Asebter amenzawi

Takebbanit Taɣelnawt n Ubrid n Wuzzal teḥwaǧ ugar n yixeddamen

LEZZAYER TAMANEɣT – Yenna-d uneɣlaf n umesni (naql) Boudjema Talai ass n ssebt deg Lezzayer Tamaneɣt d akken yessefk ad ttwaḥerzen yimukan n uxeddim n Teṛmist Taɣelnawt n Umesni s Ubrid n Wuzzal yerna yessefk ad rnun ad d-nnulfun yimukan n uxeddim deg teṛmist-a ɣef lǧal n ussemɣer n uẓeḍḍa aɣelnaw n ubrid n wuzzal.

Deg umyager-nnes d Tfidiṛalit Taɣelnawt n Yibriden n Wuzzal, anda ay d-ssawlen ɣef yiɣeblan n yixeddamen d yiswan wuɣur tessaram ad taweḍ teṛmist-a (carika), yenna-d uneɣlaf d akken ulac tugdi ɣef uzekka n Teṛmist Taɣelnawt n Umesni s Ubrid n Wuzzal d uḥraz n yimukan-nnes n uxeddim, ɣef wakken ay d-yebder yiwen n ulɣu (bayan) n uɣlif n umesni.

Iwekked-d daɣ Mass Talai, deg umyager-a aydeg yeḥdeṛ unemhal amatu n Teṛmist Taɣelnawt n Umesni s Ubrid n Wuzzal, Yacine Djaballah, d akken « yessefk ad yernu uxeddim akken ad d-temyezg teṛmist-a d yilugan igraɣlanen », ɣef wakken ay d-yebder ulɣu.