Asebter amenzawi

Beddu n lecɣal n unejmuɛ n yemḍebbṛen n temsultiyin tifriqiyin di Lezzayer

LEZZAYER TAMANAɣT- Lecɣal unejmuɛ n yemḍebbṛen n temsultiyin tifriqiyin bdan ass n lḥedd di Lezzayer tamanaɣt akken ad ssiwwḍen ɣer yiswi agejdan yerzan aqbal n yeḍṛisen inaṣḍufen n beddu n wemɛiwen amsultayan afriqi (Afripol).

Asnulfu n Afripol d asurrif ara yessiwḍen ɣer yiwet n tmuɣli ara yernun aseǧhed uxeddim n srabes n temsulta tafriqit, ladɣa deg wayen yerzan tizemmar n wemsuddes di tussna d tigawt.

"Asenfar-agi afriqi yessuter wakud aɛejlan yerzan ṭṭmana mači kan n tefriqt, maca s tdukkli d temnaḍin-nniḍen, ilaq ad yili d allal agejdan n wemɛiwen ageraɣlan i yibeddi amazday mgal akk iɣeblan yekkaten talwit akk d laman iḥuzan timura-nneɣ yemxallafen", id-ye,nna unemḥal amatu n laman aɣelnaw, ajiniṛal amatu Abdelghani Hamel, deg wawal-is lawan n weṛẓam.

"Tadyant-agi tettbeggin-d lebɣi n udabu azzayri i uṛeṣṣi n usenfar-agi astratiji i wemɛawen amenḍayan",yerna yenna Mas Hamel.