⴻⴷⴷⴻⵎ ⵉⵎⵉⵔ-ⴰ ⵓⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵉ ⵍⵎⴻⵏⴷ ⵏ ⵓⵙⵙⴻⵜⵔⴻⵔ (ⵄⴰⵕⵙⴰⵏⴰ) ⵏ ⵜⵜⴰⵡⵉⵍⴰⵜ ⵉⵖⴻⵍⵏⴰⵡⴻⵏ ⵏ ⵍⴻⴱⵏⵉ ⴰⴽⴽⴻⵏ ⴰⴷ ⴷ-ⵜⴻⵍⵀⵓ ⵜⵎⵓⵔⵜ ⵙ ⵢⵉⵙⴻⵏⴼⴰⵔⴻⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵓⵃⵔⵉⵛ-ⴰ ⵡⴰⵔ ⵎⴰ ⵜⴻⵙⵙⵓⵜⴻⵔ ⴰⵢⴰ ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⴰⵍⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴱⴻⵏⵢⴰⵏⴰⵜ ⴰⵢ ⵢⴻⵃⵡⴰⴵⴻⵏ ⵜⵉⵜⴻⴽⵏⵉⵢⵉⵏ ⵓⵔ ⵢⴻⵍⵍⵉⵏ ⴰⵔⴰ ⵖⴻⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⵜⵜⵡⴰⵙⵜⴻⵏⵢⴰⵏ ⵍⴻⵄⵇⵓⴷⴰⵜ ⴷⴷⵓⵕⵜ ⵢⴻⵣⵔⵉⵏ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵟⴰⵍⵢⴰⵏⵉⵢⵉⵏ ⵉ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ ⵢⴻⵎⵎⵓⵣⵣⴳⴻⵏ (ⵎⵓⵜⴰⵅⴰⵚⵚⵉⵚⴰ) ⴷⴻⴳ ⵍⴻⴱⵏⵉ ⵏ ⵜⵍⴻⴳⴳⵉⵢⵉⵏ (ⴵⵓⵙⵓⵔ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵖⵍⴰⴼ.
ⵉⵙⵡⵉ ⵏ ⵜⵉⵛⵛⵓⵔⴽⵉⵡⵉⵏ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⴱⴻⵕⵕⴰⵏⵉⵢⵉⵏ ⵏⴻⵜⵜⴰ ⴷ ⴰⵙⵙⴻⵔⴱⴻⵃ ⵏ ⵜⵜⴻⵊⵕⵉⴱⴰ ⵉ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ, ⴰⵙⵏⴻⵔⵏⵉ ⵏ ⵜⵎⵓⵙⵙⵏⵉ ⵏ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵉⴷⵣⴰⵢⵔⵉⵢⴻⵏ ⴷ ⵓⵙⵙⵉⴷⵔⴻⵎ ⵏ ⵢⵉⵙⴻⵏⴼⴰⵔⴻⵏ-ⴰ ⵙ ⵢⵉⴷⵔⵉⵎⴻⵏ ⵉⴱⴻⵕⵕⴰⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⴰⵍⵉ.
