ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵡⵙⵔⵡ ⵜⴻⴼⵕⴻⵃ ⵙ ⵓⴱⵟⴰⵍ ⵏ ⵍⵓⴼⴻⵇ ⵏ ⵜⴼⴻⵍⵍⴰⵃⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ
ⴰⵎⵙⵜⴻⵔⴷⴰⵎ – ⵜⴻⵏⵏⴰ-ⴷ ⵙⴰⵔⴰⵎ ⴻⵢⵛⴽⵎⴰⵏⵙ, ⵜⴰⵙⴻⵎⵢⴰⴷⴷⴰⵙⵜ (ⵎⵓⵏⴰⵙⵙⵉⵇⴰ) ⵏ ⵡⴻⵙⵜⴻⵔⵏ ⵙⴰⵀⴰⵔⴰ ⵔⴻⵙⵧⵓⵔⵛⴻ ⵡⴰⵜⵛⵀ (ⵡⵙⵔⵡ) ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⵜⵓⵎⴰⵔ (ⵜⴻⴼⵕⴻⵃ) ⵙ ⵍⴻⵃⴽⴻⵎ ⵏ ⵛⵛⵕⴻⵄ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵢ ⵢⴻⵙⴱⴻⵟⵍⴻⵏ ⵡⴰⵔ ⵍⴻⵄⴹⵉⵍ ⴰⵎⵜⴰⵡⴰ ⵏ ⵜⴼⴻⵍⵍⴰⵃⵜ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ.
ⵢⴻⵔⵏⴰ ⵜⴻⵙⵙⴰⵔⴰⵎ ⵜⵙⴻⵎⵢⴰⴷⴷⴰⵙⵜ ⵏ ⵡⵙⵔⵡ ⴷ ⴰⴽⴽⴻⵏ ⴰⴱⵟⴰⵍ ⵏ ⵓⵎⵜⴰⵡⴰ-ⴰ ⴰⴷ ⵢⵉⵍⵉ ⴷ « ⴰⵙⵓⵔⵉⴼ ⴰⵎⴻⵣⵡⴰⵔⵓ » ⴷⴻⴳ ⵓⵃⴱⴰⵙ ⵏ ⵡⴰⴽⴽ ⵜⵜⵊⴰⵕⴰⵜ ⵏ ⵎⴻⵕⵕⵓⴽ ⴰⵢⴷⴻⴳ ⵢⴻⵜⵜⴻⴽⴽⴰ ⵡⴰⴽⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ.
« ⵡⴰ ⴷ ⴰⵙⵙ ⵢⴻⵍⵀⴰⵏ ⵉ ⵓⵖⵔⴻⴼ ⴰⵚⴻⵃⵔⴰⵡⵉ. ⵏⴻⵙⵙⴰⵔⴰⵎ ⴰⴷ ⵢⵉⵍⵉ ⵡⴰ ⴷ ⴰⵙⵓⵔⵉⴼ ⴰⵎⴻⵣⵡⴰⵔⵓ ⴷⴻⴳ ⵓⵃⴱⴰⵙ ⵏ ⵜⵜⵊⴰⵕⴰ ⵙ ⵓⵎⴰⵜⴰ ⴷ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ (ⴷⴻⴳ ⵡⴰⵎⴰⵏ ⵏ ⵓⵏⴻⵥⵔⵓⴼ ⵓⵜⵔⵉⵎ) ⴰⵢ ⴷ-ⵢⴻⴳⴳⵔⴰⵏ ⵙⴻⴳ ⵜⴰⵍⵍⵉⵜ ⵏ ⴼⵔⴰⵏⵛⵧ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⴰⵔⴰ ⴻⵢⵛⴽⵎⴰⵏⵙ.
ⴷⴻⴼⴼⵉⵔ ⵓⴱⵟⴰⵍ-ⴰ ⵏ ⵓⵎⵜⴰⵡⴰ-ⴰ ⵏ ⵓⵙⵍⴻⵍⵍⵉ ⵏ ⵜⵜⵊⴰⵕⴰ ⵏ ⵍⵖⴻⵍⵍⴰⵜ ⵏ ⵜⴼⴻⵍⵍⴰⵃⵜ ⴷ ⵚⵚⵢⴰⴷⴰ ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ (ⴽⵔⴰ ⵙⴻⴳ ⵍⵖⴻⵍⵍⴰⵜ-ⴰ ⵜⵜⵡⴰⴷⴷⴰⵎⴻⵏⵜ ⵙⴻⴳ ⵡⴰⴽⴰⵍ ⴰⵚⴻⵃⵔⴰⵡⵉ), ⵜⴻⵏⵏⴰ-ⴷ ⵜⵙⴻⵎⵢⴰⴷⴷⴰⵙⵜ-ⴰ ⴷ ⴰⴽⴽⴻⵏ « ⵍⴻⵃⴽⴻⵎ-ⴰ ⵢⴻⵙⵙⴽⴰⵏⴰⵢ-ⴷ ⴷ ⴰⴽⴽⴻⵏ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵍⵇⴰⵏⵓⵏ ».
ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ « ⵍⴰ ⵎⴻⵕⵕⵓⴽ ⵡⴰⵍⴰ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵙⵄⴰⵏⵜ ⴰⵣⵔⴻⴼ ⴰⴷ ⵖⴻⵍⵍⵜⴻⵏⵜ ⵜⵉⵖⴱⵓⵍⴰ (ⵎⴰⵡⴰⵔⵉⴷ) ⵏ ⵓⵏⴻⵥⵔⵓⴼ ⵓⵜⵔⵉⵎ. ⵓⵍⴰⵛ ⴰⵡⴰⵏⴰⴽ (ⴷⴰⵡⵍⴰ) ⴷⴻⴳ ⵓⵎⴰⴹⴰⵍ ⴰⵢ ⵢⴻⵙⵜⴻⵄⵕⴼⴻⵏ ⵙ ⵓⵙⵙⵓⵜⴻⵔ ⴰⵢ ⵜⴻⵙⵙⵓⵜⵓⵔ ⵎⴻⵕⵕⵓⴽ ⵙ ⵜⵉⵏ ⵏ ⵍⴱⴰⵟⴻⵍ ⴰⴽⴰⵍ-ⴰ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⴻⵍⵄⴰ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵜⴳⴻⵔ-ⴷ ⵜⵙⴻⵎⵢⴰⴷⴷⴰⵙⵜ ⵏ ⵡⵙⵔⵡ ⵜⵉⵖⵔⵉ ⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⵜⴻⵎⵙⴻⵡⵡⴰⵇ ⵙⵔⵉⴷ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵎⴰⵛⵉ ⴷ ⵎⴻⵕⵕⵓⴽ.
« ⵎⴰ ⵜⴻⴱⵖⴰ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴷ ⵜⴻⵎⵙⴻⵡⵡⴰⵇ ⵖⴻⴼ ⵙⵙⴻⵍⵄⴰ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵙⵙⴻⴼⴽ ⴰⴷ ⵜⴻⵎⵙⴻⵡⵡⴰⵇ, ⴷⴻⴳ ⵜⴰⵣⵡⴰⵔⴰ, ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵎⴰⵛⵉ ⴰⴽⴽⴻⴷ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ
