Asebter amenzawi

Taneggarut n Teqbuct n Tefriqt (ddaw 23): Lezzayer texṣer mgal Nijirya

DAKAR – Texṣer teɣlamt tadzayrit n ddaw 23 n yiseggasen timlilit-nnes mgal Nijirya s 1 ɣer 2 deg tneggarut n Teqbuct n Tefriqt n Yiɣlanen n 2015 ay d-yellan ass n ssebt deg usarir n Leopold-Sedar-Senghor deg Dakar.

Iswan n Nijirya yessadef-iten Etebo Peter Oghenekaro (tidqiqin tis 14 d tis 39), ma d iswi adzayri yessadef-it Oduduwa Segun Tope.

S waya, d Inijiryanen ay irebḥen Taqbuct-a n Tefriqt n ddaw 23 n yiseggasen. Tin n 2011 terbeḥ-itt Gabun mi terna Meṛṛuk (tamurt aydeg d-tella teqbuct-a) s 2 ɣer 1.

Ma d Tafriqt n Unẓul d nettat ay d tis 3 deg usettef n Teqbuct n useggas-a deffir ma terna Sinigal s 3 ɣer 1 deg temlilit n usettef. I usmekti, 3 n tmura timezwura deg teqbuct-a ad ɛeddint ɣer Wuraren Ulimpiyen n Rio n 2016.